My mamma is my juffrou

14/08/2025

Sandspel is baie belangrik vir kleuters omdat dit nie net pret is nie, maar ook ’n kragtige manier is om te leer en te ontwikkel. Hier is ’n paar redes waarom sandspel waardevol is:

🖐 1. Ontwikkel fyn motoriese vaardighede
Wanneer kinders grawe, gooi, skep en giet sand, oefen hulle hul handspiere en vingers – belangrik vir latere skryfwerk.

🧠 2. Stimuleer kreatiwiteit en verbeelding
Kinders bou sandkastele, tonnels en vorms – hulle d**k, beplan en skep, wat kreatiewe denke aanmoedig.

🧩 3. Leer probleemoplossing en beplanning
As ’n kind se toring omval, leer hulle hoe om dit anders te bou. Hulle eksperimenteer en leer deur doen.

🧑‍🤝‍🧑 4. Bevorder sosiale vaardighede
Wanneer kinders saam in die sand speel, leer hulle om te deel, te wag vir hul b***t en saam te werk.

😌 5. Ontspan en verlig spanning
Sand het ’n kalmerende effek. Dit help kinders om te ontspan en hul emosies op ’n veilige manier uit te druk.

🔢 6. Bou vroeë wiskunde- en wetenskapsbegrippe
Kinders leer oor volume, gewig, nat vs. droog, en wat sink of dryf – belangrike konsepte vir leer.

Sandspel is dus veel meer as net mors – dit is leer in aksie. 💡

Ons wil jou nooi om deel te word van ons betaalde lidmaatskap. Teen R50/maand kan jy help sodat ons gratis idees en raad aanhou ouers en onnies bemagtig. Boonop kry jy toegang tot wonderlike hulp en leermateriaal. Loer hier : https://kleinkinderonderrig.info/

13/02/2025

Kyk die pret idee van ons tuisonderrig mamma Melissa : Het hierdie week se aktiwiteit om ñ balletjie te rol in ñ bierboks sommer saam ñ klankie gedoen om die t 🐅 met ñ blob verf en albaster te doen. Het nou nie heeltemal as strepe uitgekom nie maar hyt dit geniet 🤣

07/02/2025

24/08/2024

17/07/2024

Sandspel is seker een van die goedkoopste aktiwiteite wat ons kinders die MEESTE geniet. Bietjie sand in 'n bak en ou bakkies uit die kombuis en tada!!!!

Vir klein maatjies kan die sand klam gehou word, dit beland dan nie so maklik in die ogies nie.

06/05/2024

Sit 'n lekker groot spons in 'n bak. Druk skottelgoedseep op die spons en gee vir die kinders water in bakke. Die pret met die skuim het geen einde nie!

Maak seker jou kinders verstaan dat die skuim nie gekou kan word nie en dat dit ogies gaan brand.

05/05/2024

Trek patrone op die plaveisel.

Laat jou kind nou met water al op die lyne van die patroon beweeg en die patroon wegverf.

04/05/2024

Is huiswerk elke middag 'n veldslag?
Sukkel jy ure om jou kind te motiveer?
Voel dit nimmereindigend?

Ons het raad! Ons kan nie jou kind se huiswerk minder maak nie (al d**k ons huiswerk in graad 1 is 'n euwel!). Maar ons kan jou bystaat met raad en 'n strategie.

Ons fokus op die bemagtiging van ouers en wil jou leer hoe om huiswerk met jou kind aan te pak op so 'n manier dat dit weer pret raak. (D**k jy nie dis moontlik nie? Dit is!)

Ons wys jou hoe om aktiwiteite konkreet en deur beweging aan te pak - ja, selfs spelwoorde!

Bespreek nou vir hierdie kursus en verander julle lewe!

Die kursus sal op Saterdag 18 Mei 2024 beskikbaar wees.

Bespreek jou plek hier op ons winkel.
Gaan nou na www.juffrou.info en registreer jou profiel daar (met dieselfde eposadres as wat jy hier in die winkel gebruik het).
Sit terug en wag vir jou epos wat bevestig jy het toegang tot die kursus. (Onthou moenie voor 18 Mei begin wag nie!)
Jy kan enige tyd kyk, dis aanlyn en vir 6 maande beskikbaar.

Loer hier https://oasiswinkel.co.za/products/My-graad-1-kind-haat-huiswerk-ons-het-raad-p653122507

18/04/2024

Onthou dat ons Graad R program spesiaal vir mamma by die huis geskryf is. Gaan loer hier https://oasiswinkel.co.za/products/Aanlyn-tuisprogram-vir-Graad-R-p602602365

17/04/2024

Moenie die waarde van buitespel minag nie. Kinders wat met min apparaat gelos word om hulle eie speletjies te skep. Selfs soms verveeld is en dan met kreatiewe oplossings moet kom. Buite speel is so oud soos die berge en die waarde daarvan het nie oor die jare verminder nie!

07/04/2023

Vul ou lemoensakkies met koerante en plastiese sakkies. Dit maak sensoriese sakke om op te loop. Pak dit uit om vorms te maak of maak dit deel van jou hindernisbaan.