Hoërskool Oos-Moot - Amptelik

OOSIES | VAKATURE 2027

OOSIES | KULTUURWEEK

Wat ‘n ongelooflike Kultuurweek by Hoërskool Oos-Moot!
Die verhoog het behoorlik gebrand gisteraand gedurende die optrede:
Die All Stars het ons weereens sprakeloos gelaat.
Die Koor se engele-stemme het almal se harte geraak.
Die Rasseleiers se energie was aansteeklik en het ons almal se voete laat jeuk!
Ons Oosie Idol het geskitter.
Die Orkes het die mees treffende melodieë gelewer.

Vanaand is dit jou heeltemal laaste kans om hierdie ongelooflike talent lewendig te beleef! Kom ondersteun ons Oosies en wees deel van ‘n onvergeetlike afsluitingsaand vol skitterende kultuur en talent.
Gaan kry jou kaartjies op Die Blou Rak of by die deure (beperkte kaartjies beskikbaar), bring jou familie en vriende saam, en kom vier die laaste aand van Kultuurweek saam met ons!

OOSIES | AKADEMIE
’n Akademiese week soos min!

Verlede week was dit behoorlik akademie in aksie by Oos-Moot.

Ons graad 8- en 9-leerders het die geleentheid gehad om ’n studieleidingkursus by te woon, waar hulle waardevolle wenke en vaardighede geleer het om slimmer en meer doeltreffend te studeer.

Intussen het ons graad 12-leerders 'n ekstra aandklas vir Afrikaans gehad. ’n Geleentheid om kennis te verdiep en deeglik voor te berei vir die eksamens wat voorlê.

Ons is trots op elke leerder wat hierdie geleenthede aangryp!

OOSIES | LEWENSWETENSKAPPE
Lewenswetenskappe in aksie!

Ons Graad 10-Lewenswetenskappeleerders het die afgelope week meer geleer oor die bou en funksies van verskillende plantorgane, waaronder wortels, stingels en blare.

Die beste manier om te leer, is natuurlik om self te ontdek! Tydens ’n praktiese klas het die leerders die verskillende plantorgane van nader bekyk en dit wat hulle in die teorie geleer het, sommer eerstehands ondersoek.

’n Heerlike praktiese leerervaring wat beslis baie geniet is!

OOSIES | HOKKIE

NOORDVAAL HOKKIE TOERNOOI
UITSLAE: 13-16 Augustus

Ons Oosies het hul staal gewys tydens die Noordvaal Toernooi!

Ons is trots op elke speler wat met passie, deursettingsvermoë en spanwerk op die veld meegeding het.

Baie geluk aan al ons spelers en afrigters met julle harde werk en toewyding!

Hou aan glo. Hou aan veg. Hou aan groei!

OOSIES | BERGFIETS

GAUTENG CYCLE LAB REEKS – PRIME VIEW - 15 Augustus

Baie geluk aan al ons Oos-Moot-fietsryers met hul uitstekende prestasies!

Oos-Moot het ’n indrukwekkende 13de plek uit 54 skole vir die dag behaal!

’n Spesiale gelukwensing aan ons podiumryers:
🥈 Cloë Muller – 2de plek
🏅 Leam van Veenhuyzen – 5de plek

’n Groot baie geluk en dankie aan elkeen van ons ander ryers wat die dag deelgeneem het. Julle harde werk, deursettingsvermoë en sportmanskap maak ons trots!

Elke ryer wat die wegspringlyn aangedurf het, is ’n wenner!

OOSIES | LANDLOOP

UITSLAE | AGN LANDLOOP KAMPIOENSKAPPE
15 Augustus

Wat ’n ongelooflike prestasie deur ons Oosie-landlopers!

Ons vier vandag vier Oosies wat uitstekend gevaar het en hulself tussen die Top 15 by die AGN Landloop Kampioenskappe by Curro Hazeldean geplaas het.

🥉 3de plek – Chanel Groenewald
🏅 9de plek – Mizaan Louwies
🏅 11de plek – JM Maritz
🏅 13de plek – Alex Deysel

Baie geluk, Oosies!

Ons gee ook groot erkenning aan elke ander Oosie wat deelgeneem het. Elke tree, elke kilometer en elke poging verteenwoordig die ware Oosie-gees. Julle het jul harte op die baan gelos en ons skool met trots verteenwoordig!

Hou aan hardloop. Hou aan glo. Hou aan om die Oosie-vlag hoog te dra!

OOSIES | SPORT VAKATURE 2026/2027

OOSIES | SPORT VAKATURES 2026/2027
Skakel vir die Google vorm waarna verwys word in die advertensie. https://forms.gle/vYug2gVonEByvyow8