Meander Kleuterskool

Graad RR se PLAASONTBYT🐷🐰🐔 Wat 'n kosbare tradisie om elke jaar ons Plaasdiere-tema ekstra spesiaal te maak saam met ons kindertjies wat amper klaar is met kleuterskool!

Ons is trots om julle ons Meander Kleuterskool Persklas te noem!

Plaasdiere by Meander Kleuterskool

God se kosbare skeppings! 🐖🐴🦆

Hierdie week het ons die wonder van plaasdiere ontdek. Elkeen uniek geskape met ’n spesiale doel. Van die sagte geblêr van ’n skaap tot die vrolike gekraai van ’n haan, dit herinner hulle ons aan die vreugde en eenvoud van die plaaslewe.

Die Bybel sê in Psalm 50:10: "Want al die diere van die bos is Myne, die vee op duisend berge."
Hoe besonders is dit om te weet dat elke dier aan God behoort en deur Hom versorg word?

Dankie The Farm Corner vir 'n wonderlike dag saam met elke diertjie!

🐑 "Soms kom die grootste lesse in die kleinste geblêr, gekwaak of gekraai." 🐓

🐝🌼 Gelukkige Internasionale Byedag! 🌼🐝

By Meander Kleuterskool is Bye hierdie jaar ons spesiale tema, en vandag vier ons hierdie klein, hardwerkende wonderwerkies van God!

Bye herinner ons daaraan dat elkeen ’n belangrike doel het. Soos elke bytjie sy deel doen om die korf sterk en gesond te hou, het elke kind ook unieke gawes waarmee hulle die wêreld mooier maak.

Die Bybel sê: "Hoe talryk is U werke, Here! U het hulle almal met wysheid gemaak." (Psalm 104:24)

Net soos die bytjies met ywer blom tot blom vlieg, leer ons kinders om met vreugde, vriendelikheid en deursettingsvermoë elke dag nuwe dinge te ontdek.

Klein lyfies, groot werkies! Soet soos heuning! Vol liefde, laggies en ontdekkings!

🐝🌻🍯

Aan ons kosbare Mammas 🤍

Die woord “Em” (mamma in Hebreërs) word in die Bybel verbind met waarheid, standvastigheid en betroubaarheid, iemand waarop jy altyd kan steun. En dit beskryf ’n moederhart so mooi. ’n Mamma is dikwels die stil krag wat dra, bid, troos en liefhet, selfs wanneer niemand anders dit sien nie.

Dankie vir die liefde wat altyd veilig laat voel.
Dankie vir die sagte hande, die wyse woorde en die eindelose opoffering.

Dankie dat ons mammas lig bring selfs op donker dae.

’n Mamma se "magic" lê nie in sprokies nie…
maar in die manier waarop sy ’n huis in ’n tuiste verander, trane in hoop verander en gewone oomblikke onvergeetlik maak.

“Sy staan op met krag en waardigheid; sy lag sonder vrees vir die toekoms.”

Gelukkige Moedersdag aan elke ongelooflike Meander Kleuterskool mamma. Julle liefde is hemel-aanraak mooi.🧚‍♀️

Gelukkige moedersdag aan al ons "Juffrou-mammas"
Julle liefde en passie vir elke kindjie is besonders.💗

Vandag staan as Meander Kleuterskool stil by die grootste bewys van liefde wat die wêreld nog ooit gesien het… Jesus wat Sy lewe vir ons gegee het aan die kruis. ❤️

Hy het nie net gesterf nie, Hy het oorwin. Deur Sy opoffering is ons vrygemaak. Vry van sonde. Vry van skuld. Vry om te leef, lief te hê en hoop te hê vir elke nuwe dag.

Wat vir die wêreld soos verlies gelyk het, was eintlik die begin van oorwinning. Die kruis was nie die einde nie… dit was die begin van genade, vergifnis en nuwe lewe.

“Hy het ons oortredinge gedra… deur Sy wonde het daar vir ons genesing gekom.” - Jesaja 53:5

Mag ons harte vandag gevul wees met dankbaarheid en verwondering oor Sy groot liefde. 💛 Ons is vry en dit is die mooiste geskenk van alles.



Luister gerus na hierdie wonderlike liedjie op hierdie besonderse dag ✝️

https://youtu.be/n-C2fN6gcg8?si=r2LskfP2Lr9V3NAU

In ons klein wêreldjie is daar GROOT drome!

Meander Kleuterskool maatjies gesels oor wat elkeen eendag wil word… en o, die wonderlike antwoorde! 🤩

“Ek wil ’n dokter wees!”
“Ek gaan ’n brandweerman wees!”
“Ek wil juffrou wees!”
“Ek wil ’n superheld wees!”
"Ek wil 'n mamma wees!"
"Ek wil Checkers60 wees!"

Ons kinders leer dat hulle enigiets kan wees met hulle hartjies op die regte plek, met hulle ogies gevestig op Jesus!

Elke droom begin klein… maar met liefde, geloof en harde werk kan dit groot word!

“Want Ek weet watter gedagtes Ek aangaande julle koester, spreek die Here, gedagtes van vrede en nie van onheil nie, om julle ’n hoopvolle toekoms te gee.” - Jeremia 29:11

🦷Tema van die Week: 𝐓𝐚𝐧𝐝𝐞!🦷

Hierdie week by Meander Kleuterskool leer ons maatjies alles oor ons pragtige glimlaggies en hoe om ons tande mooi skoon en gesond te hou!

Deur speletjies, liedjies, stories en prettige aktiwiteite ontdek ons hoe belangrik dit is om na ons tande om te sien. ’n Gesonde mond beteken ’n gelukkige glimlag!

Onthou: ’n Groot, blink glimlag begin by skoon tande! 🪥

Dankie Dr Tooth Little vir ons opwindende instappie.

❤️ 𝐕𝐚𝐥𝐞𝐧𝐭𝐲𝐧𝐬𝐝𝐚𝐠 by Meander Kleuterskool, Liefde wat ons elke dag dra ❤️

Valentynsdag herinner ons aan iets wat ons eintlik elke dag leef - die liefde.

By ons is liefde nie net rooi harte en sjokolade nie. Dit is die manier waarop ons mekaar groet in die oggend, die sagte hand op ’n skouer, die lag wat saam klink op die speelgrond en die gebede wat ons saam bid.

Ons koester en waardeer mekaar elke dag.

Ons bou mekaar op.
Ons dra mekaar se laste.
Ons vier mekaar se vreugdes.

Dit is liefde wat ons span, ons gemeenskap, ons “village” bymekaar hou. 🤍

Ons speel saam.
Ons leer saam.
Ons bid saam.

Want waar daar 𝓁𝒾𝑒𝒻𝒹𝑒 is, daar is God teenwoordig.

“En nou bly geloof, hoop en liefde, hierdie drie; maar die grootste hiervan is die liefde.”
1 Korintiërs 13:13

Perfekte Meander-bytjies🐝⭐️

Ons loof die Here vir hierdie kindertjies wat ongelooflik goed deur hulle Aanpassings-weke is! Betty en Bennie, die Meander-bye, se week was net so goed en vol liefde!

Daar is 'n "Bee-autiful" jaar wat voorlê!