Bittersoet

te kan dien vir Sy werk hier op aarde. Bittersoet is ‘n gemeenskap waar elke vrou ’n liefhê plek het, met doelgerigte projekte, byeenkomste en praktiese benaderings-opleiding tot die bekamping van minder-waardigheidskomplekse en armoede onder enkellopende dames in Suid-Afrika. ONS BEWEGINGSDOEL

Ons doel is om ‘n veilige ontspannings-omgewing te skep vir dames waar hulle ’n pad tot sielsgenesing op ‘n Woord-gefondeerde basis kan begin, tesame met dames wat ook self die bitter van die lewe gesmaak het, maar wat deur die genade van ons Here Jesus Christus, die soet van Sy liefde en die doel van ons aardsbestaan onveroordeeld kan deel, sodat elke gebroke vrou haar identiteit in Christus kan ontdek en haar posisie as konings-dogter van ons Allerhoogste Koning kan volstaan in hierdie gebroke wêreld. ONS BEWEGINGSVISIE

Om ‘n liefdevolle en veilige omgewing te skep, gevul met die soet-klanke van lofprysingsmusiek, waar dames hulleself kan wees, hulle hart kan deel en op ’n kreatiewe manier hartseer kan verwerk en ook ’n mede vriendin kan ontmoet met wie hulle ‘n gesonde christelike geestes pad kan stap tot volkome sielsgenesing. Daar is niks so waardevol as om 'n vriendin te kan kry met wie jy saam in gebed kan intree nie. ONS BEWEGINGSMISSIE

Ons is passievol oor vrouens en die pad wat hulle gestap het tot waar hulle vandag is. So, dis met toewyding en gebed dat ons vrouens nader om hulle lewenstransformasie getuienis te lewer tot verrykking van God se koninkryk, wat tot elke hart inspreek by hierdie Byeenkomste. Nie net kan vrouens kreatief wees nie, maar hulle kry ook die belangrikste voeding ... christelike geestesvoeding. GENADE FONDS

Daar is soveel weduwees en enkellopende mammas wat swaar trek, en wat net daardie hupstootjie nodig het om weer waardig te voel. Die Genade Fonds, is ‘n fondsinsamelings projek waar ons so ver as moontlik op skenkings staatmaak maar ook sekere kuns-en handgemaakte produkte beskikbaar stel om opgeveil te word. Hierdie projek word bedryf en bestuur op die inspraak van die Heilige Gees, dit beteken dat ons 100% afhanklik is van God se leiding. Elke saak word deur gebid deur ‘n groep intersessors waar eenheid in gees, in lyn met ons hemelse Vader se hartklop, die finale besluitneming ondersteun. ’n Dame in nood word slegs EEN keer deur hierdie fonds bygestaan en daar word ‘n pad met elke dame gestap. ‘n Groot presentasie van hierdie dames lei aan erge depressie, verwaarlosing en / of minderwaardigheid en ’n gevoel van wantroue is baie keer ter sprake. Daarom is dit ons hartklop dat elke vrou, Bybel-gefondeerde berading en finansiele advies gratis ontvang in ‘n veilige onveroordeelde omgewing sodat sy haar identiteit in Christus kan ontdek en in besit kan neem. WORD 'N BORG VAN DIE GENADE FONDS! Daar is baie behoeftige enkellopende dames, en daarom is finansiele hulp brood nodig om ‘n verskil te kan maak in hulle lewens. Jou bydra kan ‘n verskil maak. Ons kon tot dusver verskeide enkellopende mammas en dames help met verskeie brood nodige items van die diens van voertuie; aankoop van parte; kos; klerasie; skoolfonds; berading en nog vele meer, en ons hartklop is om meer en meer dames te help deur dit wat ons doen. Die Genade Fonds (DGF) fonds het verskeie opsies waar jy betrokke kan raak deur ‘n
1) brons 2) silver of 3) goue borg te word. BORGSKAP KATEGORIEë

