Die Speelkamer

... dis 'n FEES om 'n Spelie te wees!!

Oupas en Oumas is die sagte hande wat troos, die warm drukkies wat veilig laat voel, en die stories wat harte laat glimlag.

Mamma jy is die hart van die huis!
Dankie vir al jou liefde
🩷🩷🩷

By ons kleuterskool skep ons 'n liefdevolle, veilige en vrolige omgewing waar elke kind kan groei, speel en ontdek. Want wanneer kinders gelukkig is, leer en ontwikkel hulle natuurlik.

. . . Waar ons speel-speel leer
💟🚼🚹💟

Byna alle vaardighede wat 'n Gr R-kind moet bemeester kan speel-speel aangeleer word. Of dit nou buite-speel, rolspel, bordspeletjies, slangetjie-en-leertjies of kaarte behels.

Waarom is speel dan so belangrik?
Hier is 'n paar redes om na te kyk en hopelik sal dit genoeg motivering wees om die kinders bietjie voor die skerms weg te kry en seker te maak dat hulle klim, swaai, hang, swem, b***e rondskop of gooi, touspring en sommer nog 'n hele paar ander aktiwiteite aanpak.

Deur speel kan 'n kind leer en homself ook uitdruk. Speel ontwikkel jou kind se waagmoed en sy sosiale vaardighede. Speel ontwikkel kreatiwiteit en emosionele vaardighede. Speel help jou kind om van oortollige energie ontslae te raak en om beheer oor sy eie liggaam te leer, soos bv wanneer hy hang, klim of balanseer. Speel bou selfvertroue, bevorder konsentrasie en lê 'n sterk fondasie vir leer.

Die kinders se programme is so vol, maar maak tyd deur die middag om jou kind kans te gee om bietjie te speel.

Mag hierdie Kersfees vir julle gevul wees met vrede, liefde en kosbare oomblikke saam met dié wat vir julle die meeste beteken.

Dankie vir elke ouer se vertroue, ondersteuning en samewerking deur die jaar – dit is ’n voorreg om saam met julle deel te kon wees van jul kleuters se groei en ontwikkeling. Elke glimlag, mylpaal en klein oorwinning word moontlik gemaak deur ’n sterk vennootskap tussen huis en skool.

Geseënde Kersfees.

Met waardering en hartlike Speelkamer-groete
♡ 🎄 ♡ 🎄 ♡ 🎄 ♡

Juffrou Danel van die Gogga-klas verjaar vandag!
Baie geluk Danel met jou Verjaarsdag, mag dit 'n heerlike dag vir jou wees en 'n jaar propvol seën.

Lekker verjaar Lee-Ann van die Lugballon Klas!
Geniet jou spesiale dag!
Dankie vir jou mooi hart teenoor elke maatjie!
Mag jou jaar propvol liefde wees. 🩷🥳

Baie dankie aan almal wat saam ons onder die see kom duik het waar kleurvolle visse gedans, haaie geglimlag, en selfs ‘n baba-seekat saam ons gespeel het!

Aan elke kleuter – julle het ongelooflik mooi gedoen! Julle glimlaggies, dansies en dapper harte het hierdie verhoog laat lewe kry!
Ons is só trots op elkeen van julle!
🐋 🐙 🐠 🦀 🪼