Helpmekaar Kollege

Welkom by HELPMEKAAR

17/06/2026

𝙑𝙄𝙀𝙍 𝙃𝙀𝙇𝙋𝙈𝙀𝙆𝘼𝘼𝙍-𝙉𝙀𝙏𝘽𝘼𝙇𝙎𝙋𝘼𝙉𝙉𝙀 𝙊𝙋 𝙋𝘼𝘿 𝙉𝘼 𝙎𝘼’𝙨!

Helpie-netbal is aan die brand! Ons is ongelooflik trots op vier van ons netbalspanne wat hulle plekke vir die SA’s bespreek het.

Die Eerstes, o.17, o.16 en o.14 is amptelik op pad om Helpmekaar op nasionale vlak te verteenwoordig — ’n prestasie wat spreek van harde werk, karakter, spanwerk en pure Helpie-gees.

Nou is alle oë op ons o.15-span, wat die komende naweek sal meeding om te sien of hulle tasse ook solank gepak kan word. Ons staan bankvas agter julle!

Baie geluk aan elke speler, afrigter en ondersteuner wat deel is van hierdie besondere seisoen.

Komaan, Helpies — SA’s wag! 🏐

SAAMstaan, SAAMsterk, altyd SAAM Helpies.

14/06/2026

GAUTENG-KAMPIOENE! 🏆

Ons eerste netbalspan het vandag as wenners uit die stryd getree en is amptelik nommer 1 in Gauteng!

Die span het eers in die semi-finaal vir Affies geklop en daarna in die finaal met groot vasberadenheid teen Monnas gewen.

Wat ’n ongelooflike prestasie deur ’n span wat met fokus, karakter en Helpie-hart gespeel het.

Baie geluk aan elke speler, afrigter en ondersteuner. Julle maak Helpmekaar baie trots.

KOMAAN, HELPIES!

11/06/2026

Hartklop op die Bult (Helpmekaar Kollege) is nie sommer net nóg ’n fees nie — dit is ’n dag vol musiek, kuier, gees en onvergeetlike oomblikke vir almal!

Op 12 September 2026 kom Brendan Peyper, Loufi, Barto, Spoegwolf en Van Pletzen saam op een verhoog, met die Bokke vs All Blacks later die aand op die groot skerm.

Bring jou vriende, jou familie, jou groen-en-goud gees en kom pak die Bult vol vir ’n kuier waaroor almal nog lank gaan praat.

Kaartjies gaan vinnig — moenie wag tot dit te laat is nie. Kry jou kaartjies nou en wees deel van Hartklop op die Bult!

Koop jou kaartjies hier: https://computicket.com/event/hartklop-op-die-bult/0468e793-1f4f-4a54-8f65-74fd2ee936ea