BRONS BORG: Enige “nie-kontant” bydra e.g. SILVER BORG: Enige kontant bydra. GOUE BORG: Die verheffening van ‘n rekening van ‘n behoeftige dame, hetsy dit ’n skoolfonds, behuising, of motorwerktuig-kunidge rekening is. Enige rekening wat in die kategorie van “brood-nodige behoeftes” val. ‘n Lys van “brood-nodige behoeftes” sal op aanvraag verskaf word. Die instansie aan wie die rekening verskulding is word gevra om die faktuur aan te pas met die besonderhede van die borg, hetsy in privaat kapasiteit of besigheid, om sodoende die belasting voordeel daaruit te verkry. ALLE borge word konfidensieel hanteer en gaan ook gepaard met ‘n “GEEN bemarkings voordeel” by enige byeenkomste. Sodoende verseker ons dat daar geen vooropgestelde verwagtinge, beoordeling of persepsies geskep kan word nie. Ons stel borge se identiteit hoog op prys en daarom hanteer ons elke transaksie hoogs konfidensieel en met integriteit. HOEKOM ONS? Eerstens ons is lief vir Jesus Christus en dankbaar teenoor Hom, en wil ‘n verskil maak vir Sy koninkryk! Tweedens ons beweging is beskore vir ENIGE iemand. Die tyd van rondstaan en wag is verby. Ons as Christen vroue moet aksie vat om ‘n verskil te kan maak. Wanneer elke vrou haar identiteit in Christus snap kan ons ‘n taakmag oprig wat in gebed omstandighede vir onsself en ons land kan draai. Waar daar eenheid in God die Vader is kan die vyand nie steel en verwoes nie. Dis tyd dat ons Christen vroue ons outoriteit in Christus Jesus opneem en krygersvegters in gebed word sodat regverdigheid, vrede en liefde kan seevier. Die Here se opdrag is duidelik in die Woord, ons moet skatte vir ons bymekaar maak in die Hemel. Geen ouderdom, ras of inkomsteklas is ‘n bepalende faktor wanneer dit kom by die dinge van die Here en die uitbreiding van Sy koninkryk nie. Dit is waarvoor hierdie byeenkomste is en daarom sal niemand wat die Here soek verhinder word nie. Dit is wel ‘n uitdaging om minderbevoorregte dames te kan akkommodeer, want elke byeenkoms het ‘n inisiele koste wat gedek moet word, en daarom maak ons staat van donasies wat bestuur word deur ons “Breek ‘n granaat oop” projek span. BYEENKOMSTE

Ons lewer ‘n verskeidenheid van byeenkomste, sodat daar aan elke dame se behoeftes en kreatiwiteit voorsien kan word. Elke byeenkoms gaan gepaard met ‘n Woord gefondeerde oordenking en / of getuienis. Ons byeenkomste kan in drie kategoriee ingedeel word:
1) Handwerk & Kreatiewe byeenkomste ook genoem ons Solo-bedieningsbyeenkomste
2) Fondsinsamelings byeenkomste
3) Bittersoet hartklop byeenkomste

WAT IS 'N SOLO BEDIENINGSBYEENKOMS? Dit is kleiner intieme handwerk & kreatiewe byeenkomste waar ons dames kan bedien met woord waar hulle kunswerke kan maak en net die dag kan geniet. WAT IS 'N FONDSINSAMELINGSBYEENKOMS? Die naam is eintlik voor die hand liggend ... ons onderneem om tussen 2 en 4 groot fondsinsamelings byeenkomste jaarliks te hou waar spesiale handgemaakte produkte en skenkings opgeveil word tot bevondsing van die Breek ‘n granaat oop fonds. WAT IS 'N BITTTERSOET HARTKLOP BYEENKOMS? Hierdie is die hartklop van Bittersoet ... dis geleenthede waar ons ere aan ons Hemelse Vader bring - byeenkomste waar lofprysing en danksegging hoog op prys gestel word.