What are the opening hours?

Monday 06:45 - 17:30 Tuesday 06:45 - 17:00 Wednesday 06:45 - 17:30 Thursday 06:45 - 17:30 Friday 06:45 - 17:00

Meander Kleuterskool

Home
South Africa
Pretoria
Meander Kleuterskool

Meander Kleuterskool bied ’n tuiste vir ons kinders, maar met ’n verskil. Ons bied voldagfasiliteite met ’n verskeidenheid aktiwiteite.

Ons doel is om die kindertjies aan soveel moontlike aktiwiteite bloot te stel en ouers met `n geruste hart te laat.

02/09/2026

🌸🌼 LENTE HET GEKOM, EN ONS HET IETS BAIE SPESIAALS OM TE VIER! 🌼🌸

As ’n juffrou is daar min dinge mooier as om te sien hoe ’n klein mensie groei… Net soos die blomme wat elke lente weer oopvou, sien ons elke dag hoe ons maatjies leer, ontdek, probeer, val, opstaan en blom.

Lente herinner ons daaraan dat nuwe beginne, groei en hoop altyd deel van God se plan is.

En hierdie Lentedag is vir ons ekstra spesiaal, want… 🎉

MEANDER KLEUTERSKOOL IS 10 JAAR OUD! 🌸🎂

“Vir alles is daar ’n bepaalde tyd… ’n tyd om te plant en ’n tyd om te oes.” - Prediker 3:1-2

Mag hierdie nuwe lente-seisoen vir elke gesinnetjie ’n herinnering wees dat God altyd besig is om iets nuuts en mooi te laat groei. 🌸
Gelukkige 10de verjaarsdag, Meander Kleuterskool
🎈💗

23/08/2026

WILDE DIERE-AVONTUUR! 🐘🦒🦁🐯

Vrydag het ons by Meander Kleuterskool behoorlik in ’n wilde diereryk verander! Ons klein maatjies het hulle oulikste wilde dier-kostuums aangetrek, terwyl ons onderwysers die dag as ware wildbewaarders aangepak het!

Van brullende leeus tot pragtige kameelperde, ons het ’n hele trop vol pret, lag en avontuur gehad! Dankie aan elke Meander gesin wat hierdie dag elke jaar een groot fees maak!

Wat ’n wilde, wonderlike dag! 🌿🐾

16/08/2026

REPTIELE AVONTUUR! 🦎🐢

Ons klein Meander Kleuterskool ontdekkers het hierdie week die wonderlike wêreld van reptiele verken! Van skubbe tot sterte en alles tussenin, daar was soveel om te ontdek!

Klein handjies, groot nuuskierigheid en sommer baie reptielpret! 🐍💚

Dankie Eco Pilots omgewingsopvoedingprogram vir ons oulike besoek.

11/08/2026

Agter elke sterk mamma staan daar ’n "village", mense wat saam lag, saam huil, help dra wanneer die dae swaar raak en jou herinner dat jy ook belangrik is. ❤️

Want mamma, wanneer jy tyd vir jouself maak, is dit nie selfsugtig nie… dis selfversorging.

En wanneer jou koppie weer ’n bietjie voller is, weerspieël dit in alles wat jy doen, alles wat jy gee en almal vir wie jy lief is.

Daarom het ons hierdie Vrouedag ’n bietjie stilgestaan… 💄☕

’n Bietjie bederf, ’n klomp lag, lekker peuselhappies en natuurlik ’n "fun make-up tutorial!"

Want soms het ons nie veel nodig nie… net ’n paar vriendinne, ’n bietjie “me-time”, iets lekker om te eet en die herinnering:
Jy hoef dit nie alleen te doen nie. Jou village is daar. En jy is die moeite werd. 🌷

Aan elke mamma, vrou, vriendin, dogter en wonderlike vrou in ons village , Gelukkige Vrouedag!

Love MySelf Izélle Gildenhuys

07/08/2026

VUUR & VEILIGHEID! 🚒🔥

Klein handjies, groot nuuskierigheid en baie slim breintjies. Hierdie week leer ons alles oor vuur. Wat dit is, waarvoor dit gebruik word en, die belangrikste, hoe om veilig rondom vuur te wees.
👨‍🚒

Ons het die beste personeel wat hierdie mensies leer wat veilig is. Groot pret, geen vrees. Wat 'n lekker tema!

24/06/2026

🏆 *Ons het jou stem nodig!* 🏆

*Meander Kleuterskool* is genomineer vir *Best of Pretoria 2026* en ons is ongelooflik dankbaar vir hierdie erkenning.

