Deutsche Schule Kroondal

Baie geluk aan ons kookwater-Ju Jitsu-leerders!

DSK is bitter trots op julle. Vier van ons skitterende leerders het amptelik hul Noordwes-kleure in Ju Jitsu verwerf. Hierdie besonderse prestasie is die vrug van maande se harde werk, dissipline en onwrikbare deursettingsvermoë op die mat. Julle het julself, jul families en jul skool se naam hoog gehou.

Ons wens die volgende kampioene geluk met hierdie groot prestasie:

🥋 Roux van Niekerk
🥋 Stefan Janse van Vuuren
🥋 Zanru Bailey
🥋 Mila Lewis

DSK staan bankvas agter julle. Ons sien met groot verwagting uit na julle toekomstige sukses in die sportwêreld. Hou aan om jul drome met passie na te jaag! 💙💛🏆🥋

Wat ’n wonderlike seisoen vir ons Mini-Netbal meisies!

Ons is ongelooflik trots op elke speler wat met entoesiasme, deursettingsvermoë en ’n positiewe gesindheid deelgeneem het. Elke meisie het soveel groei getoon - nie net in hulle netbalvaardighede nie, maar ook in selfvertroue, spanwerk en sportmansgees.

Hulle het elke wedstryd met ywer aangepak en altyd hul beste gelewer. Baie dankie aan al die spelers vir hul harde werk en toewyding. Julle het ons trots gemaak, en ons sien uit daarna om julle volgende seisoen verder te sien groei en presteer.

Welgedaan, Mini-Netbal meisies!

Twee van ons DSK-krieket sterre, Ian Benecke Gr. 2 en Theo Benecke Gr. 5,is gekies vir die Warriors Krieket o/11-span wat deelneem aan die TSL Toernooi in Pretoria.

Wat die prestasie nog meer merkwaardig maak is dat Ian tans in Graad 2 is en vir 'n o.11 span speel.

Hou gerus die twee boeties dop. Hulle maak ons baie trots.

Baie geluk aan ons volgende twee ambassadeurs! 🌟

Dankie dat julle altyd bereid is om die ekstra myl te loop. Julle toewyding, harde werk en goeie voorbeeld maak ons baie trots. Julle is ’n ware inspirasie vir ander leerders. 👏🎉

Wat ’n besondere Oupa- en Ouma Dag was dit nie!
Ons Spatzennest- en skool-leerders het die geliefde verhaal van _Die Stadmusikante van Bremen_ met groot entoesiasme opgevoer.
Elke klas het hul eie karakter uitgebeeld — van die esel, die hond, die kat en die haan tot die boere en rowers — terwyl ons graad 7-leerders die storie vertel en met trots opgevoer het.
Ons oupas en oumas het van heinde en verre gereis om die stadmusikante sommer hier in Kroondal te kom bewonder!
Dit was wonderlik om soveel oupas en oumas by die skool te verwelkom en saam ’n oggend vol lag, musiek en herinneringe te deel.
Ná die opvoering het almal nog heerlik saam gekuier in die vierkant van die gemeentesaal, waar koffie en verversings geniet is.

🏫✨ Hoërskool Rustenburg kuier by Graad 7 ✨🏫

Hoërskool Rustenburg het by ons Graad 7-leerders kom inloer en behoorlik saam gekuier. Die opwinding was groot en die glimlagte breed! 😄

Dankie vir die lekker besoek en die spesiale tyd saam met ons leerders. 💙

🐝🌍 Wêreldbyedag 2026 🌍🐝

Ons Landbouklas het op ’n kreatiewe manier bewusmaking geskep vir Wêreldbyedag op 20 Mei 2026 deur bye uit herwinde materiaal te maak. ♻️🐝

’n Pragtige les oor herwinning, kreatiwiteit én die belangrike rol wat bye in ons natuur speel! 🌼🍯

Graad 7 NAMPO Oesdag-uitstappie 🌾🚜

Die Graad 7-leerders het vanjaar die wonderlike geleentheid gehad om die NAMPO Oesdag by te woon. Hulle is blootgestel aan ’n verskeidenheid interessante en opvoedkundige ervarings en kon meer leer oor landbou, tegnologie, diere en masjinerie.

Die uitstappie het die leerders opnuut laat besef watter belangrike rol landbou in ons daaglikse lewe speel. 🌱🐄🚜

🎤 ATKV Redenaars Semi-finaal 🎤

Baie geluk aan Michael van Rooyen wat deurgedring het na die ATKV Redenaars semi-finaal wat op 21 Mei by Hoërskool Rustenburg plaasvind. 🌟

Michael , ons is ongelooflik trots op jou!