05/08/2026
HET JY GEWEET?
Elke sintuig het sy eie ingeboude helper: ’n primitiewe refleks wat gereed is om die sintuie (liggaamsbewustheid, aanraking, balans, reuk, smaak, gehoor en sig) wakker te maak, te verfyn en die brein te help om sterker verbindings te vorm.
Kan ’n aktiewe primitiewe refleks die oorsaak wees van sommige “sensoriese” gedragspatrone?
Wanneer ’n primitiewe refleks nie deur sensoriese spel tot rus kom nie, kan dit voorkom as hipersensitiwiteit, sensories-soekende gedrag of probleme met die verwerking van sensoriese inligting. Gevolglik kan ’n kind beskryf word as “sensories”, terwyl ’n onderliggende aktiewe primitiewe refleks moontlik die oorsaak van hierdie gedrag kan wees.
’n Primitiewe refleks behoort tot rus te kom sodra sy werk afgehandel is. Indien dit nie gebeur nie, kan ’n kind instinktief ’n sensoriese soeker word – voortdurend aan die beweeg, aan dinge raak, draai, teen voorwerpe bots of sy omgewing verken – asof die brein op soek is na die spesifieke sensoriese ervarings wat nodig is om breinontwikkeling te ondersteun.
💡SENSORIESE SPEL is die natuur se manier om die brein en sensories-motoriese stelsel te help om volwasse te word, sodat ’n kind helder, selfversekerd en in staat is om op ’n ouderdomsgepaste wyse te beweeg en op te tree.
📞As enigiets hiervan bekend klink, skakel met jou naaste Mind Moves-spesialis om meer te leer oor hoe Mind Moves jou kind se sensoriese ontwikkeling kan ondersteun, aktiewe primitiewe reflekse kan help integreer en ’n sterk grondslag vir leer kan lê.
https://www.mindmoves.co.za/
