Mailakgang Primary School

Mailakgang Primary School Full Service School

27/02/2025

Madume batsadi.
Lo gakololwa gore kamoso(28.02.2025) ga se Jeans Day.
Go rulagantswe jaana:
1.Bana ba basetsana ba apara ditutu skirt ka di 07.03.2025, Labotlhano o o tlang.
2.Bana ba basimane ba apara marukgwe a makhutshwane a a mebalabala(colorful shorts)
NB:Mogokgo, SMT le barutabana ba itirela boikuelo mo batsading go netefatsa gore ngwana o tla sekolong le fa a sena Tutu skirt.
Ditlhatlhobo tsa kgweditharo ya ntlha di tsweletse.
Tirisanommogo ya lona ya ka gale e nesediwa p**a.

26/12/2024

Kitsiso ya tshoganyetso
Madume batsadi.
Ke ka kutlobotlhoko go lo itsise ka loso la ngwana WA rona, yo o neng a dira Grade 6 Mme a fetela Grade 7 e leng Realeboga Magomotso.
Re kopa ka boikokobetso go re batsadi ba re adime Bana ba Grade 5,6 le 7 ba ba leng teng MO g*e.
Ba tle kamoso(Labotlhano 27.12.2024) go tla go ithulaganyetsa go ya go boloka ngwana WA rona.
Tirisanommogo ya lona ya ka gale e nesediwa p**a.
Go tswa go mogokgo, barutabana le lekgotlataolo la sekolo.

11/03/2024

Madume batsadi.
Lo gakololwa gore ka moso(12.03.2024) ke ditlhopho tsa SGB ko sekolong.
Lo kopiwa go tla ka makatlanamane le tle le di ID.
Tirisano mmogo ya lona ya ka gale e nesediwa p**a.
Go tswa go botsamaisi jwa sekolo.

10/08/2022

Batsadi
Go batsadi ba ba nang le barutwana ba ba dirang Grade R, lo gakololwa ka kopano e e rulaganyeditsweng go tshwarwa kamoso.
Labone(11.08.2022)
Nako : Ura ya bobedi
Ela tlhoko : Motsadi o kopiwa ka boikokobetso go iponatsa mo kopanong e, ka e le ya dithulaganyo tsa bana.
Tirisano mmogo ya lona ya ka gale e nesediwa p**a.

26/07/2022

Madume batsadi.
Maitshwarelo ka go romela molaetsa thari jaana.
Batsadi ba itsisiwe gore kopano ya batsadi ba Grade 7, e e neng e rulagantswe go nna teng kamoso e buseditswe morago.
Letlha la kopano le tla itsisiwe mo bogaufing.
Mogokgo o kopa tshwarelo ka seo.
Tirisano mmogo ya lona ya ka gale e nesediwa p**a.

21/07/2022

Madume batsadi.
Batsadi lo gakololwa gore kamoso ke Jean's Day.
Batsadi ba kopiwa go neela bana madi a a kana ka R2.00 e ba tla e ntshang ko sekolong.
Tirisano mmogo ya lona ya ka gale e nesediwa p**a.

12/07/2022

Kitsiso ya letsema
Madume batsadi.
Lenaneo la letsema le eme jaana:
Mafelo a a solofetsweng go tla go phepafatsa ke a a latelang:
1.Dihekeng
2.Monoto mosetlha
3.Matshelapad
4.Lopapeng
Motsadi yo mongwe ke yo mongwe wa mafelo a a umakilweng fa godimo fa, o solofetswe go tla go phepafatsa sekolo ka re dumela mo bophepeng.
NB:Ngwana sejo wa tlhakanelwa
A re tleng ka makatlanamane go tla go direla bana ba rona .
Go tswa go mogokgo le SGB
Letlha :15.07.2022(Labotlhano)

23/06/2022

KITSISO YA BOTLHOKWA
Batsadi ba kopiwa go itlhagisa mo sekolong kamoso go tla go dira tse di latelang:
1.Go saenela direpoto tsa bana
2.Go tla go tseela barutwana diworkbook tsa term 3&4
Letlha: 24.06.2022
Nako : Go simolola ka ura ya 10 go fitlha ka ura ya lesomepedi(12H00)
NB: Bana ba tla tla le makwalo.
Ga re tle go ntsha direpoto fa dikolo di bulwa.
Tirisano mmogo ya lona ya ka gale e nesediwa p**a.
Weno
Mogokgo

20/06/2022

Madume batsadi.
Mogokgo, batlatsa mogokgo le barutabana ba leboga batsadi ba ba rweleng maikarabelo le go bona BOTLHOKWA jwa go romela bana sekolong gompieno.
Motsadi o kopiwa go dira fela jalo go fitlha ka di 24.06.2022 fa dikolo di tswalwa, go ya malatsing a boikhutso.
NB:Motsadi yo o neng a lofisitse ngwana wa gagwe re kopa o itharabologelwe, o romele ngwana sekolong kamoso.Dikolo ga di ise di tswalelwe.
Tirisano mmogo ya lona ya ka gale e nesediwa p**a.

16/06/2022

Madume batsadi.
Batsadi lo itsisiwe gore kamoso bana ga ba ye sekolong, lefapha le dirile letsatsi la kamoso special school holiday.
NB: Dikolo di a go tswalwa ka di 24.06.2022, ka jalo bana botlhe ba solofetswe go tla sekolong go fitlha dikolo di tswalwa.
Motsadi yo mongwe le yo mongwe o kopiwa go rwala maikarabelo go bona gore ngwana wa gagwe o iponatsa beke yotlhe kwa sekolong.
Ka kopo.
Molaetsa o tswa go:
Mogokgo le Barutabana.

14/06/2022

Madume batsadi.
Batsadi ba kopiwa gore ba seka ba lofisa bana kamoso ka ntlha ya fa bana ba ise ba fetse go kwala ditlhatlhobo.
Re ka lebogela tirisano mmogo ya lona ya ka gale.
Go tswa go barutabana.

07/06/2022

Madume batsadi
Batsadi ba bana ba Grade 4 to 7,le bone ba laladiwa mo tirong ya kamoso kwa sekolong.
Lo kopiwa go tla go itseela ka tsebe mo puong ya BOTLHOKWA go tswa mo sepodiseng le Social Worker.
Batsadi ba kopiwa go re ka 1H30 ba bo ba setse ba tshotse manno.
NB: Ngwana SEJO wa tlhakanelwa.
Weno
Mme E.M.Badimo

Address

Mmasutlhe
Mafikeng

Opening Hours

Monday 07:30 - 14:30
Tuesday 07:30 - 14:30
Wednesday 07:30 - 14:30
Thursday 07:30 - 14:30
Friday 07:30 - 14:30

Telephone

+27183585002

Website

Alerts

Be the first to know and let us send you an email when Mailakgang Primary School posts news and promotions. Your email address will not be used for any other purpose, and you can unsubscribe at any time.

Contact The School

Send a message to Mailakgang Primary School:

Shortcuts

Share

Category