Laerskool Kameelfontein

🏃‍♀️🏃‍♂️ KAMMIE-ATLETE, ONS IS TROTS OP JULLE! 💙💚

'n Enorme gelukwensing aan elke Kammie-atleet wat Saterdag aan die AGN Provinsiale Landloopbyeenkoms deelgeneem het! Om op provinsiale vlak mee te ding, is reeds 'n besondere prestasie, en elkeen van julle kan voorwaar trots wees. Ons bors span styf van trots!

Vir die eerste keer in Laerskool Kameelfontein se geskiedenis het VIER van ons atlete deurgedring na die SA Landloopkampioenskappe!

🥇 Prinsloo Els – 1ste plek
⭐ Matthew Coertze – 8ste plek
⭐ Nathan Coertze – 10de plek
⭐ Daniël Duvenage – 12de plek

Julle het geskiedenis gemaak en ons is ongelooflik trots! Gaan wys by die landsfinaal waarvan Kammie-atlete gemaak is!

Ons is ook besonder trots op Ewan van Niekerk, Johann van Niekerk en Anke Els, wat hierdie jaar ongelooflike vordering getoon het en ook uitsonderlike posisies behaal het tydens Saterdag se wedloop. Julle harde werk en groei het nie ongesiens verbygegaan nie – daar lê beslis 'n baie blink toekoms voor vir hierdie jong atlete!

Aan elke atleet wat Kameelfontein verteenwoordig het: julle maak ons so trots!

🌟SEYA LAAT HAAR STEM HOOR!

Woorde het krag — en Seya Nel wys beslis hoe ver talent, harde werk en selfvertroue jou kan neem!

Ons is ongelooflik trots op Seya se besonderse prestasies in Afrikaanse én Engelse redenaars. Sy het reeds vanjaar behoorlik haar merk gemaak:

🏆 Kungwini Eisteddfod - Engels A++, Afrikaans lê nog voor
🏆 Kansvatter – deur na die Nasionale Finaal in Afrikaans én Engels
🏆 Radikale Redenaars – deur na die Nasionale Finaal
🎤 Oppie Tong Af – die semi-finaal lê nog voor, ons weet dit sal goed gaan!
🏆 Podiumpret – op pad Kaap toe vir die Nasionale Finaal!

Seya, jou harde werk, deursettingsvermoë en besonderse talent maak ons harte sommer baie trots. Hou aan om met selfvertroue op te staan, jou stem te laat hoor en jou lig te laat skyn!

Ons staan bankvas agter jou en kan nie wag om te sien wat jy volgende bereik nie!

🥇 GOUD VIR EWAN! 🤼‍♂️🔥

Baie geluk aan Ewan van Niekerk wat goud verower het by die Big 5 Stoeikompetisie in die o/10 Freestyle-ouderdomskategorie! 🏆

Wat ’n puik prestasie, Ewan! Jou harde werk, deursettingsvermoë en veggees het weer gewys waarvan jy gemaak is.

Ons is ongelooflik trots op jou, Ewan!

❄️ Bitter koue op pad – hou ons Kammies warm!🧣🧤
Liewe Kammie-ouers,

Met die bitter koue wat hierdie week verwag word, wil ons graag vra dat julle sal help om seker te maak ons Kammies kom lekker warm en voorbereid skool toe.

Ons moedig leerders aan om ekstra warm lae onder hulle skoolklere aan te trek – ’n ekstra hempie, frokkie of ander warm laag kan ’n groot verskil maak!

👟 Onthou asseblief ook om skoene aan te trek! Warm voetjies maak ’n koue skooldag sommer baie makliker.

Kom ons pak die koue saam aan en sorg dat elke Kammie warm, gemaklik en gereed vir die skooldag is.

