What are the opening hours?

Monday 06:30 - 17:30 Tuesday 06:30 - 17:30 Wednesday 06:30 - 17:30 Thursday 06:30 - 17:30 Friday 06:30 - 17:30

https://www.facebook.com/469248042932609/

Uiltjieland Kleuterskool

Home
South Africa
Roodepoort
Uiltjieland Kleuterskool

Contact information, map and directions, contact form, opening hours, services, ratings, photos, videos and announcements from Uiltjieland Kleuterskool, School, 13 Mahonie Straat , Roodekrans, Roodepoort.

24/09/2026

🇿🇦 ERFENISDAG • BRAAIDAG • SPEEL & LAG-DAG 🇿🇦

Ons het Kwartaal 3 afgesluit met ’n Checkers Sixty60-tema — en wat ’n heerlike dag van lag, speel en saamwees was dit nie! ❤️

Checkers is al só deel van Suid-Afrika soos braaibroodjies, pap en ’n goeie storie, en natuurlik die lang, mooi pad van waar ons was tot waar ons vandag is.

Ons Juffrouens het behoorlik die petrol getrap met ’n Sixty60-motorfietswedren! 🏍️😂

Die kinders het ons harte gesteel met ’n wonderlike modeparade in hul herwinbare uitrustings. 🌍♻️

En toe… lip-lek-lekker melktert, spesiaal deur Sixty60 afgelaai! 😋🍰

Wat ’n heerlike, vrolike en onvergeetlike Erfenisdag!

🇿🇦 Suid-Afrika, ons is trots op jou!

🙏 Abba, ons is dankbaar vir ons pragtige land.

♻️ WEES SLIM. HERWIN!
Herwin nie net plastiek en papier nie…

Herwin herinneringe. ❤️
Herwin daardie drome wat iewers langs die pad onaangeraak gebly het. ✨
Herwin tyd — deur weer tyd met jou mense te spandeer.
Herwin vergifnis — sê weer jammer, selfs al moet jy dit nog ’n keer sê.
Herwin daardie verhouding wat dalk verwaarloos geraak het.
Herwin die woorde wat jy nog altyd wou sê.
En kies om vandag anders te leef as gister.
Want party dinge kan ons nie terugkry nie…
Maar ons kan besluit wat ons met die tyd wat oor is gaan doen. ❤️

🇿🇦 Ons erfenis. Ons mense. Ons herinneringe. Ons Suid-Afrika.

WEES SLIM. HERWIN. ♻️
🦉❤️🇿🇦

14/09/2026

🦖💙 Liewe liefste Hunter – ons merkwaardige Hunty, vandag is jy 4! 💙🦖

Ai, ou Hunty… waar om te begin? 🥹
Jy ou seuntjie-lyf is n juweel soos min!!

Hunter, jy laat ons in lewe, liefde en hoop glo. Jy herinner ons elke dag daaraan dat daar beslis ’n God is daar bo! ’n God wat jou perfek gemaak het, met ’n doel, met ’n plan en met ’n besonderse roeping.

Jy, in jou klein menswees, raak ons lewens op ’n manier wat woorde amper nie kan beskryf nie.

Jy leer ons daagliks van moed, deursettingsvermoë, geloof en dankbaarheid. Jy wys vir ons dat selfs wanneer die pad moeilik is, ’n mens kan aanhou… een tree, een glimlag en een dag op ’n slag. ❤️

Hunter, jou “calling” is groot! Ons glo met ons hele hart dat God ’n baie spesiale doel met jou lewe het. Jy leer ons elke dag van ons daaglikse brood – om vandag te leef, vandag lief te hê en vandag dankbaar te wees vir elke klein wonderwerk.

Jy spesiaal en geniaal!

⭐On the night you were born,the moon shone with such wonderthat the stars peeked into see youand the night wind whispered,'Life will never be the same.'Because there had never been anyone like you…ever in the world."🌙⭐

Ons is vir jou liewer as wat jy vir al die dinosourusse in die hele heelal is! 🦕🦖 En net soos dinosourusse dalk lankal uitgesterf het, weet ons een ding vir seker:
Ons liefde vir jou sal nooit uitsterf nie. ❤️

Mag jou vierde jaar gevul wees met avontuur, dinosourusse, groot drome en nog groter wonderwerke!💙

Mag jy altyd weet hoe ongelooflik kosbaar jy is.
Mag jy altyd weet dat jy geliefd is.
En mag jy eendag terugkyk en besef hoeveel mense se harte jy reeds met jou klein menswees aangeraak het.

Gelukkige 4de verjaarsdag, ons liewe Hunter! 🎂🎈🦖

Liewer as die liefste lief is ons vir jou ons Hunty💙💙

12/09/2026

💛🌼 Liefste Emma is 3! 🌼💛

☀️☀️Drie keer om die s☀️n! S☀️nskyn-kind!

“For this child we have prayed.” – 1 Samuel 1:27 🙏🏻

Emmie dieselfde God wat die son in lewe gespreek het, het jou in gedagte gehad vir hierdie wêreld nog voor die grondlegging van hierdie aarde! Hy het in Sy wysheid geweet dat ons jou goudgeel sonskyn nodig het! Ons is Hom so dankbaar vir jou! ☀️💛

Liewe Emma, vandag vier ons 3 wonderlike jare van jou klein, kosbare lewe! 🎂💛

Jy is ’n klein mensie met ’n reuse persoonlikheid – klein maar getrain! 💪🏻😂 Jy is braaf maar sensitief, ’n klein waaghals en kansvatter wat vir min dinge bang is.
Jy is altyd gereed vir jou volgende avontuur.!

Jy is mal oor dans en sin! Die Here rejoice net so oor jou! Zephaniah 3:17

En dan is daar daardie skewe glimlaggie… 🥹💛
’n Glimlag wat ’n mens se hele hart warm maak en alle ongelukkigheid reguit maak!

Dit is so besonders dat jou verjaarsdag op die 12de is. In die Bybel word die getal 12 dikwels verbind met God se orde, volheid en Sy doel vir ons lewens. Mag jy eendag verstaan hoe kosbaar en doelbewus jou lewe is – dat God jou met ’n besondere doel geskep het. ✨

En jou gunsteling kleur, geel, pas jou sommer perfek! 💛 Geel herinner ons aan sonskyn, vreugde, warmte, hoop en lig. Dit is presies wat jy vir almal rondom jou bring – ’n klein sonstraaltjie!!!☀️💛

Emma, ons is so dankbaar dat ons die voorreg het om jou te sien groei, leer, ontdek en elke dag meer van jou wonderlike persoonlikheid te leer ken.

Ons hoop jy bly altyd hierdie dapper, sensitiewe, avontuurlustige klein meisiekind wat met haar skewe perfekte glimlag deur die lewe dans. 💃🏻🌼

Mag Jesus jou elke tree van jou lewe beskerm, jou hartjie sag hou en jou voetjies lei op al die wonderlike avonture wat nog voorlê.

Gelukkige 3de verjaarsdag, ons liefste Emma! 🎂💛🌼

Bly altyd ons klein dans-in-die-wind-liefie-kind. 💛
Liewer as die liefste lief is ons vir jou! 🥰

10/09/2026

🎉🌸 Gelukkige verjaarsdag, liewe Juffrou Felicia! 🌸🎉

Vandag vier ons nie net jou verjaarsdag nie, maar ook die wonderlike mens en juffrou wat jy is! 💕🦉

Dankie vir jou liefde, geduld, omgee en die mooi manier waarop jy elke dag ’n verskil in ons kinders se lewens maak. Jy bring soveel warmte en vreugde waar jy gaan, en ons is ongelooflik dankbaar om jou deel van die Uiltjieland-familie te hê. 🥰

Mag jou nuwe lewensjaar gevul wees met baie liefde, geluk, gesondheid, seën en spesiale oomblikke. Mag God jou elke dag lei, beskerm en oorlaai met Sy goedheid. 🙏🌷

Geniet jou spesiale dag, Juffrou Felicia! Jy verdien elke bietjie bederf en liefde wat vandag na jou kant toe kom. 🎂🎈💐
Baie geluk met jou verjaarsdag! Ons is baie lief vir jou! ❤️🦉

06/09/2026

🎀🌸 Gelukkige 2de verjaarsdag, liefste Zia!

☀️Twee keer om die son ons liefste sonskyn-kind!☀️

Zia jy is n vriendelike, oulike en besonderse spesiale dogtertjie wat elke dag ’n bietjie ekstra vreugde by Uiltjieland bring.

🥰 Jy het die mooiste glimlag en jou sagte,passievolle en liefdevolle persoonlikheid maak jou so kosbaar!!

Een van ons gunsteling dinge van Zia is hoe sy altyd vir al haar maatjies ’n high five gee op pad na haar eetplekkie! ✋🏻💕

🌷 Die betekenis van Zia is “lig”. In ’n Bybelse konteks herinner dit ons aan die pragtige beeld van Zia wat haar liggie orals skyn! Sy dra lig aan swaar dinge en lig almal om haar op. Ken jou lig en lig jou ken! Jy liefste Zia is gemaak om harte te wen!

Mag jou tweede lewensjaar gevul wees met alles wat mooi is!

Ons is so lief vir jou, Zia! 💕
Liewer as die liefste lief is ons vir jou!

16/08/2026

🎈💙 DUBBEL SOVEEL LIEFDE – KAI & KRUZ WORD 3! 💙🎈

Baie, baie geluk met julle 3de verjaarsdag, liefste Kai en Kruz! 🥳🎂🎈

Julle is twee besige, oulike mannetjies wat elke dag ons harte steel! 💙💙

Kruz, jy is ons sterk en dapper seuntjie wat lief is vir ’n bietjie avontuur! 😄 Jy klim, klouter en mik altyd vir die hoogste punt van die klimraam – 😂🧗‍♂️

Kai, jy het die oulikste gesiggies wat jy kan trek en jy is altyd gereed om vir Kruz ’n bietjie te beraad! 😜😂 Jy bring soveel karakter en pret, en ons geniet elke liewe oomblik saam met jou.

Die mooiste van alles is om te sien hoe lief julle vir mekaar is. ❤️ Julle vul mekaar op jul eie, unieke manier aan, beskerm mekaar en kyk altyd uit vir mekaar. Dit is só besonders om te sien hoe hierdie twee klein boeties se band elke dag sterker word. 🥹💙

Ons is ongelooflik bevoorreg om hierdie dubbelporsie seuntjie-liefde te mag ken, geniet en liefhê! 👬💙

Baie, baie geluk met julle verjaarsdag, liefste manne! 🎉
Ons is liewer vir julle as wat julle vir ballonne is! 🎈😂💙

TONNE BALONNE - lief 🎈🎈🎈

09/08/2026

Luhan-Vandag vier ons jou vierde keer om die son ☀️☀️ 💙

Vandag vier ons ’n baie spesiale seuntjie – ons pragtige krulkop-Luhan! 🥰

Jy is regtig die mooiste krulkop-seuntjie wat ons ken, met jou oulike glimlag, blink oë en daardie spesiale persoonlikheid wat jou nét ons Lulus maak. 💙

Ons is so ongelooflik lief vir jou en voel bevoorreg om jou te sien grootword en elke dag deel te wees van jou avonture.

Baie geluk met jou 4de verjaarsdag, ons liefste, liewe Luhan! Liewer as die liefste lief is ons vir jou!!!

26/07/2026

Vandag verjaar hierdie merkwaardige vrou, leier, mentor, mamma,vriendin...

Al gee ons haar al hierdie titels is dit nogsteeds te min!! Sy is waar Uiltjieland begin!!

Baie dankie vir jou liefde en leiding! Dankie dat jy elke maand kom inloer om te sien hoe dit met ons en jou Uiltjies gaan! Dankie dat jy altyd almal om jou se belange op jou hart dra!

Ons waardeer jou!!

Mag jy so lekker verjaar!!!

18/07/2026

So sluit ons n heerlike vakansie af! Ons neon sokkie Bokkies het n fees gehad! Ons sien uit na kwartaal 3!

Address

13 Mahonie Straat , Roodekrans
Roodepoort
1724

Opening Hours

Monday	06:30 - 17:30
Tuesday	06:30 - 17:30
Wednesday	06:30 - 17:30
Thursday	06:30 - 17:30
Friday	06:30 - 17:30

Telephone

+27823127808

Website

facebook.com

Alerts

Be the first to know and let us send you an email when Uiltjieland Kleuterskool posts news and promotions. Your email address will not be used for any other purpose, and you can unsubscribe at any time.

Contact The School

Send a message to Uiltjieland Kleuterskool:

Want your school to be the top-listed School/college in Roodepoort?