Aros

Vandag is ‘n oorbegindag.

Begin met nuwe doelwitte.
Begin met die regte keuses.
Begin jou toekoms as ‘n roepingsgedrewe onderwyser.

Aansoeke vir 2027 is reeds oop. Jou roeping begin hier!

Die korrekte antwoord van gister se taalvraag is (a): allesbehalwe.

As ’n bywoord skryf ons “allesbehalwe” in die voorbeeld wat ons gister gegee het vas: Hierdie taak is allesbehalwe goed; om die waarheid te sê, dit lyk soos ’n KI-taak!

In ’n sin soos die volgende sal ons egter “alles behalwe” los skryf: Bring alles behalwe die brood. Die rede hiervoor is omdat “alles” en “behalwe” ander woordsoortelike funksies in hierdie sin vervul: “Alles” is ’n onbepaalde voornaamwoord, en “behalwe” is ’n voorsetsel.

Het julle al ooit in die verlede oor die vas en los skryf van allesbehalwe / alles behalwe kopgekrap? Deel jul antwoorde met ons in die kommentaar!

Die tyd het weer aangebreek om ons weeklikse taalvraag met julle te deel:

Watter een van die volgende skryfwyses is korrek?

(a) Hierdie taak is allesbehalwe goed; om die waarheid te sê, dit lyk soos ’n KI-taak!
(b) Hierdie taak is alles behalwe goed; om die waarheid te sê, dit lyk soos ’n KI-taak!

Bron: Afrikaansgids (Faasen, 2018:150)

Ons deel môre graag die korrekte antwoord met julle!

Aros het verlede week Orania besoek. Ons het 'n besoek aan Bo-Karoo Opleiding, Orania CVO-skool en Huppelkind Kleuterskool afgelê, en ons het ook saam met Aros-studente gekuier. Baie dankie aan almal in Orania wat ons so vriendelik ontvang het, vir ons die dorp gewys het en ons welkom laat voel het. Dit was ’n heerlike ervaring!

Bo-Karoo Opleiding

Aros het tans ‘n permanente pos vir ‘n akademiese assistent in die Departement Praktiese Onderwys beskikbaar. Die suksesvolle kandidaat gaan vir verskeie administratiewe pligte rondom modules in die Departement Praktiese Onderwys verantwoordelik wees.

Vakante pos: Akademiese Assistent
Tipe pos: Permanent
Departement: Praktiese Onderwys
Sluitingsdatum: 8 Junie 2026
Aanstellingsdatum: 1 Julie 2026 of soos ooreengekom

Klik hier vir meer inligting: https://www.aros.ac.za/WebItem?listId=41

Internasionale besoek aan Aros!

Ons het vandag die voorreg gehad om vir prof Matt Bonzo, deeltyds verbonde aan Calvin Universiteit, saam met sy medereisigers Ben en Olivia by Aros te verwelkom.

In sy lesing, “Augustine on Education: From Confession to Formation”, het hy Aros-kollegas uitgedaag om opnuut te besin oor hoe ons onderrig nie net kennis oordra nie, maar ook studente as Christene vorm wat met wysheid en integriteit in die samelewing leef.

Professor Bonzo is ‘n ervare filosoof, skrywer en dosent met meer as 30 jaar se ondervinding, en sy insigte oor geloof, opvoeding en vorming het waardevolle perspektiewe vir ons akademiese gemeenskap gebied.

HK-AANSOEKE IS NOU OOP!

Het jy 'n hart vir Aros, 'n passie vir mense en die moed en wil om 'n verskil te maak? Dan is dit jou kans!

Die Huiskomitee is meer as net 'n leierskapspan – dit is 'n geleentheid om te groei, te dien, vriendskappe te bou en 'n blywende impak op die Aros-studentegemeenskap te maak.
Ons nooi jou dus graag om:
• deel van die span te word;
• jou leierskap te ontwikkel;
• jou stem te laat tel; en
• ’n verskil te maak.

Moenie hierdie geleentheid misloop nie – dien vandag nog jou aansoek in!

Die SR-stembus is oop. Stem nou op die Studentesakeblad op e-Klas vir jou volgende studenteraad.

Stembus sluit: 8 Junie 2026.

Zoem in vir iets nuuts ...

Onthou om jou aansoek vir Christelike Filosofie-studie by Aros vinnig in te dien — aansoeke sluit hierdie Saterdag! Alle inligting is op ons webtuiste beskikbaar.📚

As jy ‘n passie vir kritiese denke, waarheidsoeke en ‘n Christelike wêreldbeskouing het, is hierdie jou kans om jou merk te maak!

Die pad is al amper behoorlik plat gereis!

Ons sê dankie aan elke skool wat ons bemarkers week ná week so hartlik ontvang. Ons bedank ook graag elke skolier vir jul geesdrif, vrae en die opgewondenheid waarmee julle die toekoms aanpak. Julle maak elke besoek besonders!

Hou ons sosialemediabladsye dop om te sien waarheen die Aros-bemarkingspan volgende reis.