Sonstraaltjie Stimulasie Sentrum - Kroonstad

Vandag bied Playball hul laaste les by Sonstraaltjie aan. Ons bedank hulle vir hul betrokkenheid en wens hulle alle voorspoed toe vir die toekoms.

Ons is terselfdetyd opgewonde om ’n nuwe hoofstuk aan te kondig!🐰

Vanaf volgende week word Hop&Skop elke Maandag en Woensdag by Sonstraaltjie aangebied. Hierdie program is in samewerking met arbeidsterapeute ontwikkel om die groot- en fynmotoriese ontwikkeling van kinders vanaf 3 maande tot 5 jaar op ’n gestruktureerde, ouderdomsgepaste en prettige manier te bevorder.

Ons sien daarna uit om hierdie nuwe program deur ons Sonstraaltjie-span aan te bied en saam met ons maatjies nog baie ontwikkelingsmylpale te bereik.

Ons hop na ’n opwindende nuwe hoofstuk!⭐️

☀️Ontmoet vir juffrou Elizabeth Venter!☀️

🗓️Verjaarsdag:
26 Desember

✨Lewensmoto:
Waardeer wat jy het terwyl jy werk vir wat jy wil hê.

⛪️Gunsteling Bybelkarakter:
David is my gunsteling Bybelkarakter omdat hy gewys het dat jou grootte of ouderdom nie bepaal waartoe jy in staat is nie. Met geloof in God het hy dinge bereik wat baie mense as onmoontlik beskou het.

🌍As ek een ding in die wêreld kon verander:
Ek sou meer vriendelikheid en empatie in die wêreld wou sien. Ek glo baie probleme kan voorkom word as mense mekaar met meer respek en begrip behandel.

😁Wat my die gelukkigste maak:
Om tyd saam met my familie te spandeer.

⚖️Wat my die kwaadste maak:
Onregverdigheid frustreer my, veral wanneer mense nie ’n gelyke of eerlike kans kry nie.

🦅As ek ‘n dier kon wees:
Sou ek ‘n arend wou wees, sodat ek hoog bo die ander diere kon sweef en nie die bekommernis te hê om ń ander se prooi te wees nie.

💛Gunsteling kleur:
Pastel geel

🌺Gunsteling blom:
’n Lelie

🏑Gunsteling sport:
Hokkie

📚In my vryetyd geniet ek dit om:
Om saam met my hond te gaan stap

🥘Gunsteling kos:
Potjiekos

🥤Gunsteling drankie:
‘n Sjokolade melkskommel

Uit elke 100 Suid-Afrikaners wat mag stem, is ongeveer 70 geregistreer. Uit daardie 100 het net ongeveer 41 uiteindelik gestem - 2024 se Verkiesing Statistiek‼️

Bou aan ‘n beter toekoms vir jou kind - REGISTREER VANDAG!!

By Sonstraaltjie glo ons dat klein besluite ’n groot verskil maak.

Daarom bied ons aan ouers ’n spesiale geleentheid om afslag op Julie se skoolfonds te ontvang:

🗳️ 1 geregistreerde ouer = 5% afslag
🗳️🗳️ Beide ouers geregistreer = 10% afslag

Om te kwalifiseer moet ouers môre ’n geldige bewys van kiesersregistrasie by die skool toon of dit aan ons stuur.

Hierdie is nie net ’n geleentheid om te spaar nie, maar ook om ’n voorbeeld vir ons kinders te stel van verantwoordelike burgerskap.

“Hoe verander mens ’n land? Deur te stem.”
“Klein besluite maak ’n groot verskil.”

Ons is sprankelend en sterk!☀️

Slegs geldig vir Sonstraaltjie ouers.

🎣Dis Vadersdag!🎣

Ons klein maatjies het hul handjies omskep in spesiale vissies om vir hul pappas te sê:

🐟“Ek het die beste pappa gevang!”🐟

Dankie aan al die wonderlike pappas wat elke dag liefde, leiding, beskerming en baie opwinding in hul kinders se lewens bring.

Ons wens elke pappa ’n baie geseënde en gelukkige Vadersdag toe. Mag julle dag gevul wees met liefde, geluk en kosbare oomblikke saam met julle gesinne.

🎣🐟🩵

Ons vier ‘n 2de Verjaardag!🩵

Van jou glimlaggies en laggies tot jou klein persoonlikheid wat elke dag groter word – jy bring soveel vreugde na ons skooltjie.

Liewe verjaarsdagseuntjie, mag jou hartjie altyd vol geluk wees, jou dae gevul wees met pret en avontuur en mag jy altyd weet hoe geliefd jy is.

Baie geluk met jou 2de verjaarsdag! Ons hoop jou dag is net so spesiaal soos jy.🧁

Baie geluk, juffrou Megan met jou verlowing!💍

Mag hierdie nuwe hoofstuk van julle lewe gevul wees met liefde, vreugde, geluk en talle kosbare herinneringe.
Mag julle verhouding elke dag sterker word en mag julle saam ’n lewe bou wat oorloop van seëninge.

Ons wens julle net die mooiste toe vir die pad vorentoe en bid dat God julle ryklik sal seën in hierdie opwindende tyd.

Baie geluk aan die toekomstige bruid en bruidegom!💛

💤 Pajamadag by Sonstraaltjie!🛏️

Wat ’n heerlike, gesellige dag vol laggies & lekkerte! Ons maatjies het vandag hul mooiste pajamas aangetrek en saam ’n spesiale dag geniet!

Ons het lekker storietyd gehad met Winnie the Pooh, warm sjokolade gesip, springmielies geknibbel en sommer lekker saam ontspan.🍿☕🐻

Winnie the Pooh het ons ook iets besonders geleer - die waarde van goeie maniere, om vriendelik te wees en hoe kosbaar ware vriendskap is.

By Sonstraaltjie glo ons klein oomblikke maak groot herinneringe. Dankie vir nóg ’n dag vol pret, leer en liefde!💛

Vir ewig geliefd, vir altyd gemis.🕊️

Hou asseblief die familie in julle gedagtes en gebede gedurende hierdie hartseer tyd.
Mag haar sagte siel in vrede rus en haar herinnering vir altyd in ons harte voortleef.💛