Uncle Ben's Den

08/06/2016

Die begrafnisdiens van Ben de Lange vind plaas op Vrydag10 Junie 2016 om 10h00 uit Uncle Ben's De se kapel, 395 Friedastr, Hermanstad. Die ter aarde bestelling sal plaasvid in Zandfontein begraafplaas.

06/06/2016

Oom BEN is gister aand 5 Junie om 6 uur oorlede. Hy het rustig heen gegaan en sal baie gemis word. Begraafnis reelings is tentatief vir Vrydag ,maar sal bevestig met tyd en plek sodra dit finaal vas gemaak is. Indien nodig kan RONEL gekontak word op 079 885 0695

28/02/2016

'n Bief van SUPERMARK aan Mev. Van der Merwe

Geagte mevrou van der Merwe,

Ons winkel is van plan om u gesin uit ons winkel(s) te verban, tensy u man nie met sy streke ophou nie. Onderaan vind asseblief 'n lys van alles wat hy aangevang het. Ons kameras het hulle oor die laaste maande geverifieër.

MEMO (Van Sekuriteitsafdeling)

Junie 15, 2012: Hy het 24 boksies kondome gevat en hulle in ander kliënte se mandjies gegooi terwyl hulle nie kyk nie.

Julie 2, 2012: Al die wekkers in die 'Housewares' afdeling ingestel om met 5 minute tussenposes af te gaan.

Julie 7, 2012: Het 'n tamatiesous spoor op die vloer gelos tot by die tampon rakke.

Julie 19, 2012: Na 'n werknemer in die Kombuis seksie gestap en vir haar in 'n amptelike stem gesê: "Kode 3"...en toe gewag om te sien wat gaan gebeur.

Augustus 4, 2012: Het na die Dienstoonbank geloop en gevra of hy 'n pakkie smarties op lay-buy kan sit.

September 14, 2012: Het die "Caution - Wet Floor" bordjie na die matte afdeling geneem.

September 15, 2012: Het 'n tent in die Kampafdeling opgerig en vir kliënte uitgenooi om in te kom as hulle kussing van die Beddegoed Afdeling sal saambring.

Oktober 4, 2012: Het reguit in die sekuriteitskamera gekyk asof dit 'n spieël is, in sy neus gekrap, en dit toe geëet.

November 10, 2012: Terwyl hy gewere in die jagafdeling gehanteer het, assistente gevra het of die anti-depressante pille afdeling naby is.

Desember 3, 2012: Pyl orals in die windel rond op 'n baie verdagte manier, terwyl hy hardop die tema liedjie van "Mission Impossible" neurie.

Desember 6, 2012: in die Auto departement het hy sy "Madonna Look" geoefen deur verskeie groottes tregters te gebruik.

Desember 18, 2012: Het homself in die klererak weggesteek en dan, terwyl kliënte kyk, uitroep "Pick me, Pick me!!!"

Desember 21, 2012: Toe 'n aankondiging oor die luidspreker kom, het hy in die foetale posise gaan lê en skree: "NEE! NEE! Dis weer daai stemme!"

Desember 24, 2012: Hy het in 'n klere aanpaskamer gegaan, die deur gesluit, 'n tyd lank gewag en toe baie hardop uitgeroep: "Daar's nie toiletpapier hier nie!!!!!!"

28/02/2016

KOM ONS LAG SO BIETJIE

Dit is die Engelse juffrou se eerste oggend in die klas op Porterville en sy sê: "Good morning class!" Net een outjie spring op en sê: "Good morning miss". Juffrou vra hom toe hoekom dan net hy geantwoord het. Sê hy: "Because I is the only one whose name are Klaas miss".

28/02/2016

Met 6.3 miljoen mense wat met hoë bloeddruk saamleef, het Suid-Afrika een van die hoogste hipertensiekoerse wêreldwyd. Die vraag is: is jy een van hulle?

28/02/2016

Vergewe jouself

Die bagasie van skuldgevoelens gaan nie altyd oor groot onregte nie, maar soms oor klein dinge wat seermaak

Raak ontslae van skuldgevoelens

Skuldgevoelens is intense, negatiewe emosies wat jou depressief kan laat voel en jou verhoudings met mense benadeel. Jy kan vir altyd daarvan ontslae raak.

Soms doen 'n mens werklik iets ysliks verkeerd en behoort groot skuldgevoelens aan jou te knaag tot jy die saak regstel. En soms het jy skuldgevoelens oor iets onbeduidends.

Of jy nou met of sonder rede skuldig voel, dis dalk tyd om van dié afbrekende gevoelens ontslae te raak. Hier is enkele riglyne wat jou kan help om skuldgevoelens af te skud.

