Hoërskool Stellenbosch

Fantastiese nuus!

Die Kandidaat is deur na die ATKV-Tienertoneel-streeksfinaal!

Baie geluk aan ons talentvolle akteurs en tegniese span, onder leiding van Andrea Staude en André Ge**er.

In die klein dorpie Biatłopol laat ’n ontploffing ’n jong moeder en haar baba huisloos — en chaos breek los. Drie politici baklei om die burgemeesterspos terwyl skandaal, verraad, korrupsie en donker geheime al hoe verder ontbloot word en Biatłopol al nader aan die rand van vernietiging beweeg.

Die Kandidaat is ’n absurde komedie oor mag, leuens en ’n volk wat te lank sy oë toemaak.
Kom kyk, lag en ondersteun ons Stellies vanaand by die Pam Golding Baxter-teater!

Kaartjies en die volledige program is hier beskikbaar:

https://www.webtickets.co.za/v2/Seating.aspx?itemid=1599046910

http://www.asem.in/

SKOUSPRING

Linnah Meyer – 80 cm Wes-Kaapse Junior Kampioen!

Linnah het van 20–26 Julie 2026, aan die Wes-Kaapse Junior Skouspringkampioenskappe in Plettenbergbaai deelgeneem. Saam met haar perd, Ziggy Stardust, het sy in die gegradeerde 80 cm-klas meegeding.

Linnah het uitstekende uitslae behaal:
🥉 4de plek – 80 cm Twee-fase
🏅 5de plek – 80 cm A2 Spoedkompetisie
🥇 1ste algeheel – 80 cm Wes-Kaapse Junior Kampioen

Baie geluk, Linnah! Ons is ongelooflik trots op jou en Ziggy Stardust.

KARATE

Baie geluk aan Charles met sy uitstekende prestasie by die Kyokushin-Kan BUDO Nasionale Toernooi in Polokwane, Limpopo!

Charles het op Saterdag, 15 Augustus, die Wes-Kaapse Provinsie se karatespan verteenwoordig en hom uitstekend van sy taak gekwyt.

Hy het tot die finaal deurgedring en die volgende uitslae behaal:
🥉 3de plek – Kata-afdeling vir juniors (o.18); ’n besonderse prestasie aangesien Charles slegs 15 jaar oud is.
🏅 4de plek – Wapen-Kata (ope-afdeling)

Ons is ongelooflik trots op Charles se harde werk, toewyding en puik prestasies!

GASVRYHEIDSTUDIE

Brenda de Jager van Spice Route Paarl, net buite Paarl, het onlangs haar kennis van kruie en speserye met ons graad 11-gasvryheidstudieleerders gedeel.

Die leerders het nie net die geleentheid gekry om aan ’n verskeidenheid kruie en speserye te ruik en proe nie, maar kon ook hul kreatiwiteit uitleef deur elkeen hul eie unieke kruie- en speserymengsel (blend) saam te stel.

Van geurige braaivleismengsels en klassieke Italiaanse kruie tot rissie-gegeurde chakalaka-mengsels en kerriegegeurde Cajun-mengsels het die leerders beslis gewys dat hulle nie bang is om met geure te eksperimenteer nie!

Baie dankie aan Brenda vir ’n insiggewende en smaaklike leerervaring! Dit was ’n wonderlike geleentheid om die wêreld van kruie en speserye op ’n praktiese manier te ontdek.

LANDLOOP

Hoërskool Stellenbosch spog vanjaar met 16 atlete wat in die Boland-span opgeneem is!

Hulle sal die Boland op 5 September 2026 by die ASA-Nasionale Landloopkampioenskappe by Hoërskool Curro Hazeldean in Pretoria verteenwoordig.

Baie geluk aan elke atleet met hierdie besondere prestasie!

INTERSKOLE

Wat ’n lekker naweek was dit om ons jaarlikse interskole teen Fish Hoek High School te hou! Die kompetisie was sterk, maar die gasvryheid was absoluut topklas!

Baie dankie aan elke speler en ouer vir julle teenwoordigheid en ondersteuning gedurende die afgelope naweek. ’n Spesiale dankie aan elke onderwyser en afrigter vir julle harde werk, toewyding en ondersteuning agter die skerms. Ons waardeer elkeen van julle!

And lastly, a huge thank you to Fish Hoek High School for your incredible hospitality. You were formidable opponents, and we thoroughly enjoyed the competition. We’ll see you next year on our turf!

SKAAK

Madelein du Plessis was een van 14 spelers wat die afgelope naweek die Cape Winelands Schools Chess (CWSC)-span by die Kings and Queens-toernooi in Ceres verteenwoordig het.

Madelein en haar span het ’n uitstaande prestasie gelewer en met goud weggestap!
Baie geluk met hierdie besondere prestasie, Madelein! Ons is ongelooflik trots op jou.