Hopefield Primêr

31/08/2026

Tickets available at the school

13/08/2026

Baie geluk Judd Jansen (0/12) met jou insluiting in die Wesboland rugbyspan. Hy neem op 21 en 22 Augustus 2026 deel aan die Boland proewe. Sterkte Judd. Gaan maak Hopefield trots.

06/08/2026

Gr. 1 (B) het vandag nader met troeteldiere kennis gemaak. Kalfie, hoender en skilpad. Hulle was Baie opgewonde.

03/08/2026

Anoniem

'n Ope Brief aan Alle Ma's

Liewe Ma,
Voordat jy die skool se deure instorm en die onderwyser die skuld gee, vra jouself eers een eerlike vraag: Het ek al werklik na albei kante van die storie geluister?
Jy sê jou kind is onskuldig. Jy glo die onderwysers is die probleem. Maar het jy al ooit 'n dag by die skool deurgebring om te sien waardeur hulle daagliks gaan? Het jy al in die klas gesit, gesien hoe hulle probeer om elke kind gelyk te behandel, terwyl hulle ook dissipline moet handhaaf en elke leerling 'n kans moet gee om te leer?
Dit is maklik om te sê: "Hulle ken my nie. Ek sal hulle wys wie ek is." Maar woede los selde probleme op. Respek en gesprek doen.
Baie ouers woon nooit ouervergaderings by nie. Hulle hoor nooit wat hul "engeltjie" by die skool aanvang nie. Tog is hulle eerste om die onderwyser te beskuldig wanneer hul kind aanspreeklik gehou word.
'n Onderwyser is daar om jou kind kennis te leer. Die eerste lesse in respek, goeie maniere, verantwoordelikheid en selfdissipline begin by die huis. Dit is 'n ouer se grootste verantwoordelikheid.
Wanneer jy jou kind elke keer verdedig, al is hy of sy verkeerd, leer jy hulle dat daar geen gevolge vir verkeerde optrede is nie. Só word respek stadig afgebreek – nie net vir onderwysers nie, maar ook vir ander mense.
Vra jouself eerlik af: Watter voorbeeld stel ek vir my kind? Wat leer ek hom of haar wanneer ek die onderwyser verneder in plaas daarvan om saam met die skool 'n oplossing te soek?
Onderwysers is nie jou vyande nie. Hulle staan elke dag voor 'n klas met die hoop om kinders te help bou aan 'n beter toekoms. Hulle verdien dieselfde respek wat ons van ons kinders verwag om te wys.
Kom ons hou op om net skuldiges te soek. Kom ons begin saamwerk. Want wanneer ouers en onderwysers hande vat, wen elke kind.
Onthou: die karakter wat 'n kind vandag wys, is dikwels die spieëlbeeld van dit wat hy of sy by die huis leer. Kom ons gee ons kinders nie net opvoeding nie, maar ook waardes wat hulle met trots deur die lewe sal dra.

Die post is veralgemeen en is op Niemand gemik nie neem net wat jy nodig het

30/07/2026

Ons gr. 6 en 7 het elkeen 'n toiletware sakkie van Tronox , verteenwoordig deur mnr J.Huister en me. Sinclair, ontvang. Dit is hul uitreiking na die gemeenskap vir Mandela dag war 18 Julie geviwr was.
Groot dank en waardering.

Huge appreciation goes to Tronox for providing each Grade 6 and 7 learner with a toiletry bag in celebration of their 67 minutes of Madiba goodwill.

29/07/2026

Hopefield Primer is trots.
Die volgende onder 12 rugbyspelers is gekies om vandag aan die Weskusproewe te gaan deelneem.
Danilo Karelse, Rosco Malgas en Judd Jansen.
Baie geluk aan hulle en hul ouers met hul kinders se prestasies.
Gaan en maak ons trots seuns.

20/07/2026

Die skoolhekke maak weer oop. ❤️

Kwartaal 3 is hier.

Vir party kinders beteken dit nuwe geleenthede.
Vir ander beteken dit weer toetse, take en vroeg opstaan. Vir die matrieks 'n laaste bietjie!
Onthou...
'n Kind hoef nie perfek te wees om te groei nie.

Hierdie kwartaal:
🌱 Moedig meer aan as wat jy kritiseer.
🌱 Vier die klein oorwinnings.
🌱 Gee drukkies voordat jy vra oor punte.
🌱 Herinner jou kind elke dag dat hulle waarde nie in 'n rapport lê nie.

En hoe besonders is dit.....dat ons hierdie jaar vir die eerste keer 'n twee weke September -vakansie gaan hê!😎

Dis iets om na uit te sien. 'n Rustyd in die middel van 'n besige jaar. Nog 'n herinnering dat rus net so belangrik soos hard werk is.

Mag Kwartaal 3 gevul wees met moed wanneer dinge moeilik raak, wysheid wanneer besluite geneem moet word, en genade vir onsself én vir ons kinders.

Jy hoef nie vandag die hele kwartaal te oorleef nie...
Net vandag. Dag vir dag. Een tree op 'n slag.

En môre sal God weer genoeg genade gee vir môre. 🤍

Sterkte aan elke kind, ouer en onderwyser. Julle maak 'n verskil – al voel dit nie elke dag so nie.

The best is yet to come!

17/07/2026

29/06/2026

Attention

19/06/2026

Mnr & Mej Hopefield Primêr 2026 - Aand