Trek warm aan, Kammies! ❄️🧤🧣

🌸 GELUKKIGE VROUEDAG! 🌸

Vandag vier ons elke wonderlike vrou en mamma in ons Kammie-familie. 💗

Aan elke mamma wat met liefde versorg, elke ouma wat met wysheid lei, elke vrou wat met moed haar plek volstaan en elke besondere dame wat daagliks ’n verskil in ander se lewens maak — ons sien julle, ons waardeer julle en ons vier julle!

Mag julle vandag weer besef hoe kosbaar julle is. Mag die Here julle harte vul met vreugde, julle hande versterk vir elke taak en julle herinner dat die liefde, geduld en omgee wat julle so mildelik uitdeel, ’n blywende verskil maak. 🌷

“Sy is met krag en waardigheid beklee en lag sonder vrees vir die dag wat kom.”
— Spreuke 31:25 ✨

Dankie vir die liefde waarmee julle huise ’n tuiste maak, kinders se harte vorm en ons gemeenskap mooier maak.

💐 Gelukkige Vrouedag aan al ons besondere Kammie-vroue!
Mag julle vandag sommer ekstra bederf en waardeer word. 💙💛

🥞🔥 KragDag-eskapades – en Laerskool Kameelfontein Kameelfontein is behoorlik aan die gang! 🐪💙

Gister was ’n bedrywige dag by KragDag – en ons het elke oomblik geniet!

Ons pannekoekmasjien het gewerk dat dit klap, die pannekoeke het gevlieg en julle het ons lekker besig gehou! Baie dankie aan elkeen wat kom inloer, saamkuier en ons ondersteun het.

Tussen al die pannekoekbak deur was daar darem ook tyd vir ons bemarker, Riana Jackson, om ’n bietjie saam met Jacques Gombault en Marlon Roelofse te kuier en natuurlik te gesels oor dit wat ons Kammies so ’n besonderse skoolgemeenskap maak.

🎤🔥 En toe vat ons eie Mnr. Isak Deetlefs die verhoog behoorlik aan die brand!

Maar hy was nie alleen nie… 😎 Boggeltjie was natuurlik daar om hand by te sit! Hy en Mnr. Isak het saam die gehoor vermaak en gewys dat Kammies beslis weet hoe om ’n lekker gees te skep! 🎉

En goeie nuus… Boggeltjie kom vandag weer kuier!

As julle hom raakloop, maak seker julle gee hom ’n lekker groot HIGH FIVE! ✋ Hy sien uit om julle te ontmoet!

En terwyl julle daar is… kom loer by ons in, sê hello en geniet sommer ’n heerlike vars pannekoek saam met ons.

Ons sien uit om vandag weer saam met julle te kuier!

🌟 JONG ENTREPRENEURS MET GROOT DROME! 🌟

Ons bars behoorlik van trots op Tané Boshoff en Ethan Coetzee, twee van ons eie jong entrepreneurs wat hier by KragDag wys dat entrepreneurskap beslis geen ouderdomsbeperking het nie!

Tané en Ethan neem deel aan Jong Entreprenoria – ’n wonderlike platform wat jong entrepreneurs die geleentheid bied om hul entrepreneursvernuf te ontwikkel en die besigheidswêreld op ’n veilige, praktiese manier te betree.

Tané beïndruk met haar kreatiewe Tas Tossels, terwyl
Ethan tegnologie en kreatiwiteit kombineer met sy unieke 3D-drukprodukte.
En asof dit nie reeds besonders genoeg is nie, het dié twee entrepreneurs selfs die geleentheid gekry om op Pretoria FM oor hul besighede en produkte te gesels!

Tané en Ethan, julle maak Laerskool Kameelfontein ongelooflik trots! Julle wys vir elke jong Kammie dat ’n goeie idee, harde werk en ’n bietjie waagmoed die begin van iets BAIE GROOTS kan wees.

Hou aan droom. Hou aan skep. Hou aan bou. 🚀
Vandag KragDag… môre die besigheidswêreld! 💼🌍