Laerskool George-Suid

⛳ LGS-Gholfdag ⛳

Gister se Gholfdag by Kingswood was 'n groot sukses! 🎉

Baie dankie aan elke speler, borg en ondersteuner wat deel was van hierdie besondere dag. Julle entoesiasme en ondersteuning het dit 'n groot sukses gemaak.

'n Spesiale woord van dank aan ons hoofborg, MAD WEAR vir julle ruim ondersteuning, asook aan Kingswood Gholfklub vir julle gasvryheid en uitstekende diens.

Ons sien reeds uit na volgende jaar se gholfdag – moenie dit misloop nie! ⛳💛

🎉 VROLIKE VRYDAG: 🎉

Ons is vandag ekstra vrolik, want ons vier meneer Sas du Plessis se verjaarsdag! 🥳🎂

Ons is opreg dankbaar dat meneer vir nóg 'n jaar gespaar is en wens hom môre 'n wonderlike verjaarsdag en 'n heerlike verjaarsdagnaweek toe.

Mag die nuwe lewensjaar gevul wees met goeie gesondheid, ryke seën en baie vreugde. Baie geluk, Meneer! 💛

⛳🏆 GHOLF PRESTASIE:

Uys Wessels het Sondag 14 Junie die o.13 Arabella Junior Ope gewen.

Baie geluk met hierdie uitstekende prestasie, Uys! Ons is ongelooflik trots op jou. 💛

🚵‍♀️🏅 BERGFIETS:

Walter vd Merwe, Ivah Steyn en Miné Muller het die Eden-bergfietsspan by die Wes-Kaap Kampioenskappe in die Kaap verteenwoordig. Ons is ongelooflik trots op hierdie leerders wat ons skool met trots verteenwoordig het.

’n Spesiale geluk aan Ivah Steyn met haar uitstekende prestasie om ’n 2de plek in die nipper-dogtersafdeling te behaal. Julle harde werk, deursettingsvermoë en sportmangees is ’n inspirasie vir ons almal!

Baie geluk met hierdie besondere prestasies! 💛👏

Laerskool George-Suid d**k aan die leerders, onderwysers en ouers van Laerskool Kathu in hierdie hartseer tyd. Ons bid dat die Here julle sal versterk, troos en dra deur elke moeilike oomblik.

Ons opregte simpatie aan die hele skoolgemeenskap.💛

⭐🏆 WAT GEBEUR DIÉ WEEK BY LGS?

Dis ’n lekker kort skoolweek vir die Loeries! Ons sien baie uit na die Graad R-markdag en die LGS-Gholfdag wat Donderdag by Kingswood plaasvind. ⛳

Ons wens al ons Loeries ’n wonderlike week toe!💛

⚠️KENNISGEWING:

💃🇿🇦 DANSPRESTASIE:

Baie geluk aan Emma Breedt, wat die afgelope naweek haar inhuldiging tot die Suid-Afrikaanse dansspan bygewoon het!

Emma berei tans voor vir haar deelname aan die Dance World Cup in Dublin wat van 5 tot 15 Julie plaasvind.

Sy sal Suid-Afrika met trots verteenwoordig in 3 solo's en 2 duet-items.

Ons wens Emma alle sterkte toe met haar voorbereiding en sien uit daarna om haar op die wêreldverhoog te sien presteer.