SA Van Wyk Hoërskool_Offisieel

🏆🏉🏟️𝐒𝐏𝐎𝐑𝐓> 𝐑𝐔𝐆𝐁𝐘🏉🏟️🏆

𝑩𝒂𝒊𝒆 𝒈𝒆𝒍𝒖𝒌 𝒂𝒂𝒏 𝑭𝒆𝒍𝒊𝒄𝒊𝒂 𝑴𝒂𝒈𝒆𝒓𝒎𝒂𝒏!

Een van ons rugby-dogters is opgeneem in die Griquas o.16-rugbyspan. Hierdie prestasie is die vrug van harde werk, deursettingsvermoë, dissipline en ’n liefde vir die spel. Felicia dra nie net haar eie drome nie, maar ook die trots van haar skool en gemeenskap.

Felicia het reeds na Kimberley vertrek waar sy saam met die Griquas-span aan die oefenkamp deelneem, voordat hulle na Durban reis om aan die nasionale toernooi deel te neem. Ons is ongelooflik trots daarop dat een van ons Rooikatte die geleentheid gekry het om haar talent op so ’n groot platform te wys.

Ons wens jou ’n veilige, geseënde en suksesvolle toer toe. Speel met moed, karakter en trots, geniet elke oomblik en gee altyd jou beste. Onthou: ongeag die uitslag, is jy reeds ’n inspirasie vir baie jong sportlui. Maak ons trots, Felicia! Diee hele Rooikat familie staan vierkantig agter jou! 🏉🔥💛❤️

🌬️🏆 𝐑𝐎𝐎𝐈𝐊𝐀𝐓𝐓𝐄 𝐁𝐘 𝐆𝐋𝐎𝐁𝐀𝐋 𝐖𝐈𝐍𝐃 𝐃𝐀𝐘 𝟐𝟎𝟐𝟔! 🏆🌬️

Dit is met ongelooflike trots dat ons kan aankondig dat ons as die 𝐖𝐄𝐍𝐒𝐊𝐎𝐎𝐋 van die 𝐆𝐥𝐨𝐛𝐚𝐥 𝐖𝐢𝐧𝐝 𝐃𝐚𝐲 𝐊𝐨𝐦𝐩𝐞𝐭𝐢𝐬𝐢𝐞 𝟐𝟎𝟐𝟔 aangewys is! 🎉

Die kompetisie het die kreatiwiteit, innovasie en harde werk van leerders en opvoeders uitgelig, met uitstaande kunswerke en aanbiedings wat die belangrikheid van hernubare energie op inspirerende maniere uitgebeeld het.

Hierdie prestasie behoort aan ons leerders en personeellid wat hul talent, passie en deursettingsvermoë ingespan het om ons skool se naam met trots uit te dra. Julle het bewys dat die Rooikatte nie net droom van ’n beter toekoms nie – ons help om dit te bou. 🐾❤️💛

Baie dankie aan die organiseerders, beoordelaars en alle deelnemende skole wat hierdie kompetisie so besonder gemaak het. Ons sien reeds uit na volgende jaar se uitdaging!

🌍 Die toekoms behoort aan dié wat waag om te droom.
🌬️ Die wind van verandering waai sterk.
🏆 En hierdie jaar waai dit deur S.A. Van Wyk!

JONG SAKEBREINE VAN S.A.VAN WYK SKITTER IN MAAK MY ‘N MILJOENÊR-TOP-30
https://www.dieplattelander.com/post/jong-sakebreine-van-s-a-van-wyk-skitter-in-maak-my-n-miljoenêr-top-30

D. Obies
BERGSIG - In 'n streek waar jong talent dikwels stilweg broei voordat dit landwyd begin skitter, het Namakwa onlangs 'n trotse oomblik beleef wat die gemeenskap se gees laat opvlam het. Twee leerders van Hoërskool S.A. van Wyk, Rewano Saal en Adelay Isaks, het die aandag van die hele land getrek toe hulle hul plek in die top-30 van die gesogte Maak My 'n Miljoenêr-kompetisie verseker het—'n prestasie wat die streek se entrepreneuriese potensiaal opnuut in die kollig plaas. Die kompetisie, wat deur Albert van Wyk in vennootskap met ATKV-Jeugprojekte, Die Mos-Inisiatief, Akademia en ATKV-oorde aangebied word, is een van Suid-Afrika se invloedrykste platforms vir jong entrepreneurs.

