23/09/2026
Affie-netbal is by die Gauteng netball awards gekroon as die beste presterende skool, nie net in Gauteng nie, maar in Suid-Afrika. Ons deel graag die woorde van ons Netbaldirekteur, Yolandi Ferreira:
Liewe Affie-gemeenskap
Met groot dankbaarheid en trots wil ons graag ons opregte dank en waardering teenoor elke persoon wat deel van die Affie-netbalspan en die groter Affie-gemeenskap is, uitspreek.
Dié besondere toekenning as Beste in Suid-Afrika is ’n prestasie waarop ons almal met trots kan terugkyk. Hierdie erkenning behoort egter nie aan een persoon of een groep alleen nie – dit is die resultaat van ’n spanpoging waarin elkeen ’n belangrike rol speel.
Aan elke afrigter en spanbestuurder – dankie vir julle toewyding, ure se harde werk, leiding, ondersteuning en passie waarmee julle ons spelers begelei en ontwikkel.
Aan elke skeidsregter en tegniese beampte – dankie vir julle professionele optrede, kundigheid en bereidwilligheid om te verseker dat ons wedstryde en geleenthede op die hoogste vlak verloop.
’n Prestasie van hierdie omvang is slegs moontlik wanneer daar ’n wonderlike span is wat saamwerk, mekaar vertrou en dieselfde doel nastreef. Daarom is dit vir my belangrik dat ons hierdie besondere sukses nie net as ’n prestasie van Affie-netbal vier nie, maar as ’n gesamentlike oorwinning van die hele Affie-gemeenskap.
Mag hierdie erkenning ons inspireer om met nog groter passie, trots en toewyding voort te bou. Mag Affie-netbal aanhou om na nog hoër hoogtes te streef en ons skool met onderskeiding, waardigheid en trots te verteenwoordig.
Hierdie prestasie is óns prestasie.
