HTS John Vorster Solarkarprojek

Sonkar - Werksessie 2 ✅

Daar is niemand wat so hard kan konsentreer soos 'n JV wat besig is met 'n belangrike taak nie. Hou so aan! Ons hou van wat ons sien!

Wil jy graag as 'n borg betrokke raak? Kontak Ilana Visser by [email protected].

Sonkar - Werksessie 1 ✅

Ons het lekker uitgerus en nou is dit weer tyd vir harde werk en voorbereiding. Die eerste werksessie vir 2026 het goed afgeloop en ons sien uit na nog baie ure om sonkar. Voorwaarts JV's!

Selfs die sonkarspan moet ook bietjie rus...

Kyk, die sonkarspan is altyd bedrywig en gewillig om te werk, maar dalk is dit goed dat dit die afgelope twee weke so lekker reën... Dit beteken dat die sonkarspan dan ook bietjie moet (kan) rus.
Dankie aan almal wat Woensdagaand saam met ons gekuier het by die afsluiting. Ons is dankbaar vir 'n jaar vol harde werk en baie ure insit.

Dankie aan ons ouers wat net so hard saam met ons leerders werk. Ons is baie opgewonde oor 2026 en die voorbereiding vir die Sasol Solar Challenge. Lekker rus die vakansie, want volgende jaar is dit weer moue oprol en hard werk.

Fotokrediet: Madeleine Kritzinger

GROOT NUUS! Horizon - Die Sasol Solar Challenge (2024) dokumentêr is nou beskikbaar.
Kyk hier!
https://youtu.be/Tz-gMYM1saI

Horizon: The Story of the 2024 Sasol Solar Challenge | Episode 1 | Start Line is the official documentary series of the 2024 Sasol Solar Challenge, taking you behind the sc...

Baie dankie aan MS Promoters vir die naweek se onderhoud by die Young Bloods bekendstelling.

Dankie ook aan die sonkarspan vir jul teenwoordigheid! Ons is baie opgewonde om te sien waar die VOLTWAGEN II volgende gaan kuier!

Kyk gerus die video!

Young Blood Initiative Launch - POMC What is the Young Bloods (YB) Initiative?The Young Bloods (YB) is more than just a club—it's a movement. Powered by passion and driven by heritage, YB is a h...

Ons kuier vandag by die Pretoria Oumotorklub.
Dit is die bekendstelling van hul Young Bloods inisiatief.
Hier is perdekrag, sonkrag en baie VROOM!
Kom maak 'n draai! Bring vir boetie, sussie en sommer die hele familie saam.

Die sonkarspan werk soos net 'n GENUINE JV kan!

Hierdie span se hande staan vir niks verkeerd nie. Hier word beslis hard gewerk! Ons sonkarspan het die afgelope naweek seker gemaak dat die sonkar gereed is vir komende naweek se uitstalling.

Wat? Waar? Wanneer? Kom maak 'n draai by Pretoria Old Motor Club (POMC). Dié klub stel Sondag hul nuwe inisiatief, Young Bloods, bekend.
Is jy tussen die ouderdom van 18 en 30? Kry jy hoendervleis as jy 'n motor se enjin hoor? Dan is hierdie die geleentheid vir JOU!
Sondag, 14 September - 09:00 tot 15:00.
Wat moet jy saambring?
Jou hoed, jou braaipakkie (as jy wil) en R30 vir toegang.
Daar sal ook verversings te koop wees.

Kom maak 'n draai by die sonkar-stalletjie. Ons wil jou graag ontmoet!

Oud-JV's hou HTS John Vorster se naam hoog by die Bridgestone World Solar Challenge!

Australië is geen uitdaging vir Marelize en Le'Jaune Kantor nie. Hulle verteenwoordig die JV's behoorlik by die Bridgestone World Solar Challenge, waar hulle tans deel van die ondersteuningspan is.

Geniet dit girls!

Oud Jv's kuier by die sonkar ☀️

Showcasing what the future of clean energy looks like ⚡☀️🌍