Hoërskool Ooskus Gimnasium

Ons is ongelooflik trots op ons oudskolier, Amori Matthee, wat uitstekend presteer in netbal in Noordwes!

Amori speel vir die Flames en het onlangs die toekenning as Speler van die Wedstryd ontvang – 'n welverdiende erkenning vir haar harde werk, toewyding en talent op die netbalbaan.
Baie geluk, Amori! Jy is 'n inspirasie vir ons huidige leerders en 'n trotse ambassadeur van ons skool.

Ons wens jou alle sukses toe vir die res van die seisoen.

🏅 PLAYER OF THE MATCH


✨ Amori Matthee takes home the Player of the Match award after helping the Flames secure 5th place. 🏆👏

Baie sterkte aan ons o.14A-, o.16A- en o.19A-netbalspanne wat hierdie naweek aan die finale rondte van die Oos-Kaap Netbalkampioenskappe deelneem! 🏐

Ons is ongelooflik trots op julle harde werk, toewyding en deursettingsvermoë. Geniet elke oomblik, speel met passie en gee julle beste op die baan.

Ons wens julle veilige reise, goeie wedstryde en baie sukses toe. Ooskus Gimnasium staan agter julle! 💙

Baie sterkte aan Inge Gerstner en MJ van Niekerk wat vandag aan die Nasionale ATKV-Debatskompetisie in Stellenbosch deelneem. Hulle ding mee teen 'n span van die Hoër Meisieskool Bloemhof.

Ons glo in julle. Maak julle stemme dik. ✨

🏋️‍♂️ OOSKUS GIMNASIUM: OPGRADERING VAN GIMNASIUM 🏋️‍♀️

Ons skool se gimnasium is tans besig met 'n opwindende opgradering!

'n Groot dankie aan ons ONDERSTEUNERSKLUB wat 'n splinternuwe oefenapparaat aan die skool geskenk het. Julle ondersteuning en belegging in ons leerders word opreg waardeer.

Ons wil graag die gimnasium verder ontwikkel en doen daarom 'n beroep op ons Ooskus-familie. Indien jy enige gimnasiumtoerusting het, wat nie meer gebruik word nie, of dalk 'n nuwe item aan die skool se gimnasium wil skenk, sal ons dit met groot dankbaarheid ontvang.

Elke bydrae, groot of klein, help ons om 'n beter oefenomgewing vir ons leerders te skep.

Kontak gerus die skool indien jy kan help.

💙Dankie dat julle saam met ons bou aan Ooskus Gimnasium se toekoms!

𝗢𝗢𝗦𝗞𝗨𝗦 𝗩𝗦. 𝗣𝗢𝗥𝗧 𝗥𝗘𝗫 🏐🏉
29 Mei 2026

Vandag het die netbal- en rugbyspanne behoorlik uitgeblink op die sportterrein. Baie geluk aan al die spanne. Ons is trots op julle. 💙✨️

𝗙𝗜𝗘𝗧𝗦𝗥𝗬🚴🏼‍♂️🚴🏻‍♀️

Annika Roeleveld en Morné Wilson het op 17 Mei 2026 aan die Buffalo City Cycling School MTB series by Hoërskool Lilyfontein deelgeneem en podiumposisies behaal.

Annika het in die Junior Vroue kategorie deelgeneem en 'n goue medalje verwerf. 🥇

Morné het in die Junior Mans kategorie deelgeneem en 'n brons medalje verwerf. 🥉

Welgedaan Annika en Morné! Julle harde werk word beloon en julle maak Ooskus trots.

🚴🥇🥉🚴🏻‍♀️

𝗥𝗨𝗚𝗕𝗬

Baie geluk aan die volgende leerders wat gekies is om die Grens Provinsiale Rugbyspanne tydens die Julievakansie te verteenwoordig.

🏉 Kwagga Liebenberg
Cravenweek

🏉 Leon Müller
Akademieweek

🏉 Tiaan Frazer
Akademieweek
(Nie-reisende reserwe)

🏉 Mnr. R. van Wyk
Die skool is ook baie trots op Mnr. Van Wyk wat gekies is om die o.18 Akademiespan, as voorspelerafrigter, tydens die interprovinsiale toernooi af te rig.