Laerskool Skuilkrans

Op hierdie spesiale dag wil ons graag ons opregte gelukwense uitstuur aan jou, Kayla Strauss, ons geliefde Juffrou! Mag jou verjaarsdag gevul wees met vreugde, liefde, en baie glimlagte. Dankie vir jou harde werk en toewyding - jy is 'n ware pilaar van ons skoolgemeenskap.

Ons hoop dat hierdie jaar vir jou voorspoed, sukses en talle gelukkige oomblikke sal bring. Geniet jou spesiale dag ten volle en weet dat jy baie waardeer word deur ons almal!

Laerskool Skuilkrans is trots om tans die grootste 6-aan-’n-kant Krieketfees in Suid-Afrika aan te bied!

Wat in 2023 met 12 volwasse spanne begin het, het gegroei tot 25 spanne en bied speelgeleenthede aan sowat 200 spelers en talle maatskappye en besighede van regoor Pretoria. Die fees strek oor September en Oktober, met ongeveer 120 wedstryde.

Inskrywings is nou oop! Gebruik die QR kode op die advertensie om in te skryf. Belangstellendes kan Werner de Beer kontak op 060 375 5898 of by [email protected].

Vandag groet ons met ’n swaar hart vir Mnr. Rossouw Jenkins, ons geliefde Departementshoof vir Opvoedkundige Leiding, wat vandag sy laaste dag by ons gevier het.

Deur die jare het hy nie net ’n waardevolle rol in ons skool vervul nie, maar ook ’n blywende indruk op die leerders, personeel en ouers gelaat. Sy leiding, wysheid, toewyding en omgee-hart het ’n besondere verskil gemaak.

Dankie vir elke raad, elke bemoedigende woord, elke glimlag en vir die passie waarmee jy altyd ons skool en ons kinders gedien het. Ons is ongelooflik dankbaar vir die deel van jou reis wat jy saam met ons gestap het.

Alhoewel dit vandag ’n afskeid is, sê ons eerder “totsiens” – want die spore wat jy hier getrap het, sal nog lank sigbaar wees.

Ons wens jou alles van die mooiste toe vir die nuwe hoofstuk wat voorlê. Mag dit gevul wees met geluk, sukses, nuwe geleenthede en baie mooi oomblikke.

Op hierdie spesiale dag wil ons graag ons opregte gelukwense uitstuur aan jou, Lizette Coetsee, ons geliefde Juffrou! Mag jou verjaarsdag gevul wees met vreugde, liefde, en baie glimlagte. Dankie vir jou harde werk en toewyding - jy is 'n ware pilaar van ons skoolgemeenskap.

Ons hoop dat hierdie jaar vir jou voorspoed, sukses en talle gelukkige oomblikke sal bring. Geniet jou spesiale dag ten volle en weet dat jy baie waardeer word deur ons almal!

Ons Graad R-leerders het verlede Vrydag heerlik aan ons Beroepedag deelgeneem!

Die kinders het aangetrek soos die beroep wat hulle eendag wil volg en kon droom oor die verskillende moontlikhede wat die toekoms vir hulle inhou. Ons was ook bevoorreg om van ons Graad R-ouers te verwelkom, wat hul beroepe met die leerders kom deel het en vertel het wat hul werk behels.

Baie dankie aan die volgende ouers wat hul tyd afgestaan het om ons te besoek en hierdie besondere ervaring met ons leerders te deel:
Marco Olori – Loodgieter en Entrepreneur Nature Calls Plumbing
Elana van Greunen - Klassieke pianis, Koor dirigent, Koor begeleier en Klas-Musiek Juffrou vir Gr R-6
Jacqui Uys - Politikus
Fernanda de Winnaar – Stadseiendomsadministrasie City Property
Biance Olori – Bemarker en Entrepreneur DoorBel Media
Amanda Jonker – Siviele Ingenieur
Renier Grobler – Verkope
Goitseone Motlhabane – Prokureur Swiegers Inc.

Ons waardeer julle ondersteuning en die rol wat julle speel om ons kleuters se wêreld te verbreed!

Kom asb. môre warm skool toe!

Verlede Vrydag is ons personeel lekker bederf deur Stefan van Lone Hawk Spur met heerlike burgers ter viering van Vrouedag.

Baie dankie vir hierdie besondere bederf en vir die waardering! Ons waardeer dit opreg.

Baie geluk aan ons 1ste span en Onder 11-span, wat albei met 2–0 teen Uitsig geseëvier het.

Ons is ongelooflik trots op julle puik begin. Sterkte met die liga wat amper afskop – ons staan bankvas agter julle!