As Meander 'n verskil in jou kind se lewe gemaak het, sal ons jou ondersteuning ongelooflik baie waardeer. ❤️

🗳️ Stem vandag vir Meander Kleuterskool deur die skakel te volg. Vind ons in die _*Best Creche / Playschool*_ kategorie:
https://www.bestofsouthafrica.co.za/pretoria/bop-voting-education/

📢 Ken jy 'n ouma, oupa, tannie, oom, peetouer, buurvrou of vriend wat ook vir Meander lief is? Stuur gerus hierdie plasing aan hulle deur! Elke stem bring ons 'n tree nader aan die wenstreep, en ons sal dit baie waardeer as jy ons help om die Meander-liefde te versprei. 💚

Dankie dat jy deel is van ons Meander-familie en ons ondersteun! 🌿

22/06/2026

Pa's is God se Meesterbouers 💙
Meander Kleuterskool se Pappadag 2026!

Net soos elke Lego-blokkie deel is van iets besonders, help pappas om die fondasie van 'n kind se lewe te bou. Met elke drukkie, elke grappie, elke les en elke bietjie liefde bou hulle aan selfvertroue, sekuriteit en mooi herinneringe.

Ons kinders is so dankbaar vir die spesiale rol wat hulle pappas speel, die hand wat help, die skouer waarop hulle kan leun en die held wat altyd gereed is vir nog 'n avontuur.

"Die regverdige wandel in sy opregtheid; gelukkig is sy kinders ná hom." - Spreuke 20:7

Ons vier al die wonderlike pappas wat met liefde, geduld en geloof help bou aan die toekoms van hulle kinders. Dankie dat julle elke dag 'n verskil maak, een blokkie op 'n slag.

01/06/2026

Graad RR se PLAASONTBYT🐷🐰🐔 Wat 'n kosbare tradisie om elke jaar ons Plaasdiere-tema ekstra spesiaal te maak saam met ons kindertjies wat amper klaar is met kleuterskool!

Ons is trots om julle ons Meander Kleuterskool Persklas te noem!

31/05/2026

Plaasdiere by Meander Kleuterskool

God se kosbare skeppings! 🐖🐴🦆

Hierdie week het ons die wonder van plaasdiere ontdek. Elkeen uniek geskape met ’n spesiale doel. Van die sagte geblêr van ’n skaap tot die vrolike gekraai van ’n haan, dit herinner hulle ons aan die vreugde en eenvoud van die plaaslewe.

Die Bybel sê in Psalm 50:10: "Want al die diere van die bos is Myne, die vee op duisend berge."
Hoe besonders is dit om te weet dat elke dier aan God behoort en deur Hom versorg word?

Dankie The Farm Corner vir 'n wonderlike dag saam met elke diertjie!

🐑 "Soms kom die grootste lesse in die kleinste geblêr, gekwaak of gekraai." 🐓

20/05/2026

🐝🌼 Gelukkige Internasionale Byedag! 🌼🐝

By Meander Kleuterskool is Bye hierdie jaar ons spesiale tema, en vandag vier ons hierdie klein, hardwerkende wonderwerkies van God!

Bye herinner ons daaraan dat elkeen ’n belangrike doel het. Soos elke bytjie sy deel doen om die korf sterk en gesond te hou, het elke kind ook unieke gawes waarmee hulle die wêreld mooier maak.

Die Bybel sê: "Hoe talryk is U werke, Here! U het hulle almal met wysheid gemaak." (Psalm 104:24)

Net soos die bytjies met ywer blom tot blom vlieg, leer ons kinders om met vreugde, vriendelikheid en deursettingsvermoë elke dag nuwe dinge te ontdek.

Klein lyfies, groot werkies! Soet soos heuning! Vol liefde, laggies en ontdekkings!

🐝🌻🍯

Address

446 Oshoek Street, Faerie Glen
Pretoria
0081

Opening Hours

Monday	06:45 - 17:30
Tuesday	06:45 - 17:00
Wednesday	06:45 - 17:30
Thursday	06:45 - 17:30
Friday	06:45 - 17:00

Website

http://www.meanderkleuterskool.co.za/

Alerts

Be the first to know and let us send you an email when Meander Kleuterskool posts news and promotions. Your email address will not be used for any other purpose, and you can unsubscribe at any time.

Contact The School

Send a message to Meander Kleuterskool:

Want your school to be the top-listed School/college in Pretoria?