Ensõ Akademie

25/09/2026

WAT AS SKOOL MEER IS AS NET PUNTE?

Wat as skool ook die plek is waar ’n jongmens ontdek:
Wie is ek?
Waar behoort ek?
Hoe dra ek by?

By ENSÕ Akademie glo ons elke leerder verdien om gesien en gehoor te word. Om ruimte te hê om te vra, te probeer, soms verkeerd te wees, weer te probeer — en te groei.

Ons probeer nie jongmense in ’n boks laat pas nie.
Ons wil hulle help ontdek wat reeds binne hulle leef.

Hierdie video vertel ’n klein deeltjie van ons storie: https://youtube.com/shorts/GdscyGhsrxo?si=xfC7C9idur6I0pjd

As jy op soek is na iets anders vir jou kind se skoolreis, kom ontdek ENSÕ.
Inskrywings vir 2027 is oop.
Hier is plek vir jou storie.

Ontdek ENSÕ Akademie - www.ensoakademie.co.za

Toekomsgerigte Afrikaanse onderwys by Ensõ Akademie, Pretoria. 4IR vaardighede, musiek, sport en IEB voorbereiding. Open Januarie 2026. Deel van MOS familie.

25/09/2026

Die MOS Inisiatief bied opwindende geleenthede vir mense wat 'n verskil wil maak. Vind beskikbare poste en raak deel van ons missie om onderwys te bevorder.

24/09/2026

ERFENISDAG BY ENSÕ

Partykeer lyk behoort sommer net soos ’n vuur wat brand, iets lekker op die kole en mense wat saam kuier.

By ENSÕ vier ons vandag nie net waar ons vandaan kom nie, maar ook die mense saam met wie ons vandag ons stories skryf.

Ons het gebraai.
Ons het gelag.
Ons het saam geëet.
En ons het sommer net lekker saam mens gewees.

Want erfenis leef nie net in dit wat ons ontvang het nie —
dit leef ook in dit wat ons saam verder bou.

🇿🇦 Gelukkige Erfenisdag van ons ENSÕ-familie!

Wie is ek? Waar behoort ek? Hoe dra ek by?

23/09/2026

VOLG JY NET INSTRUKSIES… OF KAN JY 'N PROBLEEM OPLOS?

Die wêreld waarvoor ons vandag se jongmense voorberei, verander vinnig.

Daarom glo ons by ENSÕ Akademie dat opvoeding oor meer moet gaan as om die regte antwoord te onthou.

Ons wil jongmense leer om:

nuuskierig te wees en vrae te vra;
probleme vanuit verskillende hoeke te benader;
geleenthede raak te sien waar ander dalk net uitdagings sien;
'n idee te vat en iets daarmee te doen.

Dit is ook hoekom entrepreneurskap by ENSÕ nie net iets is waaroor ons praat nie.

Ons leer om dit te bou.

Want die jongmense wat eendag die wêreld gaan verander, gaan waarskynlik nie dié wees wat net gevra het:

"Wat moet ek doen?"

Hulle gaan ook diegene wees wat vra:

"Wat as ons dit anders doen?"

Dalk is ENSÕ die soort skool waarna jy vir jou kind soek.

SEPTEMBER-AANBOD: Skryf jou kind voor 30 September 2026 vir 2027 in en ontvang 20% afslag op die eerste kwartaal se skoolfonds.

Ontdek ENSÕ Akademie www.ensoakademie.co.za

ENSÕ Akademie — Droom Groot. Bou Saam. Dink Anders.

22/09/2026

STASIE 2: UBUNTU DANS

SOMS MOET JY NET DANS...

Ballet?
Die Macarena?
Break dancing?
Of dalk...

dans asof jy pas kaalvoet op 'n LEGO getrap het?!

By die Ubuntu Dans-stasie was enigiets moontlik — en as daar een ding is wat ons uit hierdie stasie geleer het, is dit dat jy beslis nie 'n danser hoef te wees om lekker te kan dans nie!

Van die eerste beweging tot die laaste was daar gelag, probeer, aanmoedig en mense wat hulleself heeltemal oorgegee het aan die pret.

En dalk is dít ook iets van Ubuntu:
Om veilig genoeg te voel om 'n bietjie simpel te wees.
Om saam te lag sonder om vir mekaar te lag.
Om deel te neem, selfs wanneer iets glad nie jou sterkpunt is nie.

Hierdie was sonder twyfel een van daardie stasies waar die “Speel saam” behoorlik lewe gekry het!

En as ons na die foto's kyk, dink ons daar is net een gepaste vraag oor...

Wie het geweet Ubuntu kan só lekker dans?

Baie geluk aan die Vkings, die wenners van die Ubuntu Dans-stasie!

Ek is omdat ons is.
Bou saam. Speel saam. Groei saam.

21/09/2026

STASIE 1: UBUNTU SPEEL

WANNEER LAAS HET JY NET... GESPEEL?

Nie om die beste te wees nie.
Nie om iets te bewys nie.
Nie omdat daar iets bereik móét word nie.

Net om saam te speel.

