Laerskool Koue Bokkeveld

11/09/2026

TENNIS
Ons 0.11 tennisspelers speel vir die volgende 2 dae die Kleinboys tennistoernooi in die Paarl.
Voor vlnr: Bernhardt du Toit, Luka van Zyl en Christopher Wagener
Agter vlnr:
Gian Gagiano, Zack le Roux en Christopher du Toit.
Altesaam 8 skole neem deel! Ons sien baie uit! Trots op die manne!

10/09/2026

TENNIS
Ons is trots op die volgende tennisspelers wat opgeneem is in die Kaapse Wynland tennisspan van 2026
Vlnr: Christopher du Toit, Cassie du Toit, Ben van der Merwe, Wikus Bothma, Mia Gagiano, Helene du Toit, Cara van den Heever, Zoey Carolus, Zané Bothma en Lindie van der Merwe.
Die ure wat julle op die tennisbaan insit, werp vrugte af. Baie geluk julle!

10/09/2026

VAKANTE BETREKKING
Doen aansoek by https://e-recruitment.westerncape.gov.za/
Posnommer 1918

10/09/2026

10/09/2026

KLUBS
Ons Landbou klub besoek môre Nampo Kaap in Bredasdorp en sien uit daarna om hul kennis te midde van die opwinding te verbreed! Ons is dankbaar vir hierdie nuwe geleenthede wat by ons skool is om Net die beste vir ons leerders te bied!

07/09/2026

KONSERT
Ooooo, ons sien uit!! Die opwinding loop hoog, ver bo die planete! Sien julle volgende week!

05/09/2026

TENNIS
Ons eerste tennisspan het ‘n heerlike tyd gehad by die Courtrai toernooi!
Puik tennis is gespeel!
Die seuns eindig 5de en die dogters 3de.
Altesaam 12 dogter- en 12 seunsspanne het deelgeneem!
Ons is so trots en sien uit na die res van die jaar se tennis!

#

04/09/2026

TENNIS
Ons eerste tennisspan speel die volgende twee dae die Courtrai tennistoernooi in die Paarl.
Ons is baie trots op julle! Geniet dit!

03/09/2026

LENTE: PRE-GRAAD R & GRAAD R
Ons kleinste bokkies bring LENTE na Prins Alfred Hamlet.
Die pre-graad R en graad R klassies het vandag Gydosig besoek om die koms van LENTE te vier met blomme en soet-bederfies! Dit was ‘n groot bederf vir oud & jonk! Baie dankie aan ons bokkies se ouers wat gehelp het om hierdie dag so spesiaal te maak.

02/09/2026

NETBAL
Baie dankie aan juffrou Lize, juffrou Ammie en juffrou Frieda wat vanmiddag hul netbalgradering afgehandel het. Te midde van die besige tyd waarin ons tans is, sien hul nogsteeds kans vir die ekstra myl.