Komatipoort Akademie

06/09/2026

Op 4 September het Komatipoort Akademie se Laerskool-leerders die lente behoorlik ingelui met ons jaarlikse Pretloop!

Ons Graad 1 tot 6-leerders het elkeen volgens ’n tema aangetrek en gewys hoe kreatief hulle kan wees! Elke graad het hul kreet met trots en entoesiasme gelewer voordat hulle die pad aangedurf het vir die 5 km Pretloop deur die dorp.

Dit was ’n oggend vol kleur, lag, gees en spanbou – ’n heerlike manier om die nuwe seisoen saam te vier!

’n Spesiale dankie aan ons Grondslagfase-personeel wat hierdie jaar se Pretloop met soveel moeite en entoesiasme gereël het. Julle harde werk word opreg waardeer!

’n Groot DANKIE aan Securicon Lowveld vir julle begeleiding en ondersteuning om seker te maak dat ons kinders veilig kon deelneem. Julle hulp beteken baie!

Komatipoort Akademie – waar elke dag ’n geleentheid is om saam te groei, saam te lag en saam herinneringe te maak!

30/08/2026

Veels geluk met jou verjaarsdag, liewe Roelien!
Mag jou verjaarsdag net so spesiaal wees soos die warmte wat jy elke dag kantoor toe bring.

Dankie vir jou geduld met al die afrolwerk, die finansies, die masjiene (en personeel!) se nukke en als tussenin! Dankie dat jy selfs die papierwerk ophelder met daardie kenmerkende klein blommetjie wat jy altyd byteken wanneer ons iets kom haal. Dis juis daardie klein, spesiale gebare wat jou so onmisbaar maak in die kantoor.

Geniet jou verjaarsdag terdeë, mag jy uit jou skoene bederf word!
Jy is baie geliefd!

Liefde
KA🎁🎈🎉

25/08/2026

Saterdag 22 Augustus was ons jaarlikse Mini- en Mid-hokkie Feesdag – ’n heerlike dag vol hokkie, sportmangees, vriendskap en baie pret!

’n Groot dankie aan al die skole wat die dag saam met ons gedeel het:

🏑 Laerskool Laeveld
🏑 Laerskool Barberton Primary School
🏑 Laerskool Witrivier White River Primary School
🏑 Numbi Laerskool Hazyview
🏑 Laerskool Malelane
🏑 Erika Van Aarde-Badenhorst 🏑 Riverview Preparatory School

Dankie aan elke ouer, ondersteuner en toeskouer wat langs die veld gestaan het, ons spelers aangemoedig het en bygedra het tot die wonderlike atmosfeer. Julle ondersteuning beteken baie!

Ons wil ook ons opregte dank en waardering uitspreek teenoor ons borge wat gehelp het om hierdie dag moontlik te maak:

⭐ Spar Savemore Marloth Park
⭐ Securicon Lowveld – vir sekuriteit en noodhulp
⭐ Komatipoort Super Spar
⭐ Oasis Water-Komatipoort
⭐ The Local Choice Pharmacy Komati
⭐ Komati Fruits MALELANE, Mpumalanga
⭐ Lebombo Butchery
⭐ MP Stretch Tents

Sonder julle ondersteuning sou hierdie dag nie moontlik gewees het nie. Baie dankie dat julle in ons kinders en ons skool belê!

’n Spesiale dankie aan juffrou Ina en die Grondslagfase-personeel en juffrou Nadia, ons sportkoördineerder, vir al die harde werk, beplanning en moeite om van die Feesdag ’n groot sukses te maak. Julle het ongelooflik baie gedoen!

Dankie Miranda Wolfaardt, Beatrice du Plessis en elke ouer wat hand bygesit het om te help.
Julle dra by tot die trots van ons skool!

Komatipoort Akademie is trots op elke speler wat gespeel het, elke afrigter en hulp-afrigter wat afgerig het en elke ondersteuner wat ons span ondersteun het!

Tot volgende jaar!

24/08/2026

😴🛏️ Wie het gesê jy kan nie in jou pajamas skool toe kom nie?

21 Augustus 2026 se Pajamadag was ’n groot treffer! Die gange was vol kleurvolle pajamas, sagte pantoffels en baie glimlagte. Sommige leerders het só gemaklik gelyk dat ons gewonder het of hulle dalk hul kussings ook saamgebring het!

Die koekverkoping was net so suksesvol, met lekkernye wat vinnig verdwyn het. Dit blyk dat leerlinge in pajamas ekstra honger is!

Dankie aan elke leerder, ouer en personeellid wat die dag ondersteun het. Julle het gehelp om van ’n gewone skooldag iets besonders te vaak, ag - maak!😄

💤 Gelukkig het almal wakker gebly vir die lesse… of ten minste die meeste van hulle!

24/08/2026

MATRIEKAFSKEID 2026 | SHAWU BOMA

’n Aand van elegansie, g***s en onvergeetlike herinneringe!

Ons Matriekafskeid van 2026 by Shawu Boma was ’n besondere viering van ’n groep jongmense wat aan die einde van hul skoolloopbaan staan – stylvol, trots en gereed vir die wêreld wat voorlê.

Van die pragtige dekor en elegante tafeldekking tot die asemrowende rokke, netjiese pakke en stralende glimlagte – elke detail het bygedra tot ’n aand om te onthou.

Aan ons Matrieks:
Mag hierdie aand altyd ’n spesiale plek in julle harte hê. Mag julle met dieselfde selfvertroue waarmee julle hierdie rooi tapyt betree het, die toekoms tegemoet stap. Droom groot, glo in julleself en onthou altyd waar julle begin het.

Shawu Boma
Matriekafskeid 2026
Een aand. Een groep. ’n Duisend herinneringe.

24/08/2026

24/08/2026