Tuine Onderwysers - periode 1956 tot hede

NAVRAE:
https://www.facebook.com/tuine.skool?mibextid=LQQJ4d
en
https://www.hoerskooltuine.co.za/

goeie dag, kan julle DRINGEND ook nog ander Admins saam jou aanstel, in my plek, om hierdie groep veilig te hou.
🚨Alle dokumente bv Grondwet is aan ons Skool oorhandig.
🚨Die Alumni Vereniging se eie Webtuiste het lankal ook reeds in 2021 gesluit.
NAVRAE & SKAKEL IN BY:
https://www.facebook.com/tuine.skool?mibextid=LQQJ4d
en
https://www.hoerskooltuine.co.za/

Good night followers.

[2023/04/22]Mnr Barend van Graan het die volgende deurgegee:

“Juffrou, Anita Redelinghuys (82 jaar) is laat vanmiddag aan natuurlike oorsake oorlede.
Rus in vrede liewe Anita!”

Dit is nie elke dag wat 'n skool kan spog met 120+ jaar se ervaring tussen slegs 3 van sy personeellede nie. Ons drie goue dames is gister vereer vir hulle jare diens in die onderwys. Wanneer mens hierdie getalle op die diensklok sien is daar iets wat by ons opkom, iets wat ons herinner dat die onderwys vir hierdie drie goue dames van ons bloot nie net 'n beroep was nie, maar veel eerder 'n roeping.
Me. Castleman, Mev. Grobler en Mev. Wilkins, ons salueer julle, 'n voorbeeld van uithou en aanhou vir só baie van ons, 'n voorbeeld van passie uitleef waarna baie van ons kan opkyk. Ons is seker julle is reg vir die volgende 40. Dankie dat ons julle liefde en kennis vir die onderwys by Hoërskool Tuine kan sien.

1927.06.22 - 2021.02.22

Mnr Willie (WH) Johnson was een van die eerste veertien onderwysers wat op 18 Januarie 1956 by Hoërskool Tuine begin skoolhou het. Hy was vir 32 jaar verbonde aan Hoërskool Tuine tot en met sy aftrede in 1988 waar hy visie-hoof was.

Die skool was aanvanklik gehuisves in tydelike asbes-klaskamers waar atletiekbaan vandag is terwyl daar nog gebou is aan die skool.

Een van sy eerste buitemuurse opdragte was die uitleg van die tuine, die plant van bome en die bou van rotstuine met die hulp van, onder andere, leerders.

Oom Willie was 'n rekeningkunde (boekhou) onderwyser in murg en been, dit was sy passie en groot liefde. Hy het ook van tyd tot tyd tik, voorligting en bybelkunde klasse aangebied.

Die Voortrekkers het hom na aan die hart gelê. Hy was self ‘n Voortrekker vanaf sy laerskooldae in Worcester. Hy was ‘n offisier en later hoofkommandant van Hoërskool Tuine se Voortrekker kommando.

Hy was al die jare betrokke by die CSV.

Hy was akademies goed onderlê met drie grade en drie diplomas wat hy aan die Universiteite van Stellenbosch, Potchefstroom en Pretoria verwerf het. Hy het verder by twee geleenthede bevorderingsgeleenthede na die Pretoriase Onderwyserskollege van die hand gewys vanweë sy groot liefde vir Hoërskool Tuine se leerders.

Ons Hemelse Vader kom haal hom op Maandag 22 Februarie 2021.
Hy laat na sy twee seuns (Stephen en Aldwin) en sy dogter (Marlene), ses kleinkinders en twee agterkleinkinders.

Ons pa, Mnr. Willie Johnson se begrafnisdiens vind plaas op Vrydag, 5 Maart 2021, om 13h00 by NG. Kerk, Schürmannlaan 567, Pretoria-Tuine, en dan na Zandfontein begrafplaas vertrek.

