Klein Leertjies Voorbereidingskool

🏕️🔥 Tema van die week: Kamp! 🔥🏕️

Wat is dan nou lekkerder as 'n kampdag saam met maats? Hierdie week het ons die kamp-lewe geniet! 🤩

Ons het heerlik malvalekkers gebraai en saam ons kamp-rympie opgesê.
Daar was baie laggies, geselsies en spesiale herinneringe wat gemaak is. 🍢🔥

By Klein Leertjies leer ons deur speel, ontdek en beleef – en hierdie week se kamp-avontuur was beslis een vir die boeke! 🏕️💚

🌿☀️ Kind wees by Klein Leertjies is lekker! ☀️🌿

🛝 WÊRELD SPEELDAG 🛝

Daar is niks mooier as die klank van laggende kinders wat saam speel, ontdek en herinneringe maak nie.
By Klein Leertjies glo ons dat spel een van die belangrikste maniere is waarop kinders leer, groei en ontwikkel.

Vandag het ons die heerlike buitelug geniet, gehardloop, geklim, gespeel en sommer baie pret gehad! 💚

Want by Klein Leertjies weet ons:
✨ Kinders leer deur te speel.
✨ Kinders groei deur te ontdek.
✨ Kinders blom wanneer hulle gelukkig is.

❄️🐾 Wat pas beter by koue weer as pajamas en pantoffels? 💤

Saam met ons lekker troeteldiere-daggie het ons sommer ook ’n gesellige pajamas-en-pantoffeldag gehou! 🩷

Die maatjies het snoesig en warm by die skool aangekom in hulle oulike pajamas en sagte pantoffels, gereed vir ’n dag vol pret, leer en laggies. 🐶🦔

Dit was ’n heerlike wintersdag vol warm harte, vrolike gesiggies en spesiale herinneringe! ✨

🐾 Tema van die week: Troeteldiere 🐾

Wat ’n pretvolle week was dit nie! 🐶 Hondjie Kiara het by ons kom kuier en die maatjies het dit so geniet om haar te ontmoet en met haar te speel. 🩷

Juf CJ het ook haar oulike krimpvarkies vir ons gewys – die kinders was baie nuuskierig en opgewonde om meer van hulle te leer! 🦔

Ons het sommer die week afgesluit deur saam ’n heerlike krimpvarkie te bak en brou. 😋

Dankie vir al die glimlaggies, laggies en spesiale herinneringe hierdie week! 🐾

Hierdie is 'n baie belangrike en fun kursus wat ons oor 'n week gaan aanbied. Ons moedig almal wat met kinders werk in enige beroepsgebied aan, en selfs ouers kan hier by baat. Almal wat hierdie kursus doen is mal oor die Moompi training. Hier leer jy van die kinderwet, protokol rondom aanmelding, gedragspatrone ens. Dit word aangebied by NG Magalieskruin, 6 Junie en die koste is slegs vir die etes. Ons het baie moeite gedoen om al die belangrikste rolspelers in Gauteng wat kinders beskerm by hierdie opleiding te kry. Ds Carli Fourie

Dankie aan ons omgee-maatjie en Laerskool Stephanus Roos vir ons maatjies se lekkergoed pakkies!🍬 🍭

Ons waardeer julle ❤️

Baie geluk Lucas met jou 3de plek! 🥉

Ons is vreeslik trots op jou!🎉

Ons mooi Hemelvaart werkie!

🌤️✝️ Geseënde Hemelvaartdag aan al ons Klein Leertjies families! ✝️🌤️

Vandag onthou ons hoe Jesus opgevaar het na die hemel met die belofte dat Hy altyd by ons sal wees. Mag hierdie dag gevul wees met hoop, liefde en vrede in elke huis. 💚

“Hierdie Jesus wat van julle opgeneem is na die hemel, sal net so terugkom…”
– Handelinge 1:11

Ons wens elke mamma, pappa, ouma, oupa en kleinding ’n mooi en geseënde dag toe. 🌈☁️