'n Skool waar almal gelukkig is en gedissiplineerd werk om elkeen se volle potensiaal te bereik �
13/06/2026
Ons harte en gebede is vandag by die hele Laerskool Kathu-gemeenskap na die busongeluk wat vanoggend plaasgevind het.
Primêre Skool Springbok d**k aan elke leerder, ouer, personeellid en almal wat geraak word in hierdie moeilike tyd. Mag julle krag, troos en vrede ervaar, en weet dat julle in ons gebede en gedagtes is.
“Die Here is naby die gebrokenes van hart.” – Psalm 34:19
13/06/2026
Baie geluk meneer Andrew!
13/06/2026
Baie geluk juffrou Jenine!
Op Dinsdag, 2 Junie, het ons leerders en onderwysers hul gewone skoolskoene vir die dag verruil vir die lekkerste, gemaklikste (en snaaksste!) slippers!
Hierdie Slipperdag was propvol pret en vrolikheid, maar dit was alles vir ’n baie spesiale doel. Ons het hiermee fondse ingesamel vir ons 0/12 en 0/13 netbalspanne wat hierdie naweek aan die uitspeelwedstryde in Upington gaan deelneem!
Die ongewone slippers saam met die skoolklere het vir hope vermaak en groot glimlagte in die gange gesorg. Dit was sommer net pure pret vir oud en jonk.
Baie dankie aan elke ouer, leerder en personeellid vir julle onbaatsugtige ondersteuning en bydraes. Ons waardeer dit geweldig baie.
08/06/2026
Baie sterkte aan ons Graad 4 - 7-leerders wat vandag met hul eksamen begin! Ons glo in elkeen van julle en weet dat julle die vrugte van julle harde werk gaan pluk.
08/06/2026
Reg voor die eksamen begin het, het die personeel en Graad 7-leerders van Primêre Skool Springbok vir hope pret op die netbalbaan gesorg.
Die ledemate is behoorlik losgemaak, daar is hard gelag en gesonde kompetisie het geheers. Dit was pure genot vir elke speler én die toeskouers wat die spanne luidkeels ondersteun het.
Dít is presies die gees wat ons skool so spesiaal maak!
Nou is ons gereed, vol nuwe energie en motivering vir die eksamen.
Sterkte aan al ons leerders!
| Monday | 07:00 - 15:00 |
| Tuesday | 07:00 - 15:00 |
| Wednesday | 07:00 - 15:00 |
| Thursday | 07:00 - 15:00 |
| Friday | 07:00 - 14:00 |