Sit jou skuldgevoel in woorde om

Verduidelik vir jouself, jou terapeut of iemand wat jy vertrou, presies waaroor jy skuldig voel. Omdat skuld gewoonlik iets is waaroor ons skaam kry, is ons geneig om dit nie met ander te deel nie. So kan dit maklik sneeubal tot ’n oorweldigende ervaring en selfs ’n groot geheim word. Sodra jy die geheim met iemand gedeel het, kan dit makliker hanteer word.

Vra jou af hoekom jy deur die spesifieke ervaring van skuld vasgevang is.

Voel jy werklik skuldig oor dit wat jy gesê of gedoen het, of manipuleer iemand jou? Is die een teenoor wie jy skuldig voel, dalk iemand wat in ’n stadium baie goed was vir jou, teenoor wie jy nie ’n negatiewe standpunt "mag" inneem nie? Hou jou skuldgevoel verband met iets in jou verlede?

Soms is dit nodig om self of saam met ’n professionele persoon te delf in die oorsprong van ons skuldervarings. Dan word patrone duidelik.

Ontleed jou skuldgevoel

Dit is belangrik om te besef dat, hoewel ons emosies waar en eg is, dit nie noodwendig op logiese, rasionele feite gegrond is nie. Juis emosies wat uit irrasionele denke spruit, word intens negatief ervaar. Vra jouself dus ’n paar vrae, soos: Is dit wat ek d**k wel die waarheid? Kan ander mense bevestig dat dit rasionale feite is?

Vergelyk byvoorbeeld dié redenasie: "Ek is ’n slegte dogter vir my ma, ek sal haar nooit tevrede stel nie!" met die volgende: "Ek probeer goed wees vir my ma, maar ons verskil baie en sy sal dus soms teleurgesteld wees oor my besluite.”

’n Mens sê soms: “Dit is die verskriklikste ding wat ek kon gedoen het!” Maar is dit regtig so verskriklik, of net ongewens?

Vind vergifnis

Jy kan jou skuld op verskeie maniere konfronteer, maar verkieslik nie deur dit te ignoreer nie. Die konfrontasieproses gaan omtrent altyd daarmee gepaard dat jy jouself vergewe. Dis nodig om aan jouself te erken dat dit menslik is om foute te maak en dat jy nie altyd die slagoffer van 'n fout hoef te bly nie. Die samelewing plaas ’n hoë premie op straf, daarom d**k ons dikwels verkeerdelik dat ons onsself op die een of ander wyse moet straf om vergifnis te ervaar.

Soms, as jy wil, kan dit jou help om te praat met die persoon teenoor wie jy skuldig voel sodat julle jul verhouding kan herstel. As die situasie te bedreigend is, kan jy 'n fasiliteerder gebruik om die spanning te ontlont en die gesprek te lei.

Ons mag oor ons skuld huil, praat en d**k – en dan mag ons die emosionele bagasie aflaai met die besluit om dit nooit weer op te tel nie!

Deur dr. Magdel Alberts, kliniese sielkundige

28/02/2016

Ons moet dankbaar wees, want God is waardig van ons dankbaarheid. Dit is net reg om hom krediet vir 'elke goeie en volmaakte gawe' te gee (Jakobus 1 17). Wanneer ons dankbaar is, is ons fokus verskuif van selfsugtige begeertes en van die pyn van die huidige omstandighede. Uitdrukking van dankbaarheid help ons onthou dat God in beheer is. Dankbaarheid is dus nie net toepassing nie ; Dit is eintlik gesond en voordelig vir ons. Dit herinner ons aan die groter prentjie, dat ons aan God behoort, en dat ons geseënd is.

24/02/2016

Folk remedies and half-truths still prevent many from getting treatment for depression. WebMD's pictures show unusual symptoms in men, seniors, and others, along with many ways to recover.

24/02/2016

Meryl Streep
Quote: "The great gift of human beings is that we have the power of empathy."

24/02/2016

Maya Angelou

Quote: "People will forget what you said. People will forget what you did. But people will never forget how you made them feel."

14/02/2016

Ai ons het omtrent lekker geeet en gekuier. Dankie almal.

Dankie aan Romilda vir die geskenkbewyse en vir Tannie Sharon en Oom Ben vir die lekker eetgoed. Dankie aan die Kombuis personeel vir die smaaklike ete en nagereg. Dankie aan die spanleier Jenifer,en haar spanlede Petro, Veronica, Tannie Ughy, Vanessa, Nellie, Belinda en almal wat so wonder saam geswoeg en gesweet het die afgelope week. Geluk aan huis Ronel vir die mooiste Tafel wenners ONS IS TROTS OP JULLE!!!! en 94jarige Ouma Hester wat die mooiste aangetrekte nooi was vir die aand en Kosie die mooiste aangetrekte man. SO MAAK MENS MOS!!!

02/12/2015