By ons Ubuntu Speel-stasie het ons vinnig ontdek dat 'n bietjie pret 'n wonderlike manier is om mense bymekaar te bring.

Daar was lag. Daar was kompetisie. Daar was waarskynlik 'n paar strategieë wat beter op papier gewerk het as in die praktyk.

Maar bowenal was daar mense wat saam probeer, saam aanmoedig en saam gespeel het.

Want Ubuntu hoef nie altyd ernstig te wees nie.

Soms lyk Ubuntu soos 'n groep mense wat vir 'n paar minute vergeet van alles anders en net saam pret het.

🏆 En 'n groot geluk aan die MOS-span, wat gewys het hulle ken beslis van speel en die Ubuntu Speel-stasie gewen het!

Baie geluk, julle!

Ek is omdat ons is.
Bou saam. Speel saam. Groei saam.

18/09/2026

WAT AS “GOED GENOEG” NIE DIE EINDE VAN DIE STORIE IS NIE?

By ENSÕ glo ons nie in die jaag na perfeksie nie.

Ons glo in nuuskierigheid. Groei. Probeer. Weer probeer.
In die moed om te vra:

Kan ek dit anders doen?
Kan ek nog iets leer?
Wat gebeur as ek nét ’n bietjie verder gaan?

Want daar is ’n groot verskil tussen “Ek is nie goed genoeg nie” en “Ek weet ek kan nog groei.”

By ENSÕ wil ons jongmense help om te weet:

Ek is genoeg soos ek is — én ek is nog lank nie klaar nie.

Inskrywings vir 2027 is oop.
Ontdek ENSÕ Akademie

17/09/2026

DIE EERSTE ENSÕ UBUNTU UITDAGING IS IN DIE BOEKE!

Wat begin het as 'n idee om mense bymekaar te bring, het Saterdag 'n dag geword wat ons nie sommer sal vergeet nie.

Ons het gespeel. Ons het gelag. Ons het probeer. Ons het mekaar aangemoedig. Ons het gekompeteer. En soms het ons ontdek dat die beste ding wat jy vir jou span kan doen, nie is om self voor te staan nie — maar om iemand anders kans te gee om te skitter.

Dit was Ubuntu in aksie.

'n Baie groot geluk aan Weird & Wonderful, die algehele wenners van ons eerste Ubuntu Uitdaging!

Julle het oor tien baie verskillende uitdagings gewys wat kan gebeur wanneer 'n span sy verskillende sterkpunte saambring. Baie geluk!

En dan 'n toekenning wat vir ons baie besonders is...

Die Ubuntu Gees-trofee gaan aan Pure Vibz!

Hierdie trofee gaan nie oor wie die meeste punte aangeteken het nie. Dit vier die span wat deur die dag iets van die hart van Ubuntu uitgeleef het — spanwerk, ondersteuning, deelname, aanmoediging en gees.

Baie geluk, Pure Vibz!

Aan elke span wat deelgeneem het: dankie dat julle bereid was om saam met ons hierdie heel eerste een aan te pak. Julle het nie net aan die Ubuntu Uitdaging deelgeneem nie — julle het gehelp om dit te vorm.

En oor die volgende paar dae gaan ons terugstap deur elkeen van ons stasies, die lekker oomblikke deel én natuurlik die wenner van elke stasie vier.

Vir vandag sê ons net:

Ons het dit gedoen. Ons het dit saam gedoen.

Ek is omdat ons is.

Bou saam. Speel saam. Groei saam.

16/09/2026

WAT AS MOTIVERING NIE IETS IS WAT JY MOET SOEK NIE?

Ons praat dikwels met jongmense oor wat hulle eendag wil word.

Maar dalk is daar 'n nóg belangriker vraag:

Gaan jy geniet wat jy doen?

Ons het met MOS se Uitvoerende Direkteur gesels oor besigheid, werk en die lesse wat hy graag met jongmense wil deel.

Sy boodskap is eenvoudig, maar belangrik:

Vind iets wat jy geniet om te doen — want wanneer jy werklik hou van wat jy doen, volg die motivering soveel makliker.

By ENSÕ Akademie wil ons jongmense daarom nie net voorberei om eendag 'n beroep te kies nie. Ons wil hulle die ruimte gee om nou reeds te ontdek:

Waaroor raak ek opgewonde?
Waarin is ek goed?
Wat wil ek nog leer?
Waar kan ek met dit wat ek het, 'n betekenisvolle bydrae maak?

Want die doel is nie net om eendag 'n werk te hê nie.

Die doel is om 'n lewe te bou waarin jy betekenis vind in wat jy doen.

Luister gerus na sy raad in die video.

En dan wil ons weet: Wat geniet JY só baie dat niemand jou hoef te motiveer om dit te doen nie?

SEPTEMBER-INSkRYWINGSAANBOD:
Skryf jou kind voor 30 September 2026 vir 2027 in en ontvang 20% afslag op die eerste kwartaal se skoolfonds!

Besoek ENSÕ Akademie se webwerf by www.ensoakademie.co.za