22/08/2026
’n Spesiale Woord van Dank: Loopbaandag 2026
Vandag het ons Matriekleerders die voorreg gehad om deel te wees van ’n besondere loopbaandag, nie die soort loopbaandag waar ons ons klere aantrek nie, maar een waar ons leerders kragtig bedien en geïnspireer is deur werknemers, sportmanne, entrepreneurs en opvoeders uit ons eie gemeenskap.
Ons leerders kon kies uit vyf loopbaan- en ontwikkelingsrigtings, naamlik:
🏅 Sport en Afrigting
💼 Internskappe en Werksgeleenthede
🛍️ Kleinhandel en Verkope
📚 Vroeë Kinderontwikkeling (VKO) en Onderwys
💄 Entrepreneurskap: Grimering en Haarstilering
Ons wil graag ’n spesiale woord van opregte dank rig aan ons besondere gaste:
1. Mnr. E. Booysen – Sport en Afrigting
2. Mnr. D. Arends – Internskappe en Werksgeleenthede
3. Mnr. A. Muller – Kleinhandel en Verkope
4. Mnr. R. Claassen – Vroeë Kinderontwikkeling en Onderwys
5. Mej. S. Hendricks – Entrepreneurskap: Grimering en Haarstilering
Baie dankie dat u vandag u waardevolle tyd afgestaan het om in ons kinders te belê, hulle te motiveer en hulle aan nuwe moontlikhede bloot te stel. Ons leerders het dit ongelooflik baie geniet. Ons glo dat elkeen van u vandag ’n saadjie vir ’n blinker toekoms in die harte en gedagtes van ons leerders geplant het.
Dit is altyd ’n riem onder die hart om mense wat positiewe rolmodelle en belangrike figure binne ons gemeenskap is, na ons leerders te bring. Deur u stories, ervarings en voorbeeld kon ons kinders sien dat sukses nie slegs ’n droom is nie, maar iets waarna hulle met toewyding, hardewerk en geloof kan strewe.
Deur u bestaan en voorbeeld besef ons kinders dat hulle tot soveel meer in staat is.
Mag u weet dat u bydrae vandag waardevol was en dat dit ’n blywende indruk op ons leerders gemaak het.
Baie dankie vir u bereidwilligheid om ons kinders te dien.
Aurial College
Scientiae Est Lux
