Laerskool Goedehoop Amptelik

Laerskool Goedehoop Amptelik Ons wil u kind leer, bemoedig, ondersteun en lei om die wêreld hoopvol, gebalanseerd en gegrond toe te tree. Ons vier nuuskierigheid en kreatiwiteit.

Ons rus u kind toe met HOOP en VEERKRAGTIGHEID – ‘n anker en ‘n springbord.

17/09/2026

JUNIOR KOOR: Ons Junior koor het hulle stemmetjies behoorlik laat hoor by die Eisteddfod!
Met groot entoesiasme, mooi harmonie en sommer baie Goedehoop-trots het hulle elke noot met hart gesing.
Baie geluk, Junior koor! Ons is baie trots op julle en op die pragtige manier waarop julle ons skool verteenwoordig het.



Goegie sê: Hoe weet jy dit gaan wild by die skool? 👀😂Wanneer Juffrou nie meer net by haar lessenaar werk nie… maar somme...
17/09/2026

Goegie sê: Hoe weet jy dit gaan wild by die skool? 👀😂
Wanneer Juffrou nie meer net by haar lessenaar werk nie… maar sommer onder hom! 🤣
Dis daardie tyd van die kwartaal waar ’n stil hoekie goud werd is. Punte moet ingevoer word, boeke moet gemerk word, rapportkommentare moet getik word… en iewers tussen alles probeer Juffrou net vir ’n paar minute wegkruip en werk! 😂📚🖊️
As iemand vra waar Juffrou is:
“Sy is in haar kantoor… tegnies.” 🤭




PUMA 7'S - Ons is baie trots om te verneem dat HW Meyer opgetrek is na die Puma 7's A-span vir o/12. Baie geluk HW! ...
17/09/2026

PUMA 7'S - Ons is baie trots om te verneem dat HW Meyer opgetrek is na die Puma 7's A-span vir o/12. Baie geluk HW!

KRIEKET - Ben-Paul Botha het op 16 September 2026 teen Laerskool Taalfees uitgeblink met die bal en weggestap met syfers...
17/09/2026

KRIEKET - Ben-Paul Botha het op 16 September 2026 teen Laerskool Taalfees uitgeblink met die bal en weggestap met syfers van 6 paaltjies in 4 beurte vir net 14 lopies. Baie geluk!

KRIEKET - Baie sterkte aan die o/12- en o/13-krieketspanne wat vandag teen Laerskool Kragbron kragte meet in hul ligawed...
17/09/2026

KRIEKET - Baie sterkte aan die o/12- en o/13-krieketspanne wat vandag teen Laerskool Kragbron kragte meet in hul ligawedstryde.

Goegie sê: ’N KLEIN DAADJIE MET ’N GROOT HART Soms lê die mooiste oomblikke van ’n skooldag nie in die klaskamer of op d...
16/09/2026

Goegie sê: ’N KLEIN DAADJIE MET ’N GROOT HART

Soms lê die mooiste oomblikke van ’n skooldag nie in die klaskamer of op die sportveld nie, maar sommer stilweg in ’n gangetjie.

Tannie Samaria wat neerbuig om ’n Graad 000-maatjie se skoen se gespe vas te maak. Geen groot gebaar nie, net ’n klein oomblik van omgee wat soveel sê.

Dit is mense soos Tannie Samaria wat help om van ’n skool méér as net ’n skool te maak. ’n Plek waar klein mensies raakgesien, gehelp en met liefde versorg word.

Dankie, Tannie Samaria, vir die liefde wat jy elke dag in die klein dingetjies wys. Dis juis dáár waar ’n groot hart die duidelikste gesien word.




16/09/2026

SENIOR KOOR: Wat ’n voorreg om ons Senior Koor se pragtige stemme by die Eisteddfod te hoor!
Julle het met soveel trots en mooi harmonie gesing en ons harte sommer ekstra trots laat klop.
Baie geluk, koor! Ons is ongelooflik trots op elkeen van julle!



16/09/2026

AKADEMIE: PRAKTIESE HUISWERK GRAAD 3
Ons Graad 3’s het weer gewys dat huiswerk nie altyd op papier hoef te wees nie!
Die uitdaging vir 15 September was om die vloere in die huis te was óf die matte te stofsuig. En kyk net hoe flink het hierdie klein handjies gewerk!
Met elke praktiese takie leer ons sommer iets groter: verantwoordelikheid, selfstandigheid en om raak te sien waar ons kan help.
Graad 3’s, julle maak ons trots! Dankie dat julle met soveel ywer ’n handjie by die huis bysit.




Address

C/o Stanford And Mauch Street
Secunda
2302

Opening Hours

Monday 07:00 - 14:00
Tuesday 07:00 - 14:00
Wednesday 07:00 - 14:00
Thursday 07:00 - 14:00
Friday 07:30 - 01:30

Website

Alerts

Be the first to know and let us send you an email when Laerskool Goedehoop Amptelik posts news and promotions. Your email address will not be used for any other purpose, and you can unsubscribe at any time.

Contact The School

Send a message to Laerskool Goedehoop Amptelik:

Shortcuts

Share

Category