🏆🏐𝐕𝐀𝐑𝐒 𝐒𝐏𝐎𝐑𝐓𝐍𝐔𝐔𝐒> 𝐍𝐄𝐓𝐁𝐀𝐋🏐🏆

WAT N WONDERLIKE PRESTASIE??!!

Ons is ongelooflik trots om aan te kondig dat ons 𝐎/𝟏𝟕 𝐍𝐞𝐭𝐛𝐚𝐥𝐬𝐩𝐚𝐧 OOK deurgedring het na die 𝐍𝐀𝐒𝐈𝐎𝐍𝐀𝐋𝐄 𝐊𝐎𝐌𝐏𝐄𝐓𝐈𝐒𝐈𝐄 𝐈𝐍 𝐁𝐎𝐊𝐒𝐁𝐔𝐑𝐆, 𝐆𝐀𝐔𝐓𝐄𝐍𝐆!🥳👏🏽👏🏽👏🏽

Hierdie is n prysenswaardige prestasie en n reuse oomblik vir ons, want by SA Van Wyk is sport nie sommer net sport nie- dis n instrument wat karakter bou en wêrelde open vir ons leerders!

Baie geluk aan ons ROOIKATTE!! Julle maak ons trots!!❤️😇✊🏽

゚viralシ

🇿🇦 JEUGDAG | 16 JUNIE 2026 🇿🇦

Die jeug het hul stemme gebruik om die koers van ons land te verander en vir toekomstige geslagte nuwe moontlikhede te skep.

Vandag... gaan dit oor die jongmense wat in ons klaskamers sit. Die leerders wat droom, werk, struikel, opstaan en elke dag weer probeer. Die jongmense wat eendag die onderwysers, wetenskaplikes, entrepreneurs, ambagsmanne, boere, sportsterre en leiers van môre sal wees.

Mag elke jongmens weet: ✨ Jou stem het waarde. ✨ Jou drome maak saak. ✨ Jou karakter is belangriker as jou omstandighede. ✨ Jou potensiaal is groter as wat jy self soms glo.

Gelukkige Jeugdag aan al ons Rooikatte en die jeug van Suid-Afrika! 🐾🇿🇦

"Die geskiedenis onthou nie altyd diegene wat die hardste gepraat het nie, maar dikwels diegene wat die moed gehad het om op te staan wanneer dit die meeste saak gemaak het."

🇿🇦❤️💛

🏆🏐𝐒𝐏𝐎𝐑𝐓> 𝐍𝐄𝐓𝐁𝐀𝐋🏐🏆

𝐎/𝟏𝟓 𝐑𝐎𝐎𝐈𝐊𝐀𝐓𝐓𝐄 𝐃𝐄𝐔𝐑 𝐍𝐀𝐒𝐈𝐎𝐍𝐀𝐀𝐋 𝐓𝐎𝐄!

Ons is besonders trots op ons O/15 netbalspan wat 2de plek behaal het in die 𝐊𝐚𝐲 𝐌𝐨𝐭𝐬𝐞𝐩𝐞 liga! 💪🏽

Die harde werk van ons netbal-koördineerders en afrigters, 𝐉𝐮𝐟𝐟𝐫𝐨𝐮 𝐑𝐨𝐬𝐬𝐨𝐮𝐰, 𝐉𝐮𝐟𝐟𝐫𝐨𝐮 𝐏𝐚𝐫𝐫𝐢𝐧𝐠 𝐞𝐧 𝐉𝐮𝐟𝐟𝐫𝐨𝐮 𝐌𝐚𝐥𝐚𝐧 asook die van ons talentvolle leerders, het voorwaar goeie vrugte gelewer! 🥳🥳👏🏽👏🏽👏🏽

BOKSBURG, HIER KOM DIE ROOIKATTE!!🔥

🏉🔥 GROOT TROTS BY S.A. VAN WYK! 🔥🏉

Ons eie Ignatius Maarman is amptelik opgeneem in die O/16 VKB Platteland Provinsiale Skolerugbyspan 2026 🏆

Van ons velde tot die provinsiale verhoog
Van droom tot realiteit

Die video van sy “cap ceremony” wys presies wat hierdie oomblik beteken—’n jong man wat besef: dit is groter as ekself, maar ek is gereed.

Aan ons Rooikat: jy dra nou nie net jou naam nie, maar ook jou skool en gemeenskap met trots. Speel hard, speel slim, en bly nederig.

👏 Baie geluk! Ons staan vierkant agter jou.

🏉