Laerskool Nylstroom

03/09/2026

Baie sterkte aan ons O/13 A- en B-hokkiespanne wat deurgedring het na die streek-uitspele, wat vandag, 3 September 2026, by Jubaweni plaasvind! Ons hou styf duimvas en weet julle kan dit doen!

Baie sterkte ook aan ons O/10- en O/11-hokkiespanne wat uitstekend gevaar het in die vriendskaplike wedstryde en vandag deurgedring het na die vriendskaplike uitspele. Ons staan bankvas agter julle en wens julle alle sukses toe!

01/09/2026

🚴🏻‍♂️SKOLE FIETSRY-SERIE #4 🚴🏻‍♂️

Ons twee Nylies, Reykardt van der Merwe (Gr. 3) en Arlu Jacobs (Gr. 3), het op Saterdag 29 Augustus 2026 aan die vierde Skole Fietsry-geleentheid by Hoërskool Louis Trichardt deelgeneem.

Die twee fietsryers het in die Nipper-boys kategorie oor 'n afstand van 15km meegeding en uitstekend gevaar! Arlu eindig 5de en Reykardt was kort op sy hakke met 'n 7de plek! Baie geluk manne!

01/09/2026

🎾 TENNISNUUS 🎾

Op Maandag, 31 Augustus 2026 het ons Nylie-tennisspelers ligawedstryde teen Laerskool Ellisras gespeel op tuisbodem.

Die uitslae was as volg:

Dogters 1ste span:
Wen 37-4
Seuns 1ste span:
Wen 28-24

Dogters 2de span:
Wen 35-21
Seuns 2de span:
Verloor 26-32

Seuns 3de span:
Verloor 33-18
Ekstra span:
Verloor 18-12

Welgedaan Nylies! Julle laat ons harte vinniger klop! Sterkte vir die res van die seisoen.

31/08/2026

🎾 TENNISNUUS 🎾

Op 27 Augustus 2026 het ons Nylie-tennisspelers ligawedstryde teen Laerskool Warmbad gespeel op Bela-Bela.

Die uitslae was as volg:

Dogters 1ste span:
Wen 37-7
Seuns 1ste span:
Verloor 34-18

Dogters 2de span:
Wen 19-5
Seuns 2de span:
Wen 37-10

Seuns 3de span:
Wen 13-11

Baie geluk Nylies, ons is trots op julle!

31/08/2026

🏏 KRIEKETNUUS 🏏
Op Dinsdag, 25 Augustus 2026, het ons krieketseuns wedstryde gespeel teen Laerskool Warmbad. Hoewel die uitslae hierdie keer nie in ons guns was nie, is ons uiters trots op die veggees, toewyding en goeie sportmanskap wat ons spelers op die veld getoon het.

Laerskool Nylstroom se 0/10 span het eerste geboul en daarin geslaag om Laerskool Warmbad tot 151 lopies te beperk. Ons seuns het met groot vasberadenheid probeer om die teiken te jaag en het uiteindelik 103 lopies aangeteken. Die wedstryd is ongelukkig met 48 lopies verloor, maar ons spelers het tot die heel laaste bal voluit geveg.

By die 2de span het die
Nylies eerste gekolf en ’n stewige totaal van 139 lopies op die telbord geplaas. Laerskool Warmbad het egter uitstekend met die kolf gevaar en daarin geslaag om die wedstryd met 6 paaltjies te wen.

Op Donderdag 27 Augustus het die 1ste span asook die 0/11's ook teen Laerskool Wambad gespeel. Ons 0/11's verloor ongelukkig met 2 paaltjies.

Ons 1ste span het alles in die stryd gewerp en ongelukkig met 42 lopies verloor.

Ons is trots op die manier waarop ons seuns hulself verteenwoordig het en nooit moed opgegee het nie. Elke wedstryd bied waardevolle ervaring en geleenthede om te groei en te verbeter.

Baie dankie aan elke speler, afrigter en ondersteuner wat deel was van die dag en ons seuns langs die veld ondersteun het!

31/08/2026

28/08/2026

🏑HOKKIENUUS🏑
Die Nylies se laaste liga en vriendskaplike hokkiewedstryde van die seisoen is gespeel op Donderdag, 27 Augustus 2026, teen Laerskool Thabazimbi.

Soos altyd het die Nylies ons trots gemaak en gesorg vir groot opwinding!

Uitslae was as volg:
O/10 A: 4 - 2 gewen
O/10 B: 1 - 1 gelykop
O/11 A: 6 - 0 gewen
O/11 B: 2 - 0 gewen
O/13 B: 4 - 0 gewen
O/13 A: 0 - 0 gelykop

Laerskool Thabazimbi, dankie vir julle lekker gees en die pragtige hokkie!

28/08/2026

🏃🏼‍♂️LANDLOOPNUUS 🏃🏼‍♀️

Die Nylies het op Woensdag, 26 Augustus 2026, die landloopseisoen op ’n besondere wyse afgesluit tydens die laaste landloopliga van die jaar, wat by Trados Mookgopong aangebied is.

Ons is ongelooflik trots op elke Nylie-atleet wat gedurende die jaar deelgeneem het. Elke oefening, wedloop en uitdaging het bygedra tot jul groei en ontwikkeling. Julle harde werk en vasberadenheid maak ons trots!

Baie geluk aan ons podiumwenners:

🥈 2de plek
Rousselle van Dyk – O/13
Arno Muller – O/11

Die Nylie landloopmamma’s het ook gewys dat die Nylie-gees vir niemand terugstaan nie! Hulle het met groot entoesiasme aan die 1 km-pretdraf aan die einde van die dag deelgeneem. Dit was ’n wonderlike manier om die seisoen saam af te sluit!

’n Spesiale woord van dank aan ons toegewyde onderwysers/afrigters wat hierdie seisoen onverpoosd gemotiveer, afgerig en hard gewerk het. Julle toewyding en ondersteuning maak ’n besondere verskil in die lewens van ons jong atlete.

Ons Nylie-atlete waardeer julle!

-gees

25/08/2026

🏏KRIEKETNUUS🏏

Die O/10 krieketspan van Laerskool Nylstroom het op 24 Augustus 2026 kragte gemeet teen Laerskool Krugerpark.

Die Nylies het eerste geboul en daarin geslaag om Krugerpark tot ’n telling van 200 lopies in 25 beurte te beperk. Met die kolfbeurt kon Nylstroom egter slegs 126 lopies aanteken en het die wedstryd met 74 lopies verloor.

Ten spyte van die uitslag het die seuns hulle beste gegee en tot die laaste oomblik dapper geveg.