Steynville Primêr

07/09/2026

🥋🏅 Steynville Primêr is trots! 🏅🥋

Baie geluk aan Cohen Jakobus, wat op Saterdag 29 Augustus aan die Wes-Kaap Ope in Paarl deelgeneem het en ’n silwermedalje verower het! 🥈👏

Ons is ook ongelooflik trots om te deel dat Cohen in die Wes-Kaap Judo-span opgeneem is. 🇿🇦🥋

Hy sal op 31 Oktober 2026 in George aan die Interprovinsiale Toernooi deelneem, waar die Wes-Kaap teen die Oos-Kaap in spangevegte sal meeding.

Cohen, ons is trots op jou! Hou aan om hard te werk, gefokus te bly en jou beste te gee. 🌟

Steynville Primêr is trots op jou! 💚💛

07/09/2026

03/09/2026

🌿 STAPKLUB-AVONTUUR BY BRAKFONTEIN! 🧗‍♂️🍊
Steynville Primêr se Stapklub het Saterdag, 29 Augustus, 'n onvergeetlike dag op die Brakfontein-landgoed in Citrusdal beleef!

Die uitstappie het vinnig in 'n ware "bush bashing" avontuur ontaard toe die leerders oor 'n plaasheining moes klim en die berg sonder 'n amptelike pad moes aandurf. Gelukkig het ons opsigter, oom Ady, dapper die leiding geneem en vir ons 'n pad deur die takke, struike en rotse gebaan! 💪✨

Na die strawwe klim is almal heerlik bederf met vars sitrusvrugte en moerbeie reg van die plaas af. 🍊🍇

'n Groot dankie aan die bestuur van Brakfontein wat hierdie wonderlike geleentheid vir ons leerders moontlik gemaak het!

02/09/2026

01/09/2026

⚽ Sokkertoernooi ⚽

Ons o.13’s het op Saterdag, 29 Augustus, aan ’n sokkertoernooi by Steynville Primêr deelgeneem. Baie geluk aan Porterville Primêr se dogters wat die dogtersbeker gewen het, asook aan Steynville Primêr se seuns wat die seunsbeker ingepalm het! 🏆👏

’n Spesiale dankie aan al ons borge vir julle waardevolle ondersteuning. 💚💛

24/08/2026

💚Saam stap ons vir ’n beter môre. 💚

Vanoggend was ons skool bevoorreg om die Bergrivier “Stap en Trap”-inisiatief te verwelkom en die begin van hul ongelooflike 306,6 km-reis te beleef. 🚶‍♀️🚴‍♂️

Hierdie is soveel meer as net ’n stap- en fietsryroete. Dit is ’n reis van hoop, moed en bewustheid. Om op te staan vir veilige gemeenskappe, om ’n stem te wees teen geslagsgeweld, en om mense met gestremdhede te bemagtig en te ondersteun.

Ons is trots dat ons skool deel kon wees van die begin van hierdie betekenisvolle reis. Mag elke kilometer ’n boodskap van hoop, eenheid en verandering uitdra. Ons wens elke deelnemer alle sterkte toe. Mag u veilig reis en weet dat daar mense is wat u doel ondersteun en saam met u staan.

Stap sterk. Trap sterk. Staan saam. 🙏

21/08/2026

Mnr & Mej Steynville Primêr 2026👑🤴🏽👸🏽

Baie geluk aan al ons fantastiese deelnemers en wenners van Mnr. en Mej. Steynville Primêr 2026! 👑

✨ Dit was 'n ongelooflike aand vol talent, styl en trots.
Hier is ons amptelike wenners vir 2026:

🏆 Mnr. Steynville Primêr: Declan Dirks
👑 Mej. Steynville Primêr: Tyler Cloete

👑 1ste Prinses: Shamealah Benjamin
🏆 1ste Prins: Caydon Afrika

👑 2de Prinses: Rickell van Rooi
🏆 2de Prins: Degan Williams

🌟 Mnr. Persoonlikheid: Cleowano Strauss
🌟 Mej. Persoonlikheid: Storm du Toit

💰 Top Fondsinsamelaar: Breonay Pieterse

❤️ 'n Opregte Dankie Aan:

Ons Borge: Baie dankie vir u ruim ondersteuning, bydraes en geloof in ons skool en leerders. Sonder u vennootskap sou hierdie geleentheid nie moontlik gewees het nie!

Ons Opvoeders: Dankie vir u harde werk, reëlings en die ure se voorbereiding agter die skerms om alles vlot te laat verloop.

Ons Ouers: Dankie vir u onvoorwaardelike ondersteuning, pragtige uitrustings en volgehoue moedswilligheid.

Ons Gaste & Ondersteuners: Dankie aan elkeen wat die aand bygewoon het — U wonderlike geesdrif het die saal laat leef!

Baie geluk weereens aan elke wenner en deelnemer. Julle het Steynville Primêr se naam hoog gehou! 👏🎉

18/08/2026

🧮✨ MATHY MONDAY! ✨🧮

Nuwe week, nuwe uitdagings en ’n nuwe kans om jou wiskundevaardighede te wys! 💪📚

Ons kampioene vir die week:
Graad 6: Mari Celeste Pieterse

Graad 7: Shellyne Scholtz

Baie geluk aan al ons kampioene van die week! 💚💛

Elke Steynville leerder is ‘n presteerder!

16/08/2026

💚✨ ’N HARTLIKE DANKIE AAN ONS BORGE & ONDERSTEUNERS! ✨💚

Hierdie besonderse aand soos Mnr. en Mej. Steynville Primêr 2026 – “Skitter in Kleur” sou nie moontlik wees sonder die ongelooflike ondersteuning van ons borge en almal wat agter die skerms ’n hand bygesit het nie. 🌟

Ons wil uit die diepte van ons harte BAIE DANKIE sê aan:
✨ The Views Guesthouse
✨ Pharmacy Piketberg @ SPAR
✨ Bergrivier Dental
✨ Jemelda’s Hair & Nail Affair
✨ Hair by Felicia

Dankie vir elke borgskap, bydrae, diens, tyd en bereidwilligheid om ons skool en ons leerders te ondersteun. U het gehelp om hierdie aand ekstra spesiaal en onvergeetlik te maak.

Aan elkeen van ons ander ondersteuners, ouers, personeel en gemeenskapslede wat op enige manier bygedra het – ons sien u, ons waardeer u en ons is opreg dankbaar. ❤️

Dit vat ’n gemeenskap om ’n droom te laat skitter! ✨

Dankie dat u saam met ons in kleur geskitter het! 💚💛