Laerskool Kameelfontein

04/10/2026

🎉 BAIE GELUK, MNR. ISAK! 🎉

Vandag vier ons ’n man wat werklik die lewende voorbeeld is van wat dit beteken om ’n Kammie te wees.

Mnr. Isak Deetlefts leef met integriteit, opregtheid en ’n hart vir ons kinders. Die voorbeeld wat hy elke dag aan ons leerders stel, is bewonderenswaardig — nie net deur dit wat hy sê nie, maar veral deur die manier waarop hy leef, lei en ander behandel.

Op die sportveld gaan dit vir hom oor soveel meer as net wen of verloor. Hy leer sy spanne van dissipline, deursettingsvermoë, respek, karakter en hoe om met waardigheid op én van die veld af op te tree.

Dankie, mnr. Isak, dat jy nie net sportspanne afrig of jou klasse aanbied nie, maar jong mense help vorm. Dankie vir jou sorg, jou geduld en die voorbeeld wat jy vir ons Kammies stel.

Dit is vir ons ’n groot voorreg om jou as deel van ons Kammie-familie te hê.

Mag hierdie nuwe lewensjaar vir jou gevul wees met baie seën, vreugde, goeie gesondheid en sommer hope mooi oomblikke.

Baie geluk met jou verjaarsdag, mnr. Isak!
Ons waardeer jou meer as wat woorde kan sê.

04/10/2026

🎉🌷 VEELS GELUK, JUF. OLGA! 🌷🎉

Vandag vier ons een van daardie baie spesiale mense wat eenvoudig lig en rustigheid saam met haar dra.

Juf. Olga Murray is ongelooflik geliefd onder ons leerders én personeel. Haar sagte hart, haar opregte liefde vir ons Gr. R’e en die manier waarop sy elke kind met soveel geduld en warmte hanteer, maak haar ’n besonder kosbare deel van ons Kammie-familie.

Sy straal waar sy gaan en bring ’n kalmte saam wat mens sommer dadelik laat tuis voel.

En natuurlik ken ons haar ook met haar kitaar in die hand en haar hart in haar stem…
Deur musiek leer sy ons kinders veel meer as net liedjies — sy leer hulle om met vreugde, geloof en dankbaarheid deur die lewe te stap en ’n lewe vol lofliedere te leef.

Juf. Olga, ons hoop jou verjaarsdag is net so mooi, sag en spesiaal soos die mens wat jy vir soveel ander is.

Mag hierdie nuwe lewensjaar oorloop van seën, liefde, vreugde en sommer baie mooi musiek!

28/09/2026

🏆🐎 TANÉ BOSHOFF – ABSOLUUT FENOMENAAL! 🐎🏆

Daar is prestasies wat jou trots maak… en dan is daar prestasies wat jou eenvoudig spraakloos laat!

Tané Boshoff het by die Suid-Afrikaanse Kampioenskappe ’n ongelooflike reeks uitslae behaal en die Kammie-naam met trots op nasionale vlak gedra!

Met Sapphire het Tané behoorlik geskitter:
🥇 1ste plek – Open Working Riding
🥇 1ste plek – Elementary Freestyle
🥇 1ste plek – Elementary Dressage
🥇 Sy behaal ook die hoogste persentasie vir die kombinasie vir die jaar in een van haar toetse!
🥈 2de plek – 80 cm Show Jumping
🥈 2de plek – 80 cm Show Jumping

En asof dit nie reeds ongelooflik genoeg is nie, het Tané saam met Midnight Song nóg uitstekende uitslae behaal:
🥈 2de plek – Open Working Hunter, met ’n asemrowende rondte
🥉 3de plek – Open Equitation
🏅 4de plek – 1 m Show Jumping

Tané, hierdie is nie net goeie uitslae nie – hierdie is UITSONDERLIKE prestasies!

Jou harde werk, talent, toewyding en besondere band met jou perde is duidelik in elke rondte, elke toets en elke uitslag. Dit is vir ons ’n ongelooflike voorreg om jou reis dop te hou en te sien hoe jy aanhou groei en op só ’n hoë vlak presteer.

Ons bars van trots!
Jy het die Kammie-naam ongelooflik hoog gehou, en ons weet: die beste lê beslis nog voor!

28/09/2026

🥇🥇 DUBBELGOUD VIR ELRI! 🐎✨

Wat ’n ongelooflike prestasie! Ons eie Elri Cronjé het by die Suid-Afrikaanse Skole Kampioenskappe albei haar Showjumping 70 cm-klasse gewen en stap weg met TWEE goue medaljes!

Elri het die Kammie-naam behoorlik hoog gehou, en dit is vir ons ’n voorreg om haar groei, harde werk en vordering as ruiter dop te hou.

Elri, jy is ’n uitsonderlike ruiter met soveel talent en deursettingsvermoë. Ons is ongelooflik trots op jou en glo vas dat die beste nog voorlê!

Hou aan, droom groot, ry met jou hele hart en reik hoog!

28/09/2026

🇿🇦🏐 VAN KAMMIE-DROME TOT DIE INTERNASIONALE VERHOOG! 🏐🇿🇦

Wat ’n ongelooflike voorreg om te sien hoe ’n oud-Kammie haar plek tussen Suid-Afrika se bestes inneem!

Ons bars uit ons nate van trots op Luca Keun, wat deel gevorm het van die SPAR Proteas en Protea Warriors wat Suid-Afrika tydens die 2026 Africa Netball Cup in Nairobi verteenwoordig het.

Luca, jy is ’n bewys van wat moontlik is wanneer talent, harde werk, vasberadenheid en groot drome bymekaarkom. Om te sien hoe een van ons eie op nasionale én internasionale vlak presteer, maak ons Kammie-harte ongelooflik trots.

Jy dra nie net die groen en goud met trots nie — jy dra ook ’n klein stukkie van Laerskool Kameelfontein saam met jou.

Luca, ons harte bars van trots op jou!
Hou aan jaag. Hou aan glo. Hou aan grense verskuif.

Eens ’n Kammie, altyd ’n Kammie!

PROTEAS SEND A CHAMPION’S WARNING IN NAIROBI!

South Africa’s defending champions opened their Africa Netball Cup campaign in commanding fashion, overwhelming Tanzania 90–22.

The result underlined the Proteas’ attacking efficiency, defensive discipline and ability to maintain intensity from the opening whistle, while defensive debutants Tinita Van Dyk and Keun added fresh strength and confidence to the backline. It was more than a victory, it was an early statement of intent.

Was this simply the champions finding their rhythm, or has South Africa already shown the tournament-winning form that makes them the team to beat?

25/09/2026

⛳️🏌️‍♂️ COMMUNITY CUP GHOLFDAG 🏌️‍♀️⛳️

Gister het Laerskool Kameelfontein die voorreg gehad om deel te wees van die Community Cup Gholfdag by Pebble Rock Golf and Country Estate, tesame met Gys Pitzer Motoring – en wat ’n ongelooflike lekker dag was dit nie!

Ons is baie dankbaar vir die geleentheid om deel te kon wees van hierdie besonderse dag, nuwe mense te ontmoet, saam te kuier en sommer net die goeie gees te geniet.

Baie dankie aan almal wat die dag moontlik gemaak het en ons so welkom laat voel het. Ons het elke oomblik geniet!

Dankie dat Laerskool Kameelfontein deel kon wees! 💙💛

23/09/2026

📣 VINDit SOEK ’N BEMARKER! 🚀

Is jy ’n mense-mens met energie, selfvertroue en ’n passie vir besigheid? Hou jy daarvan om nuwe mense te ontmoet, verhoudings te bou en geleenthede raak te sien?

Dan wil ons graag van jou hoor!

VINDit is op soek na ’n Bemarker / Besigheidsontwikkelingsverteenwoordiger wat ons kan help om plaaslike ondernemings meer sigbaar te maak en nuwe besighede by die VINDit-platform aan boord te bring.

100% kommissiegebaseerde posisie
Geen vaste basiese salaris nie — jou verdienste is direk gekoppel aan jou resultate.

🚗 Geldige bestuurderslisensie en eie vervoer is noodsaaklik.
📍 Pretoria en omliggende gebiede
📧 Stuur jou CV na [email protected]
📅 Sluitingsdatum: 5 Oktober 2026

Ken jy iemand wat perfek vir hierdie rol sal wees? Tag hulle hieronder of deel hierdie plasing!

VINDit — meer sigbaarheid, meer geleenthede, sterker plaaslike besighede.

📣 VINDit IS LOOKING FOR A MARKETER! 🚀

Are you a people person with energy, confidence and a passion for business? Do you enjoy meeting new people, building relationships and spotting opportunities?

Then we’d love to hear from you!

VINDit is looking for a Marketer / Business Development Representative to help us grow our network, onboard new businesses and give local businesses greater visibility.

100% commission-based position
No fixed basic salary — your earning potential is directly linked to your results.

🚗 A valid driver’s licence and reliable own transport are essential.
📍 Pretoria and surrounding areas
📧 Send your CV to [email protected]
📅 Closing date: 5 October 2026

Know someone who would be perfect for this role? Tag them below or share this post!

VINDit — more visibility, more opportunities, stronger local businesses.

22/09/2026

🌴☀️ ’N DAG VOL PRET VIR ONS GR. 7’s! ☀️🌴

Ons Gr. 7-leerders is vandag beloon met ’n onvergeetlike uitstappie na Diamanté Ontspanningsoord!

Daar is van vroeg tot laat gespeel, gelag, geswem en behoorlik baljaar – en ons weet elke leerder het hulself gate uit geniet!

Wat ’n heerlike manier om saam herinneringe te maak en sommer net ’n dag lank die boeke eenkant toe te skuif.

Ons hoop hierdie spesiale dag bly nog lank een van daardie lekker Gr. 7-herinneringe waaroor julle eendag steeds sal gesels!

22/09/2026

🎖️ ’N DAG VOL GESKIEDENIS, ONTDEKKING EN AVONTUUR! 🇿🇦

Ons Gr. 4–5- en LSEN-leerders het vandag die voorreg gehad om ’n ongelooflike spesiale uitstappie na die Wonderboom Militêre Museum te geniet.

Dit was ’n dag propvol nuwe ontdekkings, interessante stories en die geleentheid om geskiedenis op ’n besondere manier te beleef. Van indrukwekkende uitstallings tot kosbare oomblikke saam met maats – dié uitstappie sal beslis nog lank onthou word!

Ons is so dankbaar vir elke persoon wat gehelp het om hierdie leerervaring vir ons leerders moontlik te maak.

By Laerskool Kameelfontein glo ons dat leer veel verder as net die klaskamer strek – en vandag was daarvan ’n pragtige voorbeeld! 🌿📚

22/09/2026

Maak seker julle trek 'n GROOT ROOI sirkel om 13 November en kom wees deel van die Noot vir Nood Gholfdag!

Gys Pitzer - baie dankie vir jul betrokkenheid by ons skool!

Gys Pitzer Motoring het die beste verkoopsmanne! 🚗🔥

Altyd gereed om jou te help om die regte kar vir jou te kry. Kom kuier gerus by ons en laat ons jou volgende rit begin! 🛞✨