Laerskool Eikestad

𝗛𝗼𝗿𝗶𝘇𝗼𝗻 𝘄𝗶𝘀𝗸𝘂𝗻𝗱𝗲𝗸𝗼𝗺𝗽𝗲𝘁𝗶𝘀𝗶𝗲✖️➗➕
Joshua Viljoen en Wilhelm Burger het op Vrydag, 14 Augustus, vir Eikestad by die prysuitdeling van die Horizon wiskundekompetisie verteenwoordig.

Daar het 7 200 gr. 5 - 7 leerders van die Wes-Kaap aan die kompetisie deelgeneem.
Beide leerders is uitgenooi om die Top 100-prysuitdeling by te woon.
Joshua (graad 7) eindig 37ste en Wilhelm (graad 6) eindig 15de!
Voorwaar 'n prestasie om op trots te wees!

𝗛𝗢𝗞𝗞𝗜𝗘 𝘃𝘀 𝗦𝗧𝗘𝗟𝗟𝗘𝗡𝗕𝗢𝗦𝗖𝗛
Hierdie week het ons met ’n besige hokkiedag teen Stellenbosch afgeskop! 🏑🇷🇴

Dit was besonders om al ons spanne in aksie te sien en die geleentheid te hê om soveel van ons Eikies op die veld te sien. Ons spelers het met alles wat hulle het, gespeel en elke wedstryd met trots aangepak.

Baie dankie aan Stellenbosch vir die gasvryheid en vir nog ’n lekker dag van skolehokkie – dit is altyd ’n plesier om teen julle mee te ding.

Soos ons seisoen stadigaan tot ’n einde kom, besef ons al hoe meer hoe bevoorreg ons is om sulke toegewyde spelers, afrigters, ouers en ondersteuners langs die veld te hê.

Dankie vir elkeen se ondersteuning, aanmoediging en betrokkenheid – op én van die veld af.

𝗥𝗨𝗚𝗕𝗬 & 𝗡𝗘𝗧𝗕𝗔𝗟 𝘃𝘀 𝗦𝗧𝗘𝗟𝗟𝗘𝗡𝗕𝗢𝗦𝗖𝗛 🇷🇴
Baie dankie aan Laerskool Stellenbosch vir ’n wonderlike dag van netbal en rugby op Maandag, 17 Augustus!

Ons waardeer die goeie sportmangees en die geleentheid vir ons Eikies om die veld saam julle te betree, hul beste te gee en die dag saam met julle te geniet.

Dankie, Laerskool Stellenbosch – ons sien uit na die volgende een!

𝗘𝗜𝗞𝗘𝗦𝗧𝗔𝗗 𝗟𝗔𝗡𝗗𝗟𝗢𝗢𝗣 𝗦𝗧𝗘𝗥✨
Saterdag, 8 Augustus, is die Boland landloopkampioenskappe by Dal Josafat in die Paarl aangebied.

Ons sê baie geluk aan Sanmari Botha wat in die Bolandspan opgeneem is.

Ons wens haar ook sterkte toe met die Wes-Kaapbyeenkoms wat op 11 en 12 September te Riversdal plaasvind.

Die Eikies staan bankvas agter jou!🇷🇴🏃‍♀️

𝗔𝘃𝗲𝗰- 𝗠𝗮𝗿𝗶 𝗻𝗲𝘁𝗯𝗮𝗹𝘁𝗼𝗲𝗿𝗻𝗼𝗼𝗶 🏐
Op Donderdag, 13 Augustus, het die o. 13A-netbalspan aan Laerskool Stellenbosch se Avec- Mari netbaltoernooi deelgeneem.
Die dogters wen die toernooi en dra die Eikie-beeld van goeie sportmanskap, met trots, na buite. Baie geluk!

Drie dogters ontvang ook spesiale toekennings:
✨Jocó Claassens - beste doel van die toernooi.
✨Zaina Haggar - beste aanvallende speelster
van die toernooi.
✨Alcka Samuels - beste verdediger van die toernooi.

