NHS - MET 'N PLAN VIR MôRE!
CONVERSE
Die perfekte liedjie om jou naweek af te skop! Sit die volume harder en geniet dit.
Dankie aan BMW Mbombela vir jul ondersteuning en borgskap.
bmw_mbombela
BEAUTIFUL THINGS
Mag vandag se liedjie ’n herinnering wees van al die mooi dinge wat ons het en moet koester.
Hierdie liedjie word met trots geborg deur BMW Mbombela.
bmw_mbombela
11/06/2026
MPUMALANGA BERGFIETS
Baie geluk aan Janko Pieters, Alyssa Reynolds, Janco van Staden en Adrian Venter wat gekies is om die Mpumalanga XCO-bergfietsspan te verteenwoordig. Baie sterkte, ons is trots op julle!
11/06/2026
BERGFIETSUITSLAE TWK #1 SKOLEREEKS
Ons bergfietsryers het die afgelope naweek aan die TWK #1 Skolereeks in Piet Retief deelgeneem. Hier is ons Top 10-uitslae:
o/14 Seuns
2de - Janko Pieterse
6de - Luca Basson
7de - Jan Daniel Willemse
o/15 Dogters
10de - Zelmarie Kotze
o/16 Dogters
3de - Jessica Bell
6de - Minè de Bruin
o/17 Seuns
2de - Adrian Venter
4de - Reuben Kinnear
o/17 Dogters
1ste - Jemma Barnard
o/18 Seuns
1ste - Janco van Staden
6de - Jan Daniel van Wyk
o/18 Dogters
4de - Jana Kotze
5de - Alyssa Reynolds
NHS beklee tans die 2de plek op die algehele punteleer van die reeks, met slegs ‘n paar punte wat ons van die voorlopers, Secunda, skei.
BLOU
Hier is ’n pragtige weergawe van een van die mooiste Afrikaanse liedjies, “Blou”.
Geborg deur BMW Mbombela. bmw_mbombela
10/06/2026
NELLIES PRAAT KOUE BLOEMFONTEIN VUURWARM
NHS se debatspanne het onlangs in ‘n yskoue Bloemfontein aan die semifinaal van die ATKV-Debatskompetisie deelgeneem. Spanne van Mpumalanga, Noord-Wes, Vrystaat en die Noord-Kaap het op Saterdag 30 Mei by die C&N Sekondêre Meisieskool Oranje mekaar die stryd aangesê oor die volgende twee onderwerpe:
Juniors:
Skoolkinders moet (nie) ‘n aktiewe rol in natuurbewaring speel (nie).
Seniors:
Suid-Afrikaanse universiteite moet (nie) studente hoofsaaklik vir ‘n professionele loopbaan voorberei (nie).
Die nasionale finaal vind op 3 Augustus by ATKV-Klein-Kariba plaas. Ons sien met groot verwagting uit na die bekendmaking van die spanne wat aan die finaal gaan deelneem en wens al ons NHS-debatspanne alle sterkte toe!
10/06/2026
OMGEE VIR ONS MEDEMENS
Toe oud-Nellie Anzel Roux ‘n behoefte in ons gemeenskap raakgesien het, het sy dadelik oorgegaan tot aksie. Met die ondersteuning van NHS-leerders is ‘n groot aantal komberse ingesamel om behoeftige mense in die dorp hierdie winter warm te hou.
Op Saterdag 6 Junie is die komberse uitgedeel, en die dankbaarheid waarmee dit ontvang is, was werklik hartroerend.
Baie dankie aan elke Nellie wat ‘n kombers geskenk het, asook aan Anzel en haar span helpers wat die behoefte raakgesien en ‘n daad van omgee in aksie omskep het.
Saam maak ons ‘n verskil.
09/06/2026
Met groot hartseer deel ons die nuus van die afsterwe van Christie Moolman, ’n leerder van Potchefstroom Gimnasium.
Ons innige meegevoel gaan aan haar familie, vriende en medeleerders. Ons bid dat julle in hierdie moeilike tyd vertroosting en vrede sal vind.