Laerskool Die Poort Amptelik

🐞🌼 𝐌𝐚𝐠𝐨𝐧𝐣𝐚𝐭𝐣𝐢𝐞 𝐤𝐮𝐢𝐞𝐫 𝐛𝐲 𝐏𝐨𝐨𝐫𝐭𝐣𝐢𝐞𝐥𝐚𝐧𝐝 🌼🐞

Wat ’n wonderlike dag vol lag, leer en avontuur! ✨🎭

Ons maatjies het saam met Magonjatjie en die Boelies op ’n kleurvolle reis deur die wêreld van insekte gegaan. 🦋🐜🕷️ Hulle het ontdek hoe goggas beweeg en oorleef, deelgeneem aan prettige speletjies, en geleer hoe om boelies slim te hanteer. 💪❤️

Met Arabella die spinnekop, ’n slim wurm, ’n vrolike skoenlapperkoor en selfs die irriterende Flip Vaalvlieg, het die kinders ’n belangrike les geleer: “Moenie die boelie voer nie!” 🌟

Dankie aan Magonjatjie en sy span vir ’n onvergeetlike ervaring by Poortjieland! 💙👣

𝐏𝐑𝐄𝐓𝐎𝐑𝐈𝐀 𝐄𝐈𝐒𝐓𝐄𝐃𝐃𝐅𝐎𝐃 - 𝐊𝐋𝐀𝐕𝐈𝐄𝐑 🎹💛

Sapphire Khoshab het 'n spesiale gawe agter die klavier.
Sy is by die Pretoria Eisteddfod se musiekafdeling as kategorie wenner van 'n junior klavierafdeling aangewys.

Sy het daarmee ook 'n UNISA musiekeksamen beurs vir 2027 ontvang.

Dit is fantasties! Ons is baie trots op hierdie spog klavierspeelster!

Meneer Vean verjaar vandag! 🥳🎂
Baie geluk met jou spesiale dag!
Jy is ’n lig vir ons Poortjie-span en kinders, dankie dat jy elke dag ondersteuning, liefde en inspirasie bring. 🌟
Mag jou nuwe lewensjaar oorvloei van vreugde, geluk en seën.
Lekker verjaar, meneer! 🎉✨

🏉🔥 Rugby Stadsbeker, hier kom ons! 🔥🏉

Baie geluk aan ons Eerste Rugbyspan en ons O/10A-rugbyspan wat môre uitdraf by die Rugby Stadsbeker Semi-finale uitspele! 🎉👏

Julle het ongelooflik hard gewerk om hierdie mylpaal te bereik, en julle het bewys dat toewyding, deursettingsvermoë en spanwerk groot belonings bring. Ons is ongelooflik trots op elke speler, afrigter en ondersteuner wat deel van hierdie reis is.

Gaan geniet elke oomblik, speel met trots en passie, en maak die Poortjie-naam groot! 💙💛

Juffrou Adri verjaar vandag! 🥳🎂
Baie geluk met jou spesiale dag!
Jy is ’n lig vir ons Poortjie-span en kinders, dankie dat jy elke dag ondersteuning, liefde en inspirasie bring. 🌟
Mag jou nuwe lewensjaar oorvloei van vreugde, geluk en seën.
Lekker verjaar, juffrou! 🎉✨

𝐏𝐑𝐄𝐓𝐎𝐑𝐈𝐀 𝐄𝐈𝐒𝐓𝐄𝐃𝐃𝐅𝐎𝐃 𝐃𝐑𝐀𝐌𝐀 🎭🎤

Ons Poortjies het geskitter by die Pretoria Eisteddfod drama-afdeling waar verskeie A+ en A++'e behaal is.

Baie geluk aan die volgende deelnemers wat as itemwenners van hul grade aangewys is:

Kristin Watt - Gr 1
Keila-Anne Schwan - Gr 3
Taylor Watt - Gr 4
Mieke Muller - Gr 7

Julle maak ons trots! 💙

🏉 𝐖𝐚𝐭 ’𝐧 𝐮𝐢𝐭𝐬𝐭𝐞𝐤𝐞𝐧𝐝𝐞 𝐫𝐮𝐠𝐛𝐲𝐬𝐞𝐢𝐬𝐨𝐞𝐧! 🏉

Soos ons die gordyn op nog ’n ongelooflike rugbyseisoen laat sak, wil ons net vir elke Poortjie wat hierdie jaar die veld betree het, sê: Baie dankie en baie geluk!

Ons is ongelooflik trots op elke speler wat met passie, deursettingsvermoë, spanwerk en trots ons skool se naam verteenwoordig het. Julle het week na week julle harte uitgespeel, uitdagings aangepak, oorwinnings gevier en waardevolle lesse geleer. Julle het nie net rugby gespeel nie, julle het karakter gebou, vriendskappe versterk en ware Poortjie-gees uitgeleef.

Aan al ons afrigters, bestuurders, ouers en ondersteuners: dankie vir elke oefening, elke rit, elke aanmoediging langs die veld en elke oomblik van ondersteuning. Sonder julle sou hierdie seisoen nie dieselfde gewees het nie.

Nou skuif ons fokus na die volgende groot uitdaging! Ons is besonder opgewonde en trots op die twee spanne wat deurgedring het na die Stadsbeker-uitspele:
🔥 o/10 A-span
🔥 1ste Rugbyspan

Baie geluk met hierdie besondere prestasie! Julle harde werk, toewyding en spangees het vrugte afgewerp.

Baie geluk aan elke Poortjie-rugbyspeler. Julle het hierdie seisoen onvergeetlik gemaak, en ons kon nie méér trots gewees het nie. 💙💛🤍

Dankie Charmaine Botes Visser Images vir die uitstekende fotos!

Meneer Fritz, juffrou Nedine en juffrou Isabella verjaar vandag! 🥳🎂
Baie geluk met jul spesiale dag!
Julle is ’n lig vir ons Poortjie-span en kinders, dankie dat julle elke dag ondersteuning, liefde en inspirasie bring. 🌟
Mag julle nuwe lewensjaar oorvloei van vreugde, geluk en seën.
Lekker verjaar! 🎉✨

🐠🦀🐙 𝐃𝐢𝐞 𝐆𝐫. 𝟐'𝐬 𝐫𝐚𝐚𝐤 𝐤𝐫𝐞𝐚𝐭𝐢𝐞𝐟 𝐦𝐞𝐭 𝐡𝐮𝐥 𝐬𝐞𝐞𝐝𝐢𝐞𝐫𝐞!

As deel van een van hul Lewensvaardighede-assesseringstake vir kwartaal 2, maak die Gr. 2-leerders pragtige 3D-seediere uit herwinbare materiale.

Hierdie projek moedig nie net kreatiwiteit aan nie, maar leer hulle ook die waarde van herwinning en omgee vir ons omgewing. 🌊♻️✨

𝐊𝐀𝐍𝐒𝐕𝐀𝐓𝐓𝐄𝐑𝐒 𝐑𝐄𝐃𝐄𝐍𝐀𝐀𝐑𝐒 🎤💙

Die Poortjie-redenaars wys ook by die Kansvatters redenaarskompetisie wat in hulle steek! 💬

Stella Burger en Mikayla Rademeyer dring deur na die semi-finaal van hierdie landswye kompetisie.

Baie geluk! 💛
Ons hou julle dop!