Hoërskool Pietersburg

🏉 TROTSE GASHEER VAN LIMPOPO SE JONG RUGBYTALENT! 🏉

PHS was bevoorreg om as gasheer op te tree vir die Limpopo Laerskole Rugbykampioenskappe.

Dit was 'n voorreg om soveel toegewyde spelers, afrigters, ouers en ondersteuners by PHS te verwelkom. Die gees van sportmanskap, deursettingsvermoë en spanwerk wat deurgaans sigbaar was, getuig van die ongelooflike talent wat in Limpopo se rugbygemeenskap ontwikkel word.

Baie geluk aan al die spelers wat gedurende die kampioenskappe as Speler van die Wedstryd aangewys is. Mag hierdie erkenning julle motiveer om aan te hou streef na uitnemendheid.

Ons wens al die spelers sterkte toe vir die res van hul rugbyseisoen en sien daarna uit om julle rugbyloopbane met groot belangstelling dop te hou!

🏇 RUITERKUNS 🏇

Baie geluk aan ons ruiters wat die naweek van 13 tot 15 Junie aan die Limpopo Driedag-byeenkoms by Winnfield stalle deelgeneem het.

Ons Pieties het puik gevaar en ons skool se vlag hoog laat wapper! Ons is baie trots op elkeen van julle.

🏏 PIETIE PRESTEER 🏏

Ryan Evert het die afgelope naweek aan die PEL Limpopo Elite Liga o.14/15 T20-toernooi waar hy vir die Verre Noord Predators uitgedraf het.

Ryan het 'n massiewe rol in sy span se sukses gespeel en sy ongelooflike veelsydigheid op die veld gewys deur deur die loop van die toernooi te bat, te bowl én as paaltjiewagter uit te blink. Sy span was as die Plaat-finaal wenners gekroon!

Baie geluk met hierdie welverdiende prestasie, Ryan!

🏉SPRINGBOKKE VS BARBARIANS🏉

Bring jou familie, vriende en jou groen-en-goud gees na die Bok Town by PHS.

ALLES WAT JY MOET WEET:
📅 Datum: Saterdag, 20 Junie 2026
📍 Plek: PHS A-Rugbyveld
🕛 Hekke open: 12:00
🎟️ Toegang: R50 per persoon (kaartjies is gerieflik by die hek beskikbaar)
🍻 Koelerboks: R150 per koelerboks

🎵 "LIVE" MUSIEK:
Dis Net Frederick gaan sorg vir die beste atmosfeer regstreeks op die Bok Town verhoog!

ONTHOU OM SAAM TE BRING:
* Jou eie kampstoel of kombers
* Al jou rugbygees!

🏉OUD-PIETIE PRESTEER🏉

Baie geluk aan oud-Pietie, Juan Jansen van Vuuren, wat opgeneem is in die Blou Bulle se o.20-Presidentspan!

Juan en sy spanmaats meet reeds vanaand kragte teen Zimbabwe se o.20-span in Pretoria.

Dit is ’n massiewe prestasie en ons is ongelooflik trots om te sien hoe ons oud-leerders aanhou drome najaag en op die hoogste vlakke presteer!

RTA verteenwoordig jong Bulletjies.

Die Rugby Travel Academy (RTA) het nie minder as tien spelers in die Blou Bulle se Onder 20 Presidentspan wat Vrydagaand teen Zimbabwe se Onder 20 span in Pretoria kragte meet.

RTA verteenwoordig jaarliks Centurion rugby klub in die Blou Bulle onder 20 liga en dit is vanweë die skitterende verhouding dat hierdie tipe geleenthede vir hul spelers ontstaan.

"Dit is ń skitterende idee wat deur die Bulle se president Willem Strauss begin is om hierdie jong spelers blootstelling te gee teen spanne soos Namibië en Zimbabwe.

"Ons spelers kan dit op hulle CV's sit en dit maak dan ook hulle meer bemarkbaar vir oorsese geleenthede waarop ons primêr fokus" het Len Olivier van RTA gesê.

Nico Pretorius wat al jare by RTA betrokke is en skitterende werk met sy pak doen is as voorspeler-afrigter aangestel by hierdie span.

"Nico is een van die mees onderskatte voorspeler afrigters in Pretoria en hy domineer jaarliks die liga met sy goeie lynstaan- en skrumafrigting en is ek baie bly hy kry ook hierdie geleentheid " het Olivier verder gesê.

Spelers soos Juan van Vuuren, Ethan de K**k en Dirk Huisamen het verlede jaar Cravenweekrugby gespeel vir onderskeidelik die Limpopo Blou Bulle, Pumas en Luiperds. Hierdie drie losvoorspelers speel die liga aan die brand vanjaar.

Die haker Tristan Coleman, wat by Hoërskool Garsfontein gematrikuleer het beleef ook ń merwaardige seisoen nadat hy van Frankryk af terug gekom het vir ń tweede jaar by RTA en die manne van Zim dal hulle keer moet ken as hy met bal in hand begin hardloop.

Die oud-Affie en RTA onder 20 kaptein Reynard Bezuidenhout is ook die jong Bulle se kaptein more aand.

Die wedstryd skop om 18h30 af.

Foto (link na regs) : Ethan de K**k, Juan van Vuuren, Tristan Coleman, Letlotlo Kometsi, Christiaan Jansen van Rensburg, Nico Pretorius (afrigter), Jedri Swart , Gareth Hofsta, Dirk Huisamen, Prince Ibe, Reynard Bezuidenhout

🏑 STERKTE PIETIES! 🏐

Baie sterkte aan al die netbal- en hokkiespanne wat hierdie naweek aan die Limpopo-finale deelneem!

Gaan voluit, speel met trots en geniet elke oomblik! Per Apera Ad Astra! ✨

🎙️ONS EERSTE OPNAME VANDAG WAS 'N REUSE SUKSES! 🎙️

Ons is baie trots op elkeen van julle se harde werk, toewyding en talent. Julle het vandag werklik uitgeblink!

Ons kan nie wag om die res van die groepe se opnames te hoor en uiteindelik die finale produk te beleef nie. Die opwinding bou behoorlik op!

Baie geluk aan elke Pietie wat vandag deel was van hierdie besonderse mylpaal!