Hoërskool Secunda

Baie sterkte aan ons Mpumalanga-landloopatlete met hierdie naweek se Interprovinsiale deelname!

Julle harde werk, deursettingsvermoë en toewyding het julle tot hier gebring. Ons is ongelooflik trots op elkeen van julle en weet dat julle Hoërskool Secunda se naam met trots sal uitdra.

Hardloop met moed, geniet elke oomblik en gee julle beste.

TWK Skoleliga – Sterkte aan al ons fietsryers! Die TWK Skoleliga vind môre in Secunda plaas, en ons wil graag elke leerder van Hoërskool Secunda baie sterkte toewens vir die wedren. Ride with confidence, enjoy the experience and give it your all.

Sterkte aan ons o/14- en o/16-hokkiemeisies vir die MP-uitspele! We stand firmly behind you and believe in your talent, determination, and team spirit. Gaan geniet elke oomblik, speel met hart en bring daardie mooi resultate huis toe!

Gister het ons die groot voorreg gehad om Pastoor Hein van Heerden by ons netbal te verwelkom. Baie dankie dat jy tyd gemaak het om ons spelers en afrigters te inspireer en te motiveer vir die opkomende MP-uitspele. Jou woorde van aanmoediging en geloof het beslis ’n verskil gemaak. To all our netball girls and coaches, we wish you the very best for the weekend ahead. Remember that when you step onto the court, you carry with you the countless hours of hard work, dedication, perseverance and team spirit that have brought you this far. Speel met passie, glo in julself en geniet elke oomblik.

Hoërskool Secunda streef daarna om ons skool se waardes op 'n tasbare manier uit te leef. Om te verseker dat leerders hul volle potensiaal kan bereik en akademies kan presteer, poog ons ook om ondersteuning te bied aan leerders wat minder bevoorreg is. Daarom het die skool 'n broodjieprojek wat daagliks kospakkies aan behoeftige leerders voorsien.
Hierdie projek sou egter nie moontlik wees sonder die betrokkenheid van ons wonderlike mammas nie. Baie dankie aan elke mamma wat by die broodjieprojek betrokke is, asook elkeen wat bydra om behoeftige leerders se verjaarsdae spesiaal te maak. Julle omgee en bereidwilligheid om te help, maak daagliks 'n tasbare verskil in ons leerders se lewens.
Die leerders wat elke dag deur hierdie projekte ondersteun word, waardeer dit opreg. Julle vriendelikheid, liefde en betrokkenheid laat hulle voel dat hulle raakgesien, gewaardeer en versorg word.
Deur hierdie dade van liefde leef julle Hoërskool Secunda se kernwaarde van omgee op 'n besondere manier uit. Baie dankie dat julle help om hoop te bring en 'n verskil te maak waar dit die nodigste is.

Ons is ongelooflik trots op Mev. Amanda De Swardt!

Baie geluk met die suksesvolle voltooiing van die Comrades Marathon. Juffrou is waarlik ’n yster en ’n inspirasie vir ons almal.