Ons sal graag almal daar wil hê maar weens Covid 19 pandemie en huidige regulasies wil ons graag vra dat die van julle wat graag die diens wil bywoon vir ons,
Marlene 0823742173,
Aldwin 0828817167 of
Stephen 0722115022 so gou moontlik in kennis sal stel.
Baie dankie

HULDEBLYK deur Kobus van der Merwe:

DAWIE LE ROUX
Gebore: 1946.04.09
Sterf: 2019.07.11
Tuine Hoërskool, Onderwyser: 1972 - 1983
Dit is hartseer om van Dawie le Roux se afsterwe te hoor maar die nuus bring mooi herrineringe na vore.
Jy was, ‘n goeie leermeester, vriend, kollega en geliefd onder al die kinders wat deur jou hande gegaan het.
Jou vriendelike glimlag was jou uitstaande kenmerk en sal altyd in ons gedagtes bly.
Dankie dat ons jou kon ken, lewenstyd met jou kon deel en lewenswyshede van jou ontvang het.
Jou groot liefde vir Geskiedenis, onderwys, opheffing van ‘n volk en jou energieke entoesiasme in atletiek sal altyd by ons bly.
Mag daar vrede en berusting vir Hanelie en kinders wees.
Ons weet verseker dat God in beheer is.
Ons groet jou met waardering en agting.

Die gedenkdiens vir Dawie le Roux is op Vrydag, 19 Julie om 11h00 vm.
In die NG Kerk 4 Ankers
Felix Stowe straat 1
Sasolburg

Mnr Willie (W.H.) Johnson vier vandag 2019.06.22, sy 92 ste verjaarsdag! Hoërskool Tuine onderwyser 1956 tot 1988. Baie geluk Oom Willie

BRON: dank aan Connie Griessen (1963 Jaargroep).
"Ons het die afgelope paar dae twee geliefde oud-onderwysers verloor, en wil graag namens alle HTAV lede en Alumni hulde bring aan "Madam" Ella Pretorius (sien huldeblyk elders op blad)
asook Dr. Dolf Van Coller.

Mnr Van Coller was Biologie onderwyser in die vroeë 60's, en was ook baie aktief in skoolsport afrigting. Hy was geweldig vriendelik en behulpsaam, en het vroeg reeds die bynaam "Bob Hope" verkry vanweë hul treffende ooreenkoms. Hy was ongelukkig nie baie lank by Hoërskool Tuine nie en word by NKP as dosent in Sielkunde aangestel, waar hy en hoofseun Adriaan Boersma mekaar weer raakloop. Jong Dolf het sy doktorsgraad in Sielkunde in hierdie tydperk behaal.

Lede van die skool tennis spanne onthou dat hy en ander onderwysers soms saam kom oefen het, terwyl Prof Cas Vos goeie herinneringe het van sy krieket afrigting. Selfs na hy die pos by NKP aanvaar het het hy naby die skool bly woon. Sy kinders was ook Hoërskool Tuine leerlinge.

Dr Van Coller is Saterdag oorlede na 'n onverwagse hartaanval, op die ouderdom van 87.

Die begrafnis vind
Dinsdag 18 Junie om 12:45 plaas by die
NG Kerk Schürmanlaan Pta-Tuine

Mev E. E. (Madam) Pretorius
1929.09.18 - 2019.06.09

Begrafnis reëlings:
19 Junie 2019
Teraardebestelling-10h00vm
Pretoria Oos Begrafplaas

Begrafnisdiens-12h00vm
Bougainvilla Aftree-oord,
Montana, Pretoria.

Adres:
Bougainvillea Dr Rylaan 1556, Montana, Pretoria.
Kantoor 0120004437

Navrae:
Gerhard Pretorius 0712508241

Volg HTAV amptelike Facebook Blad/Page deur op hierdie
https://www.facebook.com/tuine.alumnivereniging/
skakel te kliek en te gaan “Like”, daar volg nog vele verassings.

Hoërskool Tuine Alumni NAVRAE:
https://www.facebook.com/tuine.skool?mibextid=LQQJ4d
en
https://www.hoerskooltuine.co.za/