Harties Vlinders Kleuter Akademie

🏫 HERE, SEËN DIE SKOOL

Vader, ek plaas hierdie hele skool in U hande.

Ek bid dat dit nie net ’n plek van onderrig sal wees nie, maar ’n plek waar kinders liefde, veiligheid, aanvaarding en die teenwoordigheid van Jesus sal ervaar.

Seën elke klaskamer.

Seën elke onderwyser en personeellid.

Seën elke kind.

Seën elke ouer en familie wat aan die skool verbind is.

Laat daar ’n atmosfeer van vrede, vreugde, respek en liefde wees.

🛡️ BESKERM ONS KINDERS

Here, plaas U beskermende hand oor elke kind.

Bewaar hulle teen ongelukke, siekte en gevaar.

Gee die personeel wysheid en waaksaamheid om elke kind met liefde en verantwoordelikheid te versorg.

Ek verklaar Psalm 91 oor die skool.

Laat U engele wag hou oor hierdie terrein.

Mag elke kind veilig inkom en veilig teruggaan huis toe.

💰 VOORSIENING EN GROEI

Vader, ek vra ook vir finansiële voorsiening en gesonde groei.

Stuur die regte gesinne en kinders na die skool.

Maak die regte deure oop.

Voorsien in elke finansiële behoefte.

Gee ons wysheid met finansies, personeel, administrasie en toekomstige besluite.

Ek bid vir guns in die gemeenskap en vir ’n goeie naam wat gebou word op integriteit, liefde en uitnemendheid.

Laat die skool groei — nie net in getalle nie, maar in kwaliteit, invloed en Koninkryksimpak.

❤️ OOR ELKE KIND

Here Jesus, ek bid dat elke kind wat hier instap, sal weet:

Ek is geliefd.
Ek is waardevol.
Ek is veilig.
God het ’n doel met my lewe.

Laat die saad van U liefde wat in hierdie kinders geplant word, vir baie jare vrug dra.

Mag sommige kinders eendag terugkyk en sê:

“Dit was daar waar iemand in my geglo het. Dit was daar waar ek liefde ervaar het. Dit was daar waar ek van Jesus geleer het.”

🔥 EK VERKLAAR

Ek verklaar vandag oor Harties Vlinders!

Die Here sal voor ons uitgaan.

Die Here sal voorsien.

Die Here sal beskerm.

Die Here sal die werk van ons hande seën.

Die Here sal die regte personeel stuur.

Die Here sal die regte kinders en families stuur.

Die Here sal guns gee.

Die Here sal vrede gee.

Die Here sal groei gee.

En Vader, wanneer daar uitdagings kom, herinner ons daaraan:

Hierdie skool behoort uiteindelik aan U.

Ons vertrou nie net op ons eie vermoë, planne of hulpbronne nie.

Ons vertrou op U.

Ek spreek Numeri 6:24–26 oor elke personeellid en elke kind uit:

“Die Here sal jou seën en jou behoed;
die Here sal sy aangesig oor jou laat skyn en jou genadig wees;
die Here sal sy aangesig oor jou verhef en aan jou vrede gee.”

Here, laat hierdie skool ’n lig in die gemeenskap wees.

Laat kinders hier veilig wees.

Laat families hier welkom voel.

Laat personeel hier met vreugde dien.

En laat Jesus Christus die fondament van alles wees.

Ek plaas die personeel, die kinders, die ouers, die finansies en die toekoms van die skool vandag volledig in U hande.

In die magtige Naam van Jesus Christus.

AMEN. 🙏❤️

Aan al ons wonderlike mammas wat elke dag die ekstra myl loop sonder om moeg te word en soms geen erkenning kry nie.
Ons waardeer jul en hoop dat jul vandag besonders bederf word.

Hou datum oop!! Kom kuier vir ons, leer ons juffies ken en verseker jou kleuter se plekkie vir 2027.

Aan al ons pappas gelukkige vadersdag julle is ons beskermers en rots in ons gesinne. Mag liewe Jesus jul seën met wysheid en liefde.

Duifies trots op jul vrug v d Gees - geduld, julle is ons grootste klassie in die skool wat met liefde en geduld jul b***t afgewag het en nog geglimlag het toe jul uiteindelik by die "kassiere" uitgekom het. Inkopie-dag was 'n fees!

Uiltjies ons slim maatjies wat vlgde jaar graad R toe gaan. Julle maak ons so trots om te sien hoe jul al geldjies kan tel vir inkopies. Slimste maatjies in Harties!!

Eendjies julle is ons "hero's" om die winkels so vroeg in die koue aan te durf.

Ons sluit inkopie-tema af deur bietjie ons eie inkopies te gaan doen. Dankie kuikens dat jul so geduldig was in die 'besige rye'