16/05/2023
Ek het gister vasgesit met my een dogter.
Ek voel sy moes al geleer het wat ek nou weer moes herhaal. Ek laat haar baie sleg voel soos ek met haar raas.
Ek besef toe later dat ek ge'trigger' word as ek self sleg voel dat sy nog nie iets weet nie. Dis my skuld! Sy moes dit al ken! So, ek haal my swak gevoel uit op haar.
Ek vertel my man later die aand daarvan. Ek sê vir hom dat ek wel reggemaak het met haar en als is weer fine.
Toe sê hy: Julle verhouding is meer belangrik as wat jy haar wil leer. SY is meer belangrik as dit wat sy moet weet.
En dit weergalm in my hart vandag. Moet nooit akademie voor jou kind plaas nie. Hulle menswees moet altyd meer belangrik wees as die les.