𝗢𝗻𝘀 𝗲𝗶𝗲 𝗘𝗶𝗸𝗶𝗲-𝘀𝘁𝗲𝗿 𝘀𝗸𝗶𝘁𝘁𝗲𝗿 𝗼𝗽 𝗱𝗶𝗲 𝗴𝗿𝗼𝗼𝘁𝘀𝗸𝗲𝗿𝗺! ✨🎬

Ons harte bars van trots op ons Alexis Newman, wat op slegs 8-jarige ouderdom haar eerste rol as Katinka in kykNET se Beter as Gister vertolk! 🌟

Alexis het hierdie nuwe avontuur met soveel entoesiasme aangepak. Al was sy aanvanklik ’n bietjie senuweeagtig, het sy vinnig haar voete gevind en sommer “vet pret” gehad om op stel te wees. Haar spontane persoonlikheid, selfvertroue en liefde vir mense is wat haar so besonders maak – en ons sien dit elke dag hier by Eikestad.

Ons is ongelooflik trots om te kan sê dat hierdie talentvolle jong aktrise deel is van ons Eikie-gemeenskap.

Ons kan nie wag om te sien waarheen jou talent jou volgende neem nie! 🎥⭐

Laerskool Eikestad is BAIE trots op jou!🇷🇴

𝗠𝗔𝗧𝗥𝗜𝗘𝗞𝗧𝗘𝗘 𝟮𝟬𝟮𝟲 🇷🇴
Ons nooi al die Graad 7’s van 2021 hartlik uit om ons op 7 Oktober 2026 by Laerskool Eikestad te kom besoek.

Kom trek julle hoërskoolklere aan en kom kuier saam met ons, herleef ’n paar ou herinneringe, kyk terug na julle Eikestad-jare en vier die ongelooflike jong mense wat julle geword het – asook die opwindende toekoms wat voorlê!

Ons kan nie wag om julle almal weer by Eikestad te verwelkom nie!

𝗚𝗿𝗮𝗮𝗱 𝗥 : 𝗕𝗲𝗿𝗼𝗲𝗽𝗲👮🧑‍🎓👨‍🍳🧑‍🏫
As deel van ons beroepe tema nooi ons ons ouers om met die graad R-maats te gesels oor hulle beroepe.

Baie dankie aan die volgende ouers wat ons kom besoek het.

Emile Rossouw (Slangvanger)

Janine Rossouw (prokureur en advokaat)

- Riaan Murray
(narkortiseur)

- Bertus Basson (sjef)

Droom groot graad R-maats.🇷🇴

𝗠𝗕𝗲𝗹𝗴𝗼𝘁𝗲𝘅 𝗖𝗼-𝗘𝗱 𝗖𝘂𝗽 𝟮𝟬𝟮𝟲🏑

Ons o. 13A-hokkieseuns en -dogters het die afgelope naweek deelgeneem aan die Belgotex Co-Ed Cup in Durbanville.

Dit was ’n tawwe twee dae in die koue, maar ons seuns en dogters het opgedaag en alles op die veld gegee. Julle het julle harte uitgespeel, aangehou baklei en nooit opgegee nie. Ons is ongelooflik trots op elkeen van julle!👏🏼🏑

’n Baie groot dankie aan Belgotex Sport vir die reël van so ’n fantastiese toernooi. Dit is altyd lekker om deel te neem en ons spelers die geleentheid te gee om teen goeie kompetisie te speel. 🇷🇴

Goed gedoen, Eikies! Julle het ons trots gemaak!🌳🏑

𝗔𝗞𝗔𝗗𝗘𝗠𝗜𝗘 𝗦𝗘𝗠𝗘𝗦𝗧𝗘𝗥 𝟭 | 𝗚𝗿𝗮𝗮𝗱 𝟱 - 𝟳: 𝗧𝗼𝗽 𝟭𝟬
Baie geluk aan ons toppresteerders! 🍎📚