Deutsche Schule Kroondal

Die leerders van die DSK het die afgelope skoolvakansie skitterend presteer tydens die MASA National Championships deur 'n indrukwekkende totaal van 12 medaljes (4 goud, 6 silwer en 2 brons) in te palm. In die Gi Grappling-afdeling het Christine Kruger en Zanru Bailey nasionale goue medaljes verower, terwyl Gerrit Kruger, Stefan Janse van Vuuren en Roux van Niekerk elkeen met silwer weggestap het. Die sukses het voortgeduur in No-Gi Grappling, waar Christine en Zanru, tesame met Mila Lewis, kookwater-vertonings gelewer het om silwer te behaal, terwyl Stefan en Roux die bronsmedalje opgeraap het. In die uitmergelende Stand Up-dissipline het Zanru, Stefan en Roux hul uitsonderlike veelsydigheid bewys deur al drie koning te kraai met goue medaljes. Hierdie uitstaande vertonings getuig van die leerders se intense toewyding en fiksheid, en dit plaas DSK met reg op die nasionale gevegskuns-kaart.

Handré het die afgelope naweek aan die 3de rondte van die Northern Regions Karting Kampioenskap by Vereeniging Karting Track deelgeneem. Hy het uitstekend gevaar met 'n 5de, 6de en 7de plek. Hy het n algehele 7de plek behaal.

Krieket.

Theo Benecke is as speler van wedstryd tydens die aandliga-toernooi by Laerskool Protea Park aangewys. Hulle het teen Protea Park gespeel. Hy puik presteer met die kolf en 30 lopies (nie uit nie)aangeteken. Hy het ook 2 paaltjies geneem.

Die Graad 5-klas leer tans oor hernubare landbou en volhoubare boerderypraktyke. Op hierdie pragtige oggend het ons die geleentheid gehad om God se wonderlike skepping eerstehands te beleef. Ons het die landerye verken en geleer waarom gewasrotasie so belangrik is vir die behoud van gesonde, vrugbare grond. Die leerders het ook na grondstruktuur gekyk en ontdek hoe goeie grondbestuur bydra tot volhoubare voedselproduksie. 🌱🌾

📖✨ 'n Spesiale dag vir ons Graad 4-leerders!

Vandag het ons Graad 4-leerders hulle eie Bybels ontvang – 'n kosbare geskenk wat hulle op hulle geloofspad sal begelei. ❤️

Baie dankie aan ons liewe Pastor Hermann vir die oorhandiging, en 'n opregte woord van dank aan die DELGK Duitse Gemeente vir hierdie besondere geskenk. Julle liefde en omgee maak 'n blywende verskil in ons kinders se lewens.

Mag hierdie Bybels vir elke leerder 'n bron van geloof, hoop en leiding wees. ✝️📚

🍻🇩🇪 KROONDALER KARNEVAL 2026 🇩🇪🍻

Maak gereed vir ’n onvergeetlike middag en aand vol Duitse gees, lekker kuier, goeie musiek en heerlike kos!

📅 29 Augustus 2026
🕞 15:30
📍 Deutsche Schule Kroondal
🎟️ R330 p.p. (sluit ’n maaltydbewys van R75 in)

Geniet lewendige musiek, schnitzel, schnapps, handwerkbier en die unieke atmosfeer waarvoor die Kroondaler Karneval bekend is. Daar sal ook rugby op ’n groot skerm wees vir al die ondersteuners!

⚠️ Geen persone onder 18 jaar.

📞 Besprekings:
014 533 0410
083 380 2158

Gute Freunde. Gute Musik. Gute Zeiten.
🍺 Prost! 🍺