Secoerie kleuterskool

15/05/2026

𝐁𝐞𝐥𝐚𝐧𝐠𝐫𝐢𝐤𝐞 𝐤𝐞𝐧𝐧𝐢𝐬𝐠𝐞𝐰𝐢𝐧𝐠:

Die Secoerie Facebook-blad sal nie meer gebruik word nie. Voortaan sal alle nuus, kommunikasie en hoogtepunte van beide die kleuterskool en Laerskool Secunda slegs op Laerskool Secunda se Facebook-blad gedeel word.

Volg gerus die blad om op hoogte te bly.
https://www.facebook.com/LaerskoolSecunda

By Laerskool Secunda is elke kind welkom. Hier glo ons dat elke kind ’n wenner is!

08/05/2026

Gr RRR het laas week geleer van padvervoer!

Ons het gesels oor verskillende voertuie op die pad, padtekens herken en selfs bietjie “ry-speel” gedoen. Die maats het dit baie geniet om te leer hoe ons veilig op en langs die pad moet wees.

07/05/2026

Laas week was ’n kort week, maar ons Graad RR-maats het steeds baie geleer! Ons het gesels oor pad- en spoorvervoer, en geleer van vragmotors, gesinskarre, bakkies en treine.

Tussen al die leer was daar ook tyd vir pret! Ons het die week afgesluit met ’n lekker klaspartytjie, een van ons maatjies in die Graad RR-klas het verjaar.

By ons klasse is daar altyd ’n mooi balans tussen hard leer en lekker speel.

06/05/2026

Laaities en Ladies se maatjies wat volgende jaar Graad R toe gaan, het vandag kom saamkuier en ons harte sommer vol gemaak!

Dit was vir ons ’n groot voorreg om die oggend saam met julle deur te bring en julle by ons skool te verwelkom. Julle het so mooi deelgeneem aan die aktiwiteite en dit was heerlik om te sien hoe vinnig julle gemaklik raak en nuwe maatjies maak.

04/05/2026

𝟐𝟎𝟐𝟕-𝐢𝐧𝐬𝐤𝐫𝐲𝐰𝐢𝐧𝐠𝐬 𝐢𝐬 𝐚𝐦𝐩𝐭𝐞𝐥𝐢𝐤 𝐨𝐨𝐩!

Ons hou jou plekkie oop… net vir jóú.

Volg die skakel (ook beskikbaar op ons webtuiste) om in te skryf:
https://secundalaerskool.co.za/toelatings/

Send a message to learn more

02/05/2026

Hierdie week het ons Graad RR maats baie lekker geleer oor herfs.

Wiskunde was hierdie week ’n groot fokus in ons klas. Ons het met stokkies gewerk en geleer om te vergelyk watter een die langste, kortste, dikste en dunste is.

Ons het ook die stokkies getel, in groepies gesit en gekyk hoeveel meer of minder daar is. So leer ons sommer vroeg al van lengtes, groottes, vergelyking en getalle op ’n praktiese en prettige manier.

Ons het ook met herfsblare gewerk en ontdek dat blare in verskillende groepe gesorteer kan word – geel, rooi of bruin. Dit het ons gehelp om verder te leer oor sortering, patrone en kleure.

Hierdie week was beslis ’n baie leersame week waar ons op ’n natuurlike manier geleer het dat wiskunde oral om ons is.

01/05/2026

Ons Graad R-maats het laas week groot pret gehad terwyl hulle oor hulle sintuie geleer het!

Ons het verskillende smake geproe – soet, sout, bitter en suur – en die maatjies was só opgewonde om alles self te ontdek!

Deur hierdie lekker aktiwiteit ontwikkel hulle taal, sensoriese bewustheid en selfvertroue.

Elke maatjie se reaksie was uniek – en dit maak ons sommer baie trots!

30/04/2026

Gr RRR en Herfs 🍂

Ons het laas week alles oor herfs geleer! Die kleuters het pragtige krimpvarkies uit klei gemaak en sommer baie kreatief geraak.

Ons het ook hard gewerk aan ons fynspier-vaardighede deur verskeie aktiwiteite te doen – klein handjies wat groot werk verrig!

25/04/2026

Ons Graad R maats het laas week alles geleer oor hul sintuie 👀👂👃👅✋

Ons het prettige gesiggies gemaak met verskillende teksture waar elke maatjie self kon kies wat hulle wil gebruik. Van sag tot growwer materiale – elkeen het hul eie unieke kunswerk geskep! Hierdie aktiwiteit help nie net met sintuiglike ontwikkeling nie, maar wys ook elke kind se kreatiwiteit en verbeelding.

Elke werkie is besonders en vertel sy eie storie

Klein handjies, groot idees!

25/04/2026

Gr RRR het laas week geleer van: Mense wat ons help ✨👩‍🚒👮‍♂️👩‍⚕️

Ons kleuters het geleer van al die wonderlike mense wat ons elke dag help – van dokters en brandweermanne tot polisie en onderwysers. ❤️

Die hoogtepunt was beslis toe almal aangetrek het soos hul gunsteling beroep! Wat ‘n oulike en kreatiewe groepie – ons is so trots op elkeen. 🥰

Dankie aan al die ouers vir julle moeite en ondersteuning. Dit maak hierdie leerervarings ekstra spesiaal! 🌟