Kwagga Trust / Oud-Kwaggas

🎉 𝗕𝗲𝘆𝗲𝗿𝘀 𝗧𝗲𝗵𝘂𝗶𝘀 𝟭𝟬𝟬 𝗝𝗮𝗮𝗿 – 𝗔𝗳𝘀𝗸𝗼𝗽𝗻𝗮𝘄𝗲𝗲𝗸!

Die groot oomblik is hier, ons BTH Eeufees Afskopnaweek vind plaas op 10–11 April 2026. ’n Naweek vol herinneringe, kameraadskap en trots wag op elke oud-BTH inwoner.

Kom herleef die koshuisgees, kuier saam met ou vriende en vier saam met ons ’n ongelooflike mylpaal.

Besprekings nou oop 👉 https://www.outeniqua.co.za/bth-eeufees-afskopnaweek/

📅 RSVP teen 3 April 2026 op die aanlynskakel👆 of by Berneen Müller (reunie@outeniqua | 083 309 4437). Moenie hierdie spesiale geleentheid misloop nie!

Ons is uiters trots op drie van ons oud leerders wat vanjaar die uitdagende Absa Cape Epic 2026 aangepak en uitstekende uitslae behaal het. Die Cape Epic, bekend as een van die wêreld se mees veeleisende bergfietswedrenne, behels ’n agt dae, meerdaagse aflosren oor tegniese roetes, skerp klimme en uiterste uithouvermoë ... net vir die dapperstes!

Uitslae van ons oud leerders:
• Elite Men – 1ste plek: Tristan Nortje saam met spanmaat Matt Beers
• Open Men – 2de plek: Cronje Beukes saam met spanmaat Jean Pierre du Plessis
• Grand Masters Women – 3de plek: Hannele Steyn saam met spanmaat Lisa Czepek

Hierdie jaar was veral besonders vir Hannele Steyn, vir wie dit haar 22ste Cape Epic was. Sy is die enigste vrou wat al 22 Cape Epic's suksesvol voltooi het, wat haar tereg die bynaam “The Last Lioness” besorg het. Hierdie is ’n merkwaardige nalatenskap van deursettingsvermoë en karakter.

Baie geluk aan hierdie uitmuntende atlete. Julle deursettingsvermoë, sportmanskap en harde werk dien as ’n inspirasie vir al ons huidige leerders. Ons vier julle ongelooflike prestasies!

nortje
steyn
beukes

Baie geluk Tristan Nortje! Kwaggaland is baie trots op jou💛💜🖤

𝗔𝗮𝗻𝗱𝗮𝗴 𝗮𝗹𝗹𝗲 𝗼𝘂𝗱-𝗕𝗲𝘆𝗲𝗿𝘀 𝗧𝗲𝗵𝘂𝗶𝘀 𝗶𝗻𝘄𝗼𝗻𝗲𝗿𝘀

Ons is tans besig met die beplanning van 𝗕𝗘𝗬𝗘𝗥𝗦 𝗧𝗘𝗛𝗨𝗜𝗦 se 𝟭𝟬𝟬 𝗝𝗔𝗔𝗥 𝗩𝗜𝗘𝗥𝗜𝗡𝗚. Datums van die verskillende funksies👉

𝘛𝘈𝘎 jou mede Beyers Tehuis inwoners van jou jaargroep en versprei die woord!

Indien jy nog nie die inligtingsvorm voltooi het nie, klik asseblief op ons inligtingsvorm om jou kontakbesonderhede op te dateer 👉 https://www.outeniqua.co.za/bth-inligtingsvorm/

Meer inligting sal binnekort volg.

Ons sien baie daarna uit om jou by BTH terug te verwelkom! 💛💜🖤

Ons is ongelooflik trots op oud-leerder Tristan Nortje wat tans aan die wêreldbekende ABSA Cape Epic 2026 saam met sy spanmaat, Matt Beers, deelneem!

Hulle het ’n uitstekende begin gemaak deur die geel trui in die Proloog te wen en behou dit steeds ná Stage 1.

Baie geluk met hierdie puik prestasie! Ons wens julle alle sterkte toe vir die res van die stages. Jul harde werk en deursettingsvermoë maak ons skool baie trots!

Tristan Nortje

Baie geluk Oud-Kwagga, Chanelle Brits🖤💛💜

Local rugby star earns SA U19 call-up RUGBY NEWS - First-year CUT student and...

Baie geluk aan oud-Kwagga, Marais Kruger!! Ons is baie trots op jou, Marais🦓

New mayor for Garden Route District Municipality GARDEN ROUTE NEWS AND VIDEO - Marais Kruger...

Baie geluk Tristan Nortje🙌 Kwaggaland hou jou dop en ons is ongelooflik trots op jou! 🦓

𝟭𝟵𝟳𝟱-𝗠𝗮𝘁𝗿𝗶𝗲𝗸𝘀 – 𝟱𝟬 𝗝𝗮𝗮𝗿 𝗟𝗮𝘁𝗲𝗿! 🎓

’n Naweek vol warmte, herinneringe en herontmoetings het op 20 September afgespeel toe die klas van 1975 weer saamgekom het in Kwaggaland – vyf dekades ná hul matriekjaar.

Die oggend het afgeskop by Kafé Serefé, waar die oud-Kwaggas rustig saam ontbyt het en herinneringe opgehaal het oor die goeie ou dae. Daarna het Mnr Vorster, die huidige skoolhoof, die groep met ope arms ontvang en ’n nostalgiese stap deur die skool gelei – ’n reis deur die gange van hul jeug.
Die dag is afgesluit met ’n smaaklike maaltyd by Kwagga Cuisine, waar stories gedeel en nuwe herinneringe geskep is.

Hierdie was nie net ’n reünie nie – dit was ’n huldeblyk aan die bande wat oor jare heen bly bestaan, en aan die Kwaggagees wat ons steeds verbind.

𝟮𝟬𝟬𝟱 𝗠𝗔𝗧𝗥𝗜𝗘𝗞𝗦 – 𝟮𝟬 𝗝𝗔𝗔𝗥 𝗥𝗘𝗨̈𝗡𝗜𝗘

Wat ’n ongelooflike naweek vol herinneringe, lag en herontmoetings!

Op 12-13 September het die 2005-matrieks teruggekeer na hul ou tuiste, Kwaggaland, vir ’n spesiale 20-jaar reünie.

Vrydagaand het ou vriende mekaar weer gevind – stories, lag en kosbare herinneringe het soos gister gevoel.

Saterdag het Mnr Els die groep hartlik verwelkom en ’n nostalgiese toer deur die skool gelei.

Die hoogtepunt? ’n Gesellige afsluiting met ’n heerlike ete by die Kwagga Cuisine – die perfekte manier om die naweek te kroon.

Hierdie was meer as net ’n reünie – dit was ’n viering van vriendskap, herinneringe en die unieke Kwaggagees wat ons altyd bymekaar hou!

Gedig deur die hoofdogter van 2005 - Chani Botha - Die (JA)re

Die JARE

Soos ons almal nou weet
Hulle loop soos sweet

Die JARE

Moenie aan hul klou
Hulle kom vir jou

Die JARE

Ons is almal bietjie bang
Hulle gaan jou vang

Die JARE

MAAR elke een
is 'n wonderlike seën

Die JARE

As hul by jou klop
laat hul inpop

Die JARE

So moet dit nie vrees
Dis 'n pragtige fees!

Die JARE