Solidariteit Helpende Hand Ons Plek Kleinfontein

25/08/2026

Positiewe woorde maak ’n groot verskil!

Die woorde wat ons vir onsself en vir mekaar gebruik, het krag. ’n Eenvoudige “Ek glo in jou”, “Jy kan dit doen!” of “Ek is lief vir jou” kan ’n kind se dag – en selfs sy of haar siening van hulself – verander.

By Ons Plek wil ons kinders leer dat dit goed is om foute te maak, dat hulle mag probeer, dat hulle waardevol is en dat hulle nie met ander hoef te vergelyk nie.

Kom ons kies vandag om woorde te gebruik wat bemoedig, opbou, vergewe en hoop gee.

Want positiewe dinge maak ’n verskil!

15/08/2026

15/08/2026

Eindig Vrouemaand op 'n hoë noot af! Ons Plek Kleinfontein nooi dames uit om deel te wees van ons Damesoggend ter viering van Vrouwees! Trek' n titseltjie pienk aan en geniet die oggend saam met ons. Wat kan jy verwag? Gasspreker Rida Viljoen deel haar storie van hoop met ons, 'n ligte ete word bedien en daar is pryse om te wen! Bespreek gou by Carlene du Toit op 0832734685! Meer inligting oor Rida https://share.google/RaC85z9GqYn7zEDh7.

11/08/2026

Baie geluk met jou verjaarsdag liewe Hannes! Mag jy 'n geseënde jaar hê! Beste wense van Ons Plek Kleinfontein personeel, Ouers en Kinders!

Gelukkige verjaarsdag aan Hannes Noeth die Uitvoerende Hoof van Solidariteit Helpende Hand.

Vandag vier ons nie net jou verjaarsdag nie — ons vier jou lewe, jou roeping en die besondere impak wat jy op mense en gemeenskappe het.

Dankie vir jou raakvat-woorde, jou vermoë om mense te bereik waar hulle is en jou hart vir dié wat in nood is. Dankie dat jy nie net leiding gee nie, maar voor stap — met visie, moed en oortuiging.

Dankie vir jou wysheid, jou insig en die perspektief wat jy bring wanneer dinge soms groot en uitdagend voel. Ons waardeer jou sin vir humor wat selfs die ernstigste oomblikke ’n bietjie ligter kan maak.

Jy is iemand wat lief is vir die Here, lief is vir jou gesin, lief is vir mense en lief is vir jou werk. Dit is juis daardie passie wat jou leierskap so besonders maak.

Mag die nuwe lewensjaar vir jou gevul wees met God se seën, groot sukses, mooi hoogtepunte, nuwe drome en diep vrede. Mag jy steeds die voorreg hê om mense se lewens aan te raak en gemeenskappe te help bou waar hoop, waardigheid en geleenthede floreer.

Geluk met jou verjaarsdag, Hannes!
Mag jy vandag weet hoeveel mense jou waardeer en dankbaar is vir die verskil wat jy maak.

09/08/2026

Gelukkige Vrouedag!
Ons dra die pragtige gedig, deur Hilde Kruger, op aan elkeen van julle.

09/08/2026

Baie dankie KragDag vir die geleentheid om hierdie jaar weer deel te wees van 'n fantastiese initiatief.

09/08/2026

Ons Plek Kleinfontein Naskoolsentrum leerder, Jan-Arend Pretorius, het 'n indrukwekkende stalletjie bymekaar gesit vir KragDag! Hierdie innoverende jong seun is die stigter van Jan-Arend se Pret Ontploffing! Solidariteit Helpende Hand Ons Plek Kleinfontein is trots op jou Jan-Arend! As jong besigheidsman het jy jou goed van jou taak gekwyt. Jou stalletjie was lekker besig, kleurvol en natuurlik was die lekkergoedhuisie 'n groot trekpleister vir kliënte!

08/08/2026

Ons eie Ons Plek Kleinfonteinertjie Xian van Staden neem ook die kans om te wen!