Laerskool Secunda

𝐖𝐄𝐍𝐍𝐄𝐑𝐖𝐎𝐎𝐑𝐃𝐄 - 𝐌𝐞𝐢 - 𝐉𝐮𝐧𝐢𝐞 𝟐𝟎𝟐𝟔

Lees gerus en herleef saam met ons al die mooi oomblikke en kosbare herinneringe van hierdie kwartaal. Wat ’n ongelooflik geseënde (en besige) tweede kwartaal was dit! Ons sluit hierdie kwartaal af met dankbare harte, mooi herinneringe en selfs ’n paar trane.

Volg die skakel:
https://heyzine.com/flip-book/7819b456fc.html

WennerWoorde - Mei - Junie 2026 | PDF to Flipbook Created with the Heyzine flipbook maker

'𝐧 𝐋𝐞𝐤𝐤𝐞𝐫 𝐛𝐞𝐝𝐞𝐫𝐟...

Baie dankie aan ons leiers en hul ouers vir die heerlike bederf van gister. Op 'n koue dag is 'n lekker warm koppie sop en 'n broodjie darem net die lekkerste! Ons waardeer julle moeite en liefde, tot op die fynste detail, ongelooflik baie. Baie dankie dat julle ons so spesiaal laat voel en só bederf het.

𝐃𝐢𝐭 𝐢𝐬 𝐕𝐀𝐊𝐀𝐍𝐒𝐈𝐄...

Geniet die vakansie! Rus lekker, reis veilig en kom veilig weer huistoe. Ons sien uit daarna om ons maatjies weer in die nuwe kwartaal te verwelkom!

𝐌𝐞𝐭 𝐋𝐢𝐞𝐟𝐝𝐞 𝐍𝐞𝐞𝐦 𝐎𝐧𝐬 𝐀𝐟𝐬𝐤𝐞𝐢𝐝

Vandag neem ons afskeid van drie besondere dames: Juffrou Janine, Juffrou Kyra en Shané.

Baie dankie vir julle harde werk, toewyding en liefde vir Laerskool Secunda. Julle het elkeen ’n besondere verskil gemaak en julle teenwoordigheid gaan beslis gemis word.

Ons wens julle alle sterkte en seëninge toe vir hierdie nuwe seisoen in julle lewens. Mag die Here julle beskerm, bewaar en lei op julle nuwe reis. Ons bid dat daar vir julle net mooi geleenthede en groot vreugde voorlê.

𝐆𝐞𝐥𝐮𝐤𝐤𝐢𝐠𝐞 𝐯𝐞𝐫𝐣𝐚𝐚𝐫𝐬𝐝𝐚𝐠, 𝐣𝐮𝐟𝐟𝐫𝐨𝐮 𝐄𝐥𝐧𝐚!

Baie dankie, Oregon Spur Steak Ranch vir die geskenkbewyse en dat julle ons personeel se verjaarsdae ekstra spesiaal maak!

𝐋𝐀𝐍𝐃𝐒𝐃𝐈𝐄𝐍𝐒

Ons Landsdieners vertrek môreoggend vroeg op hul provinsiale kamp. Baie dankie aan Nanouk vir die pragtige hempies vir ons Landsdieners. ’n Groot dankie ook aan al die Landsdiens-ouers wat spesiale pakkies vir elke leerder gepak het om saam te neem.

Geniet die kamp, ry veilig en kom veilig terug huis toe.

“Ek het vir jou gesê jy moet sterk en dapper wees. Jy moenie bang wees nie, jy moet vir niks skrik nie, want jou God, die Here, sal by jou wees oral waar jy gaan.” - Josua 1:9

𝐋𝐀𝐄𝐑𝐒𝐊𝐎𝐎𝐋 𝐒𝐄𝐂𝐔𝐍𝐃𝐀 𝐌𝐀𝐍𝐍𝐄𝐀𝐀𝐍𝐃

Laerskool Secunda nooi al die manne om 'n heerlike aand saam met ons en Willem Alberts te kom geniet.

Bespreek nou jou plek by 060 610 5334.