Laerskool Jan van Riebeeck

Matteus 22:39
"Jy moet jou naaste liefhê soos jouself."
Gedagte: Behandel ander soos jy self behandel wil word.

Spreuke 17:17
"Op elke tydstip het die vriend lief."
Gedagte: Ware liefde bly staan, selfs in moeilike tye.

Galasiërs 5:13
"Dien mekaar deur die liefde."
Gedagte: Liefde word sigbaar wanneer ons ander help.

Baie geluk, Me. Nicole Eksteen!

Vandag vier ons die verjaarsdag van ons Waarnemende Hoof, Me. Nicole Eksteen!

Ons wens jou’n wonderlike verjaarsdag toe, gevul met vreugde, liefde, lag en baie mooi oomblikke. Mag die nuwe lewensjaar oorloop van seëninge, sukses en besondere herinneringe.

Baie dankie vir jou toewyding, harde werk, leiding en liefde vir Jannies. Jou positiewe ingesteldheid en passie maak elke dag ’n verskil in die lewens van ons leerders, personeel en ouers.

Mag jy vandag behoorlik bederf word en mag al jou verjaarsdagwense waar word!

Baie geluk, Me. Eksteen!
Ons waardeer en vier jou vandag!

1 Petrus 4:8
"Bo alles moet julle mekaar innig liefhê..."
Gedagte: Liefde bring genesing en vrede.

Geagte Ouers

Volgende Saterdag, 29 Augustus 2026, bied Laerskool Jan van Riebeeck ons Bokke Bash aan!

Kom ondersteun ons skool en geniet die Springbokke se wedstryd teen die All Blacks, wat regstreeks op ’n *GROOT SKERM* uitgesaai sal word. Daar sal ook heerlike vermaak vir die hele gesin wees, insluitend springkastele vir die kinders en ’n live band wat sorg vir ’n lekker atmosfeer.

*Kaartjiepryse:*
• R50 per persoon – bring asseblief u eie eetgerei en stoele.
• R150 per koelboks.
• Laerskoolleerders is gratis.
• R1500 per tafel vir 10 mense – *hierdie bedrag sluit die koelboksfooi in, dus hoef daar nie ’n addisionele koelboksfooi betaal te word nie. Die tafel sluit ook biltong, droëwors, skyfies en eetgerei in.*

*Alle kaartjies sluit die volgende in:*
• Pap en sous
• Aartappelslaai
• ’n Braaivuur
Ons is tans besig om die skoolterrein op te gradeer en ’n mooi, veilige en aangename omgewing vir ons leerders te skep. Om hierdie projekte te kan realiseer, het ons die ondersteuning van ons ouers en gemeenskap broodnodig.

*Kaartjies is beskikbaar by:*
• Laerskool Jan van Riebeeck-kantoor
• D6
• EFT
• Die Naskoolsentrum (naskool)

Ons nooi u en u gesin hartlik uit om saam met ons ’n lekker gesinsdag en Bokke-ondersteuningsdag te geniet en terselfdertyd ons skool te ondersteun.

Ons hoop om u daar te sien!

Baie dankie vir u ondersteuning en vir die verskil wat u aan ons skool en ons leerders maak.

Vriendelike groete
Nicole Eksteen
Waarnemende Hoof

Efesiërs 4:32
"Wees vriendelik en vol ontferming..."
Gedagte: Vriendelikheid maak 'n groot verskil.