Laerskool Anton van Wouw

Oupa-en Oumadag by Kleinwouwtjies!

Wat ’n spesiale dag vol liefde, laggies en kosbare herinneringe! Ons Pre-primêre maatjies het dit so geniet om hul oupas en oumas by die skool te verwelkom en saam besondere oomblikke te deel.

Dankie aan elke oupa en ouma wat die dag saam met ons kom vier het. Julle liefde, wysheid en betrokkenheid maak ’n wêreld se verskil in ons kindertjies se lewens.

Wat ’n heerlike Opedag by Laerskool Anton van Wouw en ons Pre-primêr!

Die dag was gevul met laggies, opgewonde gesiggies, nuwe ontdekkings en hope pret. Dit was wonderlik om soveel gesinne te verwelkom en vir hulle te wys wat ons skool so besonders maak.

Het jy ons Opedag gemis? Kom kuier gerus enige dag by ons. Ons sien uit om u te ontmoet en vir u te wys waarom Wouwtjies met trots ons skool ons tuiste noem.

MÔRE is ons OPEDAG! 3 jaar tot Gr.7

Ons kan nie wag om nuwe Wouwtjies en hul families te verwelkom nie!

Kom beleef self waarom só baie families kies om deel van die Wouwtjies te wees. Hier groei kinders met trots, waardes, geleenthede en hope geluk!

Kom word deel van Laerskool Anton van Wouw — sáám maak ons tyd vir jou kind!

Ons sien julle môre om 08:30

Wat ’n besondere oggend saam met ons Kleinwouwtjies!

Sondag, 17 Mei het die Kleinwouwtjie-koor hulle tonge losgelaat en 'n hartlike familie-piekniek konsert gehou.
Die dag het op 'n hoë noot begin met die Kleinwouwtjies wat saam met hul ouers musiek gemaak het - die ouers het 'n kykie gehad na hoe 'n tipiese Kleinwouwtjie- koorles lyk en kon deel in die pret.
Families het heerlik na afloop van die konsert piekniek gehou onder Pre-primêr se welige koeltebome.
Herinneringe is gemaak en kosbare tyd is saam met families deurgebring. 'n Heerlike oggend propvol lag, musiek en salige samesyn.

www.laerskoolantonvanwouw.co.za