03/09/2026
Dit is met groot hartseer dat ons afskeid neem van Danie Nortje, geliefde kollega en lektor by Megatronika en CNC, wat vanmiddag tragies in ’n ongeluk gesterf het.
Ons onthou Danie vir die mens wat hy was en die besondere bydrae wat hy in die lewens van die mense en studente om hom gemaak het.
Ons innige meegevoel gaan aan Carla, Danie se vrou en ook ’n gewaardeerde lid van die Sol-Tech-familie, asook aan hul seun, Danco, en aan Danie se familie, vriende, kollegas en almal wat hom liefgehad en geken het. Mag julle in hierdie uiters moeilike tyd omring word deur liefde, ondersteuning en genade. Mag die mooi herinneringe aan Danie vir hulle troos bring en krag gee vir die dae wat voorlê.
Rus sag, Danie. Jou lewe was kosbaar, jou bydrae betekenisvol en jou nalatenskap sal voortleef in die mense wie se lewens jy aangeraak het.
Ons dra ook vir Louis Venter ’n lektor by Dieselwerktuigkunde, wat saam met Danie in die ongeluk was en tans in ’n kritieke toestand in die hospitaal is, op in gebed en bid vir ’n volkome herstel.
Vir die volledige berig oor hierdie tragiese gebeure, kan u dit hier lees: https://maroelamedia.co.za/nuus/sa-nuus/geliefde-lektor-van-sol-tech-sterf-in-ongeluk/
