Oud-Monties Hoërskool Montana Amptelik

KLAS VAN 2016 | 10 JAAR LATER

Tien jaar sedert julle as die Klas van 2016 saam deur die gange van Hoërskool Montana gestap het, saam gelag het, uitdagings aangepak het en herinneringe geskep het wat vandag nog deel van julle stories is.

Nou is dit tyd om weer bymekaar te kom.

Op 26 September 2026 maak ons die deure oop vir ’n besondere reünie – ’n geleentheid om ou vriende weer te sien, herinneringe op te haal en te ontdek hoeveel dinge dalk verander het, maar hoeveel van die Montie-gees steeds dieselfde gebly het.

26 SEPTEMBER 2026
KLAS VAN 2016

Vir meer inligting, sluit aan by die WhatsApp-groep deur die QR-kode op die plakkaat te skandeer.

Ons kan nie wag om almal weer te sien nie!

BESTEL VANDAG JOU AMPTELIKE MONTIES OLD SCHOOL JERSEY


Die amptelike Monties Old School Jersey is hier!

Hierdie is nie net nóg 'n trui nie... dis 'n stuk Montie-trots. 'n Tydlose ontwerp. 'n Trui wat wys waar jou hart lê.

Of jy 'n huidige Montie, oud-Montie, ouer of ondersteuner is – hierdie is jou kans om deel te wees van iets besonders.

Bestellings is NOU OOP! Vir hierdie eerste fase neem ons slegs voorafbestellings via 'n Google-vorm. Geen betaling word nou gemaak nie. Sodra ons bestel- en betaalplatform gereed is, sal almal wat die vorm voltooi het die betalingskakel ontvang.

📌 Belangrik:
✅ Voltooi die Google-vorm om jou trui te reserveer.
https://forms.gle/oDtsQL2YP66J1GVL7
✅ Maak asseblief seker jy kies die regte grootte volgens die aangehegte groottetabel.
🚫 Geen omruilings sal ná bestelling moontlik wees nie.

Ons kan nie wag om Monties oral in hierdie ikoniese trui te sien nie!

Dra die trots. Leef die tradisie. Los jou spoor.

Die Monties Besigheidsnetwerk is geskep om plaaslike besighede en die Montie-gemeenskap nader aan mekaar te bring. 💚💛

Dit is ’n platform waar besighede sigbaarheid kan kry, waardevolle verhoudings kan bou en deel kan wees van ’n gemeenskap wat plaaslike groei en samewerking ondersteun.

Ons glo dat sterk gemeenskappe gebou word deur konneksie, vertroue en wedersydse ondersteuning.

Hoërskool Montana Pta Amptelik

303 OUD-MONTIES GRADUEER BY UP VANAF 2023 - 2025



By Hoërskool Montana meet ons sukses nie net aan matriekresultate nie, maar aan die lewens wat ná skool ontvou. Ons is trots op elke oud-Montie wat die kennis, waardes en deursettingsvermoë wat hier gevorm is, gebruik om hul plek in die wêreld vol vertroue in te neem.

Ons is ongelooflik trots daarop dat 303 oud-Monties oor die afgelope drie jaar hul grade aan die Universiteit van Pretoria verwerf het. Van Geneeskunde, Ingenieurswese en Regte tot Handelswetenskappe, Veterinêre Wetenskap, IT en meesters- en doktorale studies — Monties laat hul spore ver.

Hierdie prestasie, saam met ons 83% universiteitsvrystelling, getuig van meer as net goeie matriekresultate. Dit getuig van voorbereiding, deursettingsvermoë en 'n kultuur van uitnemendheid. Hier word drome nie net gedroom nie. Hier word hulle voorberei om hulle plek vol te staan in die professionele wêreld.

SATERDAG IS WITBULDAG - VIRSEKER NOORDVAAL PLAAT VS OOS-MOOT


Monties draf Saterdag, 30 Mei, op ons tuisvelde uit teen Hoërskool Oos-Moot in die Virseker Noordvaal Plaat-afdeling kragmeting.
Dis Witbuldag en ons nooi al ons ondersteuners, oudleerders, ouers en die hele Monties-familie om die pawiljoene vol te pak en die gees hoog te hou! Kom ondersteun ons Witbulle en beleef die opwinding langs die veld.
As jy ’n oud-Witbul is met jou nommer 1–15 trui aan, kry jy GRATIS toegang by die hek! Dis reg – haal daardie legendariese trui uit die kas, trek dit aan en kom ondersteun ons huidige Witbulle wanneer hulle om 12:40 op die veld uitdraf.
Ons sien jou langs die veld!
📢𝐁𝐄𝐋𝐀𝐍𝐆𝐑𝐈𝐊: 𝐓𝐎𝐄𝐆𝐀𝐍𝐆 R20 per voertuig en R20 per persoon
𝐆𝐫𝐚𝐭𝐢𝐬 toegang 𝐒𝐋𝐄𝐆𝐒 vir leerders in skooldrag
🚭𝐍𝐎𝐓𝐀: Onthou asseblief dat Montana se sportvelde ’n rook- én vape-vrye area is!
📌Vir ouers en spelers se 𝐯𝐞𝐢𝐥𝐢𝐠𝐡𝐞𝐢𝐝 moet alle toeskouers ten alle tye 𝐚𝐠𝐭𝐞𝐫 die heinings/hekkies of op die pawiljoen wees - 𝐆𝐄𝐄𝐍 toeskouers word op die sportveld toegelaat nie.

SATERDAG IS WITBULDAG - VIRSEKER NOORDVAAL PLAAT VS OOS-MOOT



Monties draf Saterdag, 30 Mei, op ons tuisvelde uit teen Hoërskool Oos-Moot in die Virseker Noordvaal Plaat-afdeling kragmeting.

Dis Witbuldag en ons nooi al ons ondersteuners, oudleerders, ouers en die hele Monties-familie om die pawiljoene vol te pak en die gees hoog te hou! Kom ondersteun ons Witbulle en beleef die opwinding langs die veld.

As jy ’n oud-Witbul is met jou nommer 1–15 trui aan, kry jy GRATIS toegang by die hek! Dis reg – haal daardie legendariese trui uit die kas, trek dit aan en kom ondersteun ons huidige Witbulle wanneer hulle om 12:40 op die veld uitdraf.

Ons sien jou langs die veld!

📢𝐁𝐄𝐋𝐀𝐍𝐆𝐑𝐈𝐊: 𝐓𝐎𝐄𝐆𝐀𝐍𝐆 R20 per voertuig en R20 per persoon
𝐆𝐫𝐚𝐭𝐢𝐬 toegang 𝐒𝐋𝐄𝐆𝐒 vir leerders in skooldrag

🚭𝐍𝐎𝐓𝐀: Onthou asseblief dat Montana se sportvelde ’n rook- én vape-vrye area is!

📌Vir ouers en spelers se 𝐯𝐞𝐢𝐥𝐢𝐠𝐡𝐞𝐢𝐝 moet alle toeskouers ten alle tye 𝐚𝐠𝐭𝐞𝐫 die heinings/hekkies of op die pawiljoen wees - 𝐆𝐄𝐄𝐍 toeskouers word op die sportveld toegelaat nie.

Baie dankie aan ons borge wat Monties getrou ondersteun:
Penta Suzuki Montana
Drive.co.za
Everest Protect
FPC Solutions
Build it Montana - Montana Pretoria
Kapele Energy

OUD-MONTIE IN BLOU BULLE O/20-OEFENSPAN




Baie geluk aan Sam Schoeman met sy insluiting in die Blou Bulle o/20-oefenspan. Hierdie prestasie spreek boekdele; dit is die resultaat van konsekwente harde werk, dissipline en ’n onwrikbare liefde vir die spel.

Sam, jou reis is ’n bewys dat toewyding op die lang termyn altyd sy dividende betaal. Jy dra nie net jou eie drome nie, maar ook die trots van elke Montie wat saam met jou gegroei het. Jou vordering plaas jou vierkantig as ’n rolmodel vir die volgende generasie wat hul eie paaie begin bou.

Ons staan trots agter jou en vier hierdie mylpaal saam met jou. Mag hierdie volgende fase vir jou nuwe deure oopmaak, groter uitdagings bring en jou nader neem aan nog hoër hoogtes - en ja, nog baie Blou Bul-truie.