Hoërskool Montana Pta Amptelik

VYF MONTIES DEUR NA DIE OPPIE TONG AF SEMI-FINAAL!


Ons is ongelooflik trots op Duné Snyman, Isabella Coetzee, Ilandi van Rensburg, Abigail Boylan en Allison Theologo, wat deurgedring het na die Oppie Tong Af semi-finaal!

Hierdie prestasie is ’n bewys van hul talent, voorbereiding, selfvertroue en liefde vir die Afrikaanse taal.

Baie geluk aan elkeen van julle met hierdie besondere prestasie. Ons is trots op julle en wens julle alle sukses toe vir die semifinaal!

Hou aan om groot te droom en met trots jou stem te laat hoor!

LEES MET PASSIE, PRESTEER MET TROTS


Baie geluk aan elke leerder wat met toewyding en passie aan die Radikale Lees Gauteng-finaal deelgeneem het.

Ons is besonder trots op die volgende leerders wat uitstekende prestasies behaal het:
Graad 8
Prosa: Jancu Zandberg – 2de plek
Duné Snyman – 3de plek
Poësie: Jancu Zandberg – 2de plek

Graad 9
Prosa: Ilandi van Rensburg – 2de plek

Graad 10
Prosa: Mia Zandberg – 2de plek
Poësie: Kayleigh Breedt – 3de plek

Julle harde werk, voorbereiding en liefde vir lees en voordrag het vrugte afgewerp. Baie geluk met hierdie besondere prestasies. Ons is trots op elkeen van julle!

NICOLE – VOLGENDE STOP: DIE FINAAL!


Baie geluk aan Nicole Cowley wat tydens die ATKV UitklopSpel-kompetisie uitstekend presteer het en deurgedring het na die finaal, wat op 15 Oktober by Akademia plaasvind.

Nicole het met ongelooflike toewyding en harde werk meer as 800 woorde vir hierdie kompetisie geleer – ’n besondere prestasie wat getuig van haar vasberadenheid en liefde vir taal.

Ons is ongelooflik trots op jou, Nicole! Ons wens jou alle sterkte toe vir die finaal. Mag jou harde werk en voorbereiding vrugte afwerp.

Montana staan agter jou!

STERKTE MET DIE REKORDEKSAMEN


Matrieks, julle tweedelaaste skooleksamen is hier! Hierdie punte is baie belangrik.

Pak dit dus met erns aan en gee met elke vraestel julle heel beste. Onthou, alles wat julle nou deeglik leer en bemeester, is reeds vasgelê wanneer die eindeksamen aanbreek.

Doen jou deel: werk hard, berei deeglik voor en pak elke vraestel met selfvertroue aan. Dan kan julle die uitkoms met ’n geruste hart aan God toevertrou.

Vat dit een vraestel en een dag op ’n slag. Ons glo in julle en hou styf duim vas! Julle kan dit doen, Monties!

GOOD LUCK WITH THE PREPARATORY EXAMINATION
Grade 12s, your second-last school examination has arrived! These marks are very important, so take the examination seriously and give your very best in every paper.

Remember, everything you study thoroughly and master now will already be firmly in place when the final examination arrives.

Do your part: work hard, prepare thoroughly and approach every paper with confidence. Then you can entrust the outcome to God with peace in your heart.

Take it one paper and one day at a time. We believe in you and are holding thumbs! You can do this, Monties!

ALLEGRETTO: MONTIES SE TONEEL DEUR NA DIE SEMI-FINAAL!


Die afgelope week het ongeveer 30 toneelgroepe hulself behoorlik op die planke uitgeleef tydens die Allegretto-toneelfees se Montieweek.

Ons is baie trots om aan te kondig dat Hoërskool Montana se “Pienk Perfeksie” deurgedring het na die semi-finaal wat vanmiddag plaasvind!

Ons nooi ieder en elk om vanaf 15:30 die ses beste toneelstukke van die fees te kom geniet. Ons Monties behoort ongeveer 16:50 op die planke te wees.

🎟Kaartjies kan vooraf via die skakel gekoop word en sal ook by die deur beskikbaar wees. https://www.quicket.co.za/events/383150-allegretto-toneelfees-montie-semifinaal/

Kom ondersteun ons leerders! Of nog beter – sit sommer die hele middag opsy en kom geniet toneel uit die boonste rakke!

Sterkte, Pienk Perfeksie – ons is trots op julle!

MONTIES WENS O/15A-RUGBYSPAN STERKTE TOE!

LIVESTREAM SKAKEL VIR DIE WEDSTRYD:

15A HS KEMPTON PARK VS 15A HS MONTANA OM 10:00
https://supersportschools.watch.pixellot.tv/redirect/events/6a7eb44569e97dd4cc912f01?idType=referenceId&type=event