Ekstra Wiskunde & Wetenskap Klasse Rina van Deventer

Dis weer eksamen tyd. Wiskunde is een van die vakke wat baie spanning kan bring. Agv stres kan 'n leerder nie sy volle potensiaal bereik. nie. Baie ouers is moedeloses en sê hul kan nie hul kinders help met voorvereiding vir die wiskunde vraestel.. Ouers kan hul kinders help deur vraestelle van die internet te kry en hulle motiveer om betyds met voorbereiding te begin asook kontroleer of hulle dit deurwerk. Wiskunde is nie biologie of enige ander leer vak waar jy opsommings moet maak om feite te onthou of dit kan deurlees nie. Wiskunde is oefen om probleme op te los. Werk so veel as moontlik gemengde oefeninge, ou toetse en ou vraestelle deur met memorandums. As jy eers die probleem herken is dit maklik. Met baie oefening word dit al makliker en selfvertroue al hoe beter. Onthou om betyds te begin voorberei. Ouers glo in jou kind en leerders glo in jouself. Harde werk word altyd beloon. Sterkte. As dit so maklik is weet dan jy is besig om droog te maak. So d**k mooi.

Sterkte aan al die matrieks wat wiskunde rekord eksamen skryf. Ek is so trots op elke matriek by ons sentrum wat aangehou het met die vak. Dit was soms moeilik en ons het baie trane gesien en baie getroos as die punte nie goed was nie. Met baie harde werk en deursettingsvermoë het nie een van hulle wiskunde geletterdheid oorweeg nie. Deur aan te hou met wiskunde het elke leerder deure oopgemaak vir 'n goeie toekoms na matriek. Harde werk word altyd beloon. Sterkte met elke vraestel wat nog geskryf moet word. Mag dit goed gaan.

Wat 'n vreugde om met sulke oulike leerders te werk wat gefokus is op harde werk en om goeie wiskunde punte te kry. Met die 3 uur sessies voor 'n wiskunde vraestel is almal soveel meer voorbereid en gereed om die vraestel met vertroue te gaan skryf. Die sentrum is nou gesluit tot die eerste week van die derde kwartaal. Geniet 'n welverdiende vakansie as die skole sluit.

Eksamen tyd. Maak seker dat julle wat by die sentrum klas kry van die week af die eksamen tye wat deurgegee is volg. Die sessies voor 'n vraestel is baie meer insiggewend as die leerders voorbereid na die klas kom. Wiskunde voorbereiding is soos enige sportsoort se voorbereiding. Dit verg ure se oefening lank voor die tyd. Daar moet bladsye vol somme gedoen word voor 'n vraestel . Spandeer net soveel tyd aan wiskunde voorbereiding vir eksamen as aan 'n leer vak soos biologie. Hoe meer oefening jy kry hoe beter word die selfvertroue en die punte. Sterkte vir die eksamen.

Barbara Martens is die wetenskap onderwyser by ons sentrum vir die afgelope 5 jaar. . Sy is 'n baie ervare onderwyser wat ook voltyds by 'n skool werksaam is . Sy is baie passievol oor haar vak. Weens haar ondervinding in die opstel en nasien van matriek wetenskap vraestelle kan sy elke leerder voorberei vir matriek om hulle beste te lewer.

Doukie Maritz is die gr 11 en gr 12 wiskunde onderwyser by die sentrum vir die afgelope 10 jaar. Sy het in verskeie hoërskole wiskunde gegee vir gr 11 en gr 12. Daar word baie hard gewerk in haar klasse om leerders gereed te kry vir matriek. In Graad 12 doen hulle 'n paar 3 uur werk sessies om hul eksamen gereed te kry vir die rekord eksamen en eindeksamen. Ons matriek punte vir wiskunde is elke jaar baie goed wat die klasse beslis die moeite werd maak.

Rina van Deventer. Ek het die wiskunde en wetenskap sentrum 18 jaar gelede begin.Daar was 'n groot behoefte by leerders waar ek onderwys gegee het om individuele aandag in wiskunde te kry. Die groot getalle in klasse by skole is een van die probleme dat kinders swak presteer in wiskunde . Ek is al vir 35 jaar 'n wiskunde onderwyser en het by verskeie hoërskole en laerskole skool gehou Die sentrum het met tyd uitgebrei met meer onderwysers hier betrokke. . Dit is my passie om elke kind waarmee ek werk nie net te help met wiskunde nie, maar ook te werk aan hul selfvertroue. Dit is baie bevredigend om kinders te help om so te presteer dat hulle na skool verseker is op 'n beter toekoms

Baie geluk aan die volgende leerders: Monique Diedericks Graad 10. Sy het verlede jaar by ons aangesluit met baie swak punte. Sy het hard gewerk en aan die einde van verlede jaar het sy haar vak van geletterdheid verander na wiskunde. In gr 10 gaan dit baie goed en haar punte is 'n bewys daarvan. Vincent van der Merwe graad 7 en Wihan Senekal graad 7 het baie gesukkel met wortels en eksponente. Ons het dit baie ingeoefen en hul toets punte was 100% en 80% onderskeidelik. Harde werk, motivering en glo in jouself is 'n wenresep in Wiskunde en dit is ons doelwit.

Welkom terug aan al die gr 8 leerders by die wiskunde klasse. Sterkte vir die jaar met al die nuwe algebra en meetkunde wat bemeester moet word. Met baie inoefening hier gaan die x en y in algebra later so maklik word soos 2+3.

Wiskunde Gr 4 - 9 is een uur klas per week teen R120 per uur. Wiskunde Gr 10 - 12 is een en halfuur klas per week teen R150.
Wetenskap Gr 10 - 12 is een uur klas per week teen R120 per uur. Ons werk in klein groepies om seker te maak dat elke leerder individuele hulp kry en elke week se werk goed inoefen.