Hoërskool Boesmanland

03/08/2026

📢 Kennisgewing Neem asseblief kennis dat die Graad 8- en Graad 9-ouervergaderings vandag saam gehou sal word.
🗓️ Datum: 3 Augustus 2026
Ons sien uit daarna om al ons Graad 8- en Graad 9-ouers te verwelkom. Dankie vir u samewerking.

31/07/2026

🏐 Volleyball – Winter Nationals 2026 🏐

Na suksesvolle keurings in Kimberley was ons Onder-17-span gekies om Noord-Kaap by die Winter Nationals in Oos-Londen tussen 10–14 Julie 2026 te verteenwoordig.

Die span het in 'n baie sterk Groep A teen topspanne soos Limpopo, KwaZulu-Natal en Gauteng meegeding. Al was dit 'n nuwe span, het hulle waardevolle ervaring opgedoen en groot deursettingsvermoë getoon.

Ons is trots op elke speler. Hierdie is net die begin van 'n belowende reis. 💙🏐

28/07/2026

📢 Belangrike Kennisgewing: Ouervergadering

U samewerking is baie belangrik vir u kind se vordering en ons waardeer u teenwoordigheid.

Dankie vir u ondersteuning.

28/07/2026

🏆 Toekennings

Vandag is 'n besondere dag van trots vir Hoërskool Boesmanland.

Tydens die District Well-Done-funksie,wat by Namaqua Guest Farm aangebied is en onder andere deur die LUR vir Onderwys, mnr. A. Vosloo, asook verskeie hooggeplaasde amptenare bygewoon is, is onderwysers en skole regoor die Namakwa-distrik vereer vir hul uitstekende uitslae in die NSS November 2025-eksamen.

Ons is besonder trots op ons eie opvoeders wat toekennings ontvang het vir die gehalte van hul vakuitslae. Baie geluk aan:

Juf. Z. Brandt– Afrikaans
Juf. S. Mfusi – Engels
Juf. S. Fortuin – Lewensoriëntering
Mnr. B. Waterboer – Wiskunde

Die LUR vir Onderwys het ook 'n spesiale trofee aan elke skool in die distrik oorhandig. Tydens die geleentheid is beklemtoon dat die Namakwa-distrik daarna streef om vanjaar 'n 95%-NSS-slaagsyferte behaal. ‘n Doelwit wat elke skool inspireer om steeds hoër te mik.

Dit was inderdaad 'n glansgeleentheid waar die harde werk, toewyding en uitnemendheid van skole en opvoeders regoor die distrik op gepaste wyse erken en beloon is.

🎉 Baie geluk aan al ons ontvangers. Julle prestasies is 'n inspirasie vir ons hele skoolgemeenskap. Ons is ongelooflik trots op elkeen van julle!

20/07/2026

10/07/2026

🏉 Hoërskool Boesmanland is trots! 🏉

Hoërskool Boesmanland wens Renishia Visagie, Gwendoline Nel en Shiloh Thomas van harte geluk met hul insluiting in die Noord-Kaap o/15-span wat die provinsie tydens die Provincial Winter Games 2026 gaan verteenwoordig. Die toernooi vind plaas vanaf 12 tot 15 Julie 2026 te Port Elizabeth (Gqeberha).

Dit is ook 'n besondere prestasie vir Renishia Visagie en Gwendoline Nel, wat vir die tweede keer hierdie maand die provinsie gaan verteenwoordig. Hulle was vroeër in Julie ook deel van die Griekwas o/16-span, waar hulle waardevolle ervaring opgedoen het.

Ons is ook besonder trots dat mnr. W.W. Louw as afrigter (Coach) van die Noord-Kaap o/15-span aangewys is.

Baie geluk aan elke speler en afrigter met hierdie welverdiende prestasie. Julle harde werk, toewyding en deursettingsvermoë is 'n inspirasie vir die hele Hoërskool Boesmanland-gemeenskap.

Ons wens julle alle sterkte toe vir die toernooi. Maak die Noord-Kaap en Hoërskool Boesmanland trots!

📌 Daar is tans nog geen regstreekse uitsaaiskakels beskikbaar nie. Wedstryduitslae en enige verdere opdaterings sal op ons Facebook-blad gedeel word sodra dit beskikbaar is.

💙🧡 HSB – Volhard en Groei! 🏉

04/07/2026

💙🤍 Aan ons Griqua-dogters,

Terwyl julle laaste wedstryd teen Vrystaat tans afspeel, stuur ons elkeen van julle ons beste wense. Julle harde werk, opoffering en deursettingsvermoë het julle tot hier gebring, en daarvoor is ons ongelooflik trots.

Ongeag die eindtelling, onthou dat julle met trots, passie en die Griqua-gees speel. Gee alles tot die laaste fluitjie en geniet elke oomblik op die veld. Julle dra die naam Griquas met eer.

Sterkte, meisies! Ons staan vierkantig agter julle. 💙❤️

🔗 https://live.supersportschools.com/events/6a480444f72b1f539341bc71/

02/07/2026

🏉 !
Die Griquas-dogters het eergister hul eerste wedstryd van die toernooi teen Boland gespeel. Al het die uitslag nie vandag in hul guns gegaan nie, is dit net die begin van die toernooi.

Vanoggend pak hulle die Valke aan om 09:30.

VOLG DIE LINK OM IN TE SKAKEL:

RUGBY: SUZUKI GRIQUAS VS VALKE - FNB U16 GIRL'S WEEK
https://live.supersportschools.com/events/6a43efbc60a073bab925cf0a

💙 Ons wens die Griquas-dogters alle sterkte toe vir vandag se wedstryd. Hou julle koppe hoog, glo in jul vermoëns en gee alles op die veld. Julle maak ons trots – sterkte, meisies! 💪🏉

02/07/2026

🏉 !
Die Griquas-dogters het gister hul eerste wedstryd van die toernooi teen Boland gespeel. Al het die uitslag nie vandag in hul guns gegaan nie, is dit net die begin van die toernooi.

Vandag, 2 Julie 2026 pak hulle die Valke aan om 09:30.

VOLG DIE LINK OM IN TE SKAKEL:

RUGBY: SUZUKI GRIQUAS VS VALKE - FNB U16 GIRL'S WEEK
https://live.supersportschools.com/events/6a43efbc60a073bab925cf0a

💙 Ons wens die Griquas-dogters alle sterkte toe vir môre se wedstryd. Hou julle koppe hoog, glo in jul vermoëns en gee alles op die veld. Julle maak ons trots – sterkte, meisies